دمعه على خد رجال.....

دمعه على خد رجال.....


قصيده أعجبتني فأحببت أن نقرأها معا للشاعر " خـــالد المــاجد "


ويلاه من قلبن غـدا فيـه زلـزال
زلزال وسط القلب سبـب جنونـي

ضاقت بي الدنيا من الجال للجـال
تكفون يأهل العرف إيـه إذبحونـي

دمعي ويلاه من حضنا مال
ياجعـل فالـك للعمـى ياعيونـي

ياليت نقدر نرجَع الدمـع لا سـال
حاولت مير إن الدمـوع أخلفونـي

ياليتهـا بالمال يارخصـه المـال
وأشري دموعي قبـل لا ينزلونـي

ياليتها بالهـوش وآصيـح ياعيـال
والله لياقف نـص هالخلـق دونـي

والله لياقف دونـي العـم والخـال
وعيـال عمـي والقبيلـه يجونـي

مير إنزلت دمعه على خـد رجـال
ايه إنزلت بأسبـاب حبـن جنونـي

إيه إنزلت بأسبـاب لباسـة الشـال
بأسباب من (كانت) حياتي وكونـي

إيه إنزلت من ضيقة الخلق والبـال
بأسباب من بعـد المحبـه جفونـي

إيه إنزلت بأسباب تحريض الأنذال
خلـوا حبيبـي للمحبـه يخـونـي

كنت أحسبه وافي وأثاريه محتـال
اثر الغدر والكـره عنـده يهونـي

أنهـار حبـي كلهـا عـودت لال
وورود هالدنيا غـدت دون لونـي

وقلت الفراق,,وعلتي أمرهـا هـال
صار السهر والنوح طبعي ولونـي

آجر طول الليـل للحـزن مـوال
وأدعي عسى النسيان يمزح حزوني

نزلت دموعي كنها ثـورة أبطـال
جيش(ن) زحف يبغى يهد الحصوني

نزلت تبي ترتاح من ظلم وأهـوال
نزلت على الأوجان مثل المزونـي

دمعة حزن دمعة وفا دمعة إرجـال
دمعة قهر دمعـة نـدم فجرونـي

معذور يادمعي ترى صبركم طـال
معذور مير إن العرب يفضحونـي

مير إنزلت دمعه على خـد رجـال
ايه إنزلت بأسبـاب حبـن جنونـي

إيه إنزلت بأسبـاب لباسـة الشـال
بأسباب من (كانت) حياتي وكونـي

ـــــــــــــــــــــــــــــــــــ

صح لسان الشاعر

وصح بدن من نقلها لنا

سلمت لنا ايها العضيد ...

والف الف شكر لتواصلك المميز والرائع

ودمت بالف خير وصحة

العفوووووووو


أخوي مخــــــــاوي تمير

أسعدني مرورك العطر

[align=center]آجر طول الليـل للحـزن مـوال
وأدعي عسى النسيان يمزح حزوني

نزلت دموعي كنها ثـورة أبطـال
جيش(ن) زحف يبغى يهد الحصوني

نزلت تبي ترتاح من ظلم وأهـوال
نزلت على الأوجان مثل المزونـي

دمعة حزن دمعة وفا دمعة إرجـال
دمعة قهر دمعـة نـدم فجرونـي

معذور يادمعي ترى صبركم طـال
معذور مير إن العرب يفضحونـي [/align]

[align=center]نقل اكثر من رائع ياعضيد السنافى وصح السان الشاعر[/align]

تسلم أخوي الشمالي


وأسعدني مرورك العطر


دمت بخير

مير إنزلت دمعه على خـد رجـال
.......ايه إنزلت بأسبـاب حبـن جنونـي

يقولون ان كل قلب رجل فيه نقطة ضعف وهذا ما يجعل الرجل يبكي احيانا ..


تسلم يا عضيد السنافي وصح لسان شاعرها ,,,

دام عطائك يالغالي ,,,

أشكرك أخوي الغالي

السنافي

على المرور

ولك خالص الشكر

نزلت تبي ترتاح من ظلم وأهـوال
نزلت على الأوجان مثل المزونـي

دمعة حزن دمعة وفا دمعة إرجـال
دمعة قهر دمعـة نـدم فجرونـي

تسلم يا عضيد السنافي وصح لسان الشاعر خالد الماجد

ودمت بخير

أشكرك أخوي ولي العهد


على مرورك العطر

مير إنزلت دمعه على خـد رجـال
ايه إنزلت بأسبـاب حبـن جنونـي

إيه إنزلت بأسبـاب لباسـة الشـال
بأسباب من (كانت) حياتي وكونـي


ابيات جزلة من شاعر جزل مشكور على الطرح الرائع من شخصية مبدعة تحلق في سماء الابداع الله لا يحرمنا من ابداعك يا مبدع ..

مخــاوي سدير ..