مشآرك : بقــوم أصــلي عشان أفتك ..

كيف حالكم ان شاء الله طيبين حبيت اشاركم المسابقه بموضوع مهم جداً بحياتنا اليوميه
اكييييييييييييد سمعتوا من قبل او مرت عليكم كلمة (بقوم اصلي عشان افتك)

بالنسبة لي كثير سمعتها تتردد بين الناس فمثلا:

شخص سمعته يقول بالبر خل نصلي ونفتك عشان يرجع للديره ويرقد ..
ووحدة تقول خل اقوم اصلي اللحين عشان لما اروح البيت افتك ....
لآ وأعتقد قوول جملة ( أنا بقضي صيـآمي وأخلص أو أفتك ) << يعني مو بس الصلآه الي الواحد يبي يفتك منها !!!!!
إذآ هذي أركـآن الإسلآم ويقولون عنهـآ المسلمين كيـذآ كأنهم مغصوبين على العباده كيف اجل بغيرهم .
من جد عبـآرآت تُحزن القلب وتُشغِل الفِكر ؟!!
متى كـآنت الصلآه والصيام عبء على المسلمين ؟!!
<< وكان الرسول عليه الصلاة والسلام يُنـآدي بـلآل بن رباح ويقوول له (( أرحنـآ بهــآ يابلآل ))
هي الرآحه والطمآنيينه ووالاستقرار النفسي هي أول مـآيحـآسب عليه العبد أصبحت فكّه
’<< مـآ أقبح مصطلحـآتهم ’ شباب مطنش

أطلت الحديث ولكن الموضوع إستوقفني وأثـآر حُزني ’
فحبيت اسمع رآيكم حول عبارآآآت الشباب والفتيات ..

هي فعلا كلمات ليست جيده ؛ لكن تبي الصدق !!

الصدق ان بعض المتعنتين هم من تسبب في وجود هالكلمات ؛ و اقصد ان هناك من المتشددين من اجبر الاخرين على السير على هذه النظره ؛ فالانسان عندما يسافر يجب ان يسمح له من معه باخذ جميع الرخص المسموحه في الدين خلال سفره و لكن للاسف ان هناك من المتشددين من يلزم اصحابه في سفرهم على عدم الاخذ بالرخص ويقول لهم ( مايضر خل نصلي اربع احسن ) و ( ما نبي نتيمم وسنبحث عن ماء احسن حتى لو الماء بعيد مرة ) ؛ هالتصرفات من بعض اللي يعتقدون ان علمهم تجاوز ابن باز و ابن عثيمين هي اللي خلت بعض الشباب يحاول ان يجد مبرر عشان ياخذ الرخص ؛

هي لا يجب ان تقال و لكن السؤال ( لماذا تقال ؟ ) .. الدين دين اعتدال و هو منزل من الله سبحانه و قد اكتمل ؛ فلماذا ياتينا من يقول ( نزيد و لا ننقص احسن و اكثر للاجر ) لو الدين على كيفه ما قام يوزع الاجر كيفما شاء ..

باختصار .. اعتقد ان الدين غني عن اصحاب عبارة ( خلنا نفتك ) و غني كذلك عن اصحاب ( اكثر للاجر )

تحياتي

اقتباس: المشاركة الأصلية كتبت بواسطة تـوأم الـجـود    هي فعلا كلمات ليست جيده ؛ لكن تبي الصدق !!

اقتباس: المشاركة الأصلية كتبت بواسطة تـوأم الـجـود    الصدق ان بعض المتعنتين هم من تسبب في وجود هالكلمات ؛ و اقصد ان هناك من المتشددين من اجبر الاخرين على السير على هذه النظره ؛ فالانسان عندما يسافر يجب ان يسمح له من معه باخذ جميع الرخص المسموحه في الدين خلال سفره و لكن للاسف ان هناك من المتشددين من يلزم اصحابه في سفرهم على عدم الاخذ بالرخص ويقول لهم ( مايضر خل نصلي اربع احسن ) و ( ما نبي نتيمم وسنبحث عن ماء احسن حتى لو الماء بعيد مرة ) ؛ هالتصرفات من بعض اللي يعتقدون ان علمهم تجاوز ابن باز و ابن عثيمين هي اللي خلت بعض الشباب يحاول ان يجد مبرر عشان ياخذ الرخص ؛ هي لا يجب ان تقال و لكن السؤال ( لماذا تقال ؟ ) .. الدين دين اعتدال و هو منزل من الله سبحانه و قد اكتمل ؛ فلماذا ياتينا من يقول ( نزيد و لا ننقص احسن و اكثر للاجر ) لو الدين على كيفه ما قام يوزع الاجر كيفما شاء .. باختصار .. اعتقد ان الدين غني عن اصحاب عبارة ( خلنا نفتك ) و غني كذلك عن اصحاب ( اكثر للاجر ) تحياتي

هلا اخوي توام بالبدآيه اشكرك لتواجدك العطر ..
من السنه إحياء السنه ففي السفر لابد من إحياء السنه سواء من الملتزمين
او غير ذالك من أهل الخير من ناحية قصر الصلاة وجمعها للمسافر ، الافطار في
نهار رمضان حق للمسافر ، ترك سنن النوافل غير سنة الفجر والوتر ..
هاذي امور لابد من فعلها أثناء السفر ليس لها علاقه بالمتشددين ..
لكن يجي شخص متشدد ويقول بالسفر خل نصلي اربع او سنقطع المسافات عشان مانتيمم
فصحيح يجي في 2% مقفل ويشوش على الواحد دينه والدين يسر وليس عسر .
اما لماذا والصحيح تقال ؟؟
فهي تأتي من شخص لايحمل أهميه كبيره للصلاة وقد يكون ضعيف الايمان .
فتجده يقول خل نصلي ونفتك يارجال اخاف ندخل الديره ونلاقاهم مابعد صلوا او نروح البيت
ونتعيجز نصلي او ننساها قلبها بس وانت عجل ويصلون بلا اطمأنينه ولاخشوع فهاذى حال بعض شبابنا

لايعطون الصلاة حقها الصحيح بالاداء المطلوب من الاطمأنان والخشوع بالصلاة .

عزيزي الموادع
طرح راقي
وكلمة تشمئز منها النفس
وكم كلمة تقول لصاحبها دعني

وهالكلمه لادخل للمتشددين فيها
كما قلت اخي الموادع وحنا في البر
يعني طلعة شبابية

دمت بود

اقتباس: المشاركة الأصلية كتبت بواسطة انين قلم    عزيزي الموادع

اقتباس: المشاركة الأصلية كتبت بواسطة انين قلم    طرح راقي وكلمة تشمئز منها النفس وكم كلمة تقول لصاحبها دعني وهالكلمه لادخل للمتشددين فيها كما قلت اخي الموادع وحنا في البر يعني طلعة شبابية دمت بود

انين قلم اشكر لك تواجدك العطرهناء
فالصــلاة رآحه والكــل يبحث عن الرآحه
بآرك الله فيك وفي مدآخلتك الجميله
فالعباره التي ذكرتها بموضوعي ليس لها دخل بالمتشدين فعلاً
بل من شباب مقصرين من ناحية الاهتمام بالصلاة
نسال الله لهم الهدآيه وأسئل الله لك التوفيق

استغفرالله والله كنت اول اقولها ابصلي علشان ارتاح بس مو المقصد اني ارتاح منها
لا والله اقصد اني اصليها بوقتها علشان مانساها وماكنت استوعب هالكلمه احسبها عاديه
بس الحين الحمدالله بطلت اقولها وكثيير اسمعها من الناس
كل واحد ونيته ومقصده
مشكور يالموادع ع روعة موضوعك
اثابك الله على موضوعك الهادف
احترامي لك

والله مدري وش اقول لاني
قبلي أقولها هالكلمه , أستغفرالله ,
صحيح ان نيتي مو ان الصلاة قلق وكذا
اللهم بس اننا نخلص من الصلاة و لانشيل هم نساينها ,
بس الله يهديني ويهدي الجميع
قولوا آمين ! !

صحيح نقولها والله يهدينا ويصلحنا

بس مقصدنا منها عشان ماننسى

او نلهى عنها بشي ويروح وقتها

سلمت يمناك على هالموضوع

واختيارك الرائع

لاعدمناك

يمكن موقصدهم يبون يفتكون من الصلاة او انها ثقيله عليهم
يمكن قصدهم يرتاحون نفسيا من انه يفوت وقتها اويخافون يجي شيء ويلهيهم عنهاوالله اعلم
اما اذا قصدهم عجز وثقل ما نقول غير الله يهديهم ويهدينا وينور على قلوبنا
والصلاة عماد الدين فلازم نحافظ عليها ونقوم لها طوعا ومحبه لله وتقربا اليه
طمعا فيما عنده وطمعا في رضاه
والحمد لله الدين يسر وليس بعسر
والصلوات الخمس سهله اجل لوها خمسين مثل اول ما نزلت على الرسول وش بنسوي
والواحد اذا وقف بين يدي الله يرتاح ويطمئن قلبه
ويفرح ان ادى الصلاة بوقتها ومن غير كسل
يعطيك العافيه اخي الموادع على الموضوع

إذا ضاقت نفسك يوما بالحياة فتذكر "أرحنا بها يا بلال"

هي قرة عين الرسول صلى الله عليه وسلم
الصلاة لا أن تقوم بجسدك وقلبك هائم بكل واد
وأكثر من ذلك أن يقول أحدهم (يالله نروكعها ونمشي ) والله المستعان
يكفي أنك تبتدي بالله أكبر