اقتراح وفكره ان شاءالله تعجبكم

بسم الله الرحمن الرحيم

ماراح اطول بالكلام الي ماله سنع
زبدة الكلام

شارع الثلثين مشاكله كثيره والناس متوذيه منه يعني منزعجه

الحل البسيط

ماراح اقولكم اكثر الحلول بس بعطيكم كذا فكره :

اقترح ع البلدية تشيل الزفلته الي فيه وتحط احجار نفس الشارع الي بسوق المجمعة القديم اكيد تعرفونه
هذا يمنع كفرات السياره من الانزلاق يعني مستحيل يفحط
لان ماراح تكون فيه نعومه مع الوقت والايام

وبس,,,

ملآحظه :

انا عندي التصميم وعندي شكل الشارع بالكامل من اناراة وزفلته وغيره لشارع بس قلت اطرح محتوى الفكره قبل لا اتقدم بتصميم الى البلدية
صدقوني بيكون الشارع منظره كويس وخالي من التفحيط استحاله يعني يفحطون فيه


يمكن كلامي محد يفهمه او طرحي موب ذاك الزود بس الي علي سويته والباقي على الله

انتظر ردودكم

احلف عليكم تردون على الموضوع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وعليكم السلام
اقتراح ممتاز .. المهم نتخلص من هالمشكله
بما ان الدوائر الحكوميه مطنشه
ليه مدري !

أآسستنيٌ , لين الأداره ترد علييكٌ , وش اقول غير الله يصصلحهمٌ بسسُ , وان ششاء الله تلقى الي تبيه ه

اقتراحك جميل :)
زيادة على ان الشارع يصغر بتكبير الارصفة
ويوضع فيه مطبات بتصميم شارع التحلية ..
ووقتها الشارع ماراح احد يقدر يفحط فيه ولاراح احد يتضرر من المطبات

اقتراح جدا رائع
وان كان كلامك صحيح مايقدر الواحد يفحط فيه فاليت تتدخل ع رئيس البلديه وتعطيه رايك
ولك الاجر ان شاء الله لانك راح تريح كبار السن وتخليهم ينامون بلا ازعاج وكل الناس بتدعي لك
وانا اولهم الله يجزاك خير ويحرم وجهك عن النار

التفكير في الحلول جميل .. اطرح ما لديك ..يكفي منك ان تسجل موقف ..ومن يتخذ القرار يتحمل المسؤولية ..

لكن لو جعلنا تفكيرنا في كيف نحمي شارع الثلاثين ووجدنا له حل .. ماذا عن الشوارع الاخرى ..

سينتقل العابثين لاي شارع اخر وتنتقل المشكلة معهم ..!! لذلك لا بد من حل جذري ..

هذا رايي

فكرة جميلة جدا

ياليت يكبرون الارصفة الجانبية لأهل البيوت يضن الشارع ويصير حجر زي ما قلت

اقتراحك حلو وانا شفته بالمجمعه
بس تضن انه ينفع لشارع مثل شارع الثلاثين
لانه في واجهه البلد .
الحل كما قلت سابقاً وضع دوريات سريه تسجل ارقام المفحطين
وتطلبهم اوقات الدوام وتردعهم اما بمخالفه او حجز ولا تقبل فيه
شفاعه مهما كان اسمه او سنه او مركز والده
وانا على يقين بان هالشي راح يبتر التفحيط فالقوة افضل لردعهم
فمن يزعجك بشارع الثلاثين اليوم سيزعجك بشارع الاربعين غدا
فالمكان ليس هو السبب بل العقليات وعلى قولهم (من امن العقوبة اساء الادب ) .

اقتباس: المشاركة الأصلية كتبت بواسطة النادر    اقتراحك حلو وانا شفته بالمجمعه بس تضن انه ينفع لشارع مثل شارع الثلاثين لانه في واجهه البلد . الحل كما قلت سابقاً وضع دوريات سريه تسجل ارقام المفحطين وتطلبهم اوقات الدوام وتردعهم اما بمخالفه او حجز ولا تقبل فيه شفاعه مهما كان اسمه او سنه او مركز والده وانا على يقين بان هالشي راح يبتر التفحيط فالقوة افضل لردعهم فمن يزعجك بشارع الثلاثين اليوم سيزعجبك بشارع الاربعين غدا فالمكان ليس هو السبب بل العقليات وعلى قولهم (من امن العقوبة اساء الادب ) .

المشكله الشرطه حطو دوريات سريه بس السيارات معروووفه!
وكل الي يفحطون يعرفون الدوريات السريه بس انشاءالله
نشوف الفرق لما يفتحون المركز الجديد لشرطه
اسعدني مرورك