من أروع ماكتب في ملك القلوب((الملك عبدالله)) حفظه الله

من أروع ماكتب في ملك القلوب((الملك عبدالله)) حفظه الله
--------------------------------------------------------------------------------
( حـــــــارس الـبـيــتــيــن )
سـلام ياحـارس البيتيـن يالوافـي الأميـن
يالوصـل يالحـب يالـود يالاخـلاق يالطيبـه
يالسـمـح يالـقـرم يالشـهـم يالمحـبـوب
طباعـك المرجلـه خلـت مـن كـل عيـبـه
قولـك عهـود ومواثيـق وشوفـك عـشـم
وبطيفـك يستكـن القلـب مـن كـل ريبـه
حكمـك حلـم وقسـاك عـتـاب ونصيـحـة
والأمن قربـك إذا صـار فـي الدنيـا نهيبـه
يـا تـاج الملـوك ياعزالشعـوب الضعـفـه
يانصـرة المظلـوم إذا اشتكـى مـن غليبـه
بشـورك تتحـد بلـدان وتوحـد مطالبـهـا
جمعت فتح وحماس أهـل فلسطيـن الحبيبـه
ياحامـي الـديـن يــوم الـديـن يتـألـم
مـن سهـام الطايفيـه الله لراميهـا حسيبـه
أو من غـزو فكـري خـلا النـاس تتباعـد
وفي الجانـب الاخرترقبهـم ذيـاب مستذيبـه
وأعـلـم ياسـيـدي يامليـكـي بـخـيـرك
المقيم قبل المواطن صـارت حياتـه رغيبـه
اسمـك التايـخ وعنوانـك موطـن الايمـان
يالـي ماتسـوق القريـب بعـثـرة قريـبـه
يامن حكمـت النـاس بالحكمـه وبالاحسـان
وترجمة سياسة الدين والدوله بصـوره أديبـه
بالعفـو والصفـح كرمـك طـال الضالـيـن
يـوم الغيـر بالـي مثلهـم صفـى رقيـبـه
تسمع هموم النـاس صغيرهـم قبـل الكبيـر
مايخرج من مجلسـك محتـاج يحمـل طليبـه
يامن ترجتك الأمـم وأنشـأت لصلحـه قمـم
وصنعت للإسلام عزمن شـرق حتـى مغيبـه
ورسمت للإسـلام لوحـه بالمعانـي واضحـه
يوم صورتـه فـي الغـرب صـارت شويبـه
خليت الشعوب تتمنى إنهـا بشبـه الجزيـرة
حبا في باني المجـد ومعمـر الـدار الخريبـه
عـبـدالله بــن عبدالعـزيـز آل سـعـود
الله عن كل المسلميـن يجـزاه خيـر ويثيبـه
مـلـك الـقـلـوب تـــاج الـشـعـوب
لـو كـل حاكـم فـي الكـره يقتـدي بــه
لعشنـا فـي امــن واستـقـرار ومحـبـه
ماكـان شفنـا فـي الدنيـا ظـروف صعبيـه
الطفـل الرضـيـع يـنـام وهــو واثــق
انه في عهدك وعهد الرشيـد مأمـن حليبـه
والدول جيراننـا تنـام بأمـن وهـي تـدري
إن دونهـا شيـخ مهيـب و رداد السليـبـه
اذاانتهزالثلـج فـي القـب الشمالـي يـذوب
ويغـص العـدو وتبقـى دموعـه صبيـبـه
واذامـا جيـت لشـده وأوقـات الـحـروب
فعنده إخوان يشعلون الكـون ويطفـوا لهيبـه
وإذا هبـت الهيجـاء وتزعزعـت لـوطـان
من غير سلطان البسالة يمكـن نحتمـي بـه
كيـف أقـول وكيـف أوصـف ولـي العهـد
وإذا قالـوا أبـو الخيرماهـي عليـه بغريبـه
سلام يا سلمان يا وجـه الريـاض المشـرف
عدلـك وعفـوك كـل الخلـق تحكـي بــه
ونـايـف الأمــن والإيـمـان بـالـدولـة
يا مأمن الداخل مـن أهـل النفـوس الزليبـه
الله يرحـم ابوالأبطـال الملـك عبـد العزيـز
ماحي الثار مجدد الإسـلام مـن بعـد غيبـه
هوالمؤسس هوالموحد ومحول الصحرا إلى جنه
عشنا فـي خيـر دام حنـا نوصـل مواجيبـه
يامـن صنعـت المعجـزة وأهديتهـا لنـاس
وعلمتهم كيف التعايش من بعد فتـره رهيبـه
يالله الواحـد المعبـود ,يالله يالحـي يالقيـوم
ياملبي الدعاء هـذا دعانـا يالله انـك تجيبـه
يالله أسألك تـارد الفهـد حوضـك المـاروود
وتسكنه جنة الفـردوس فـي مجـاور حبيبـه
ياسيـدي ناصيـك بعـد الـقـوي المتـيـن
واحمل مـن أوجـاع الزمـن قصـه عجيبـه
ياسيـدي العـذر منـك اذا حصـل تقصـيـر
ون خطيت مثلك يغض إن شاف بالوزن عيبـه
مخاوي سدير ...