الرحيل (بطاقة وصوت) مرثية في الملك فهد

[align=center]السلام عليكم
يحتل الملك الراحل فهد بن عبدالعزيز ال سعود مكانه عظيمه فى قلوب المسلمين وحين وفاته
رثاه كثير من الشعراء ومن بينهم شاعرنا المميز فهد ابراهيم المفرج في هذه القصيده الرائعه
والتي اذيعت في برنامج الخيمه الشعبية في اذاعة المملكه العربيه السعوديه بعد وفاته رحمه الله
بيومين ونالت استحسان المستمعين ولكثرة الطلب عليها بصوت الشاعر نفسه كان هذا العمل .
تصميم البطاقه >>>>>>>>>> مخاوي تمير
هندسه صوتيه >>>>>>>>>> نديم الشوق
تحــمـيــلFTP >>>>>>>>>> الــنــــادر
[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="double,4,deeppink" type=0 line=0 align=center use=ex num="0,black"]
صباح الاثنين كل الناس مذعوره = علم (ن) لفا كدّر القاصي مع الداني
قالوا وطنكم توفّا اللي حمى سوره = العاهل اليعربيّ القايد الباني
موكّدين الخبر بالصوت والصوره = والله فلا ادري عقب ذا العلم وش جاني
هلّت دموع العيون وقلت معذوره = حاولت اكفّ العباير مير ماامداني
نبكي وكل العرب يبكون اخونوره = يبكون عز الديار ونور الاوطاني
من عاليات الحجاز لراس تنوره = ومن صوب حد اليمن لحدود عمّاني
وتبكيه مكه وبيت الله وحضوره = والكعبه اللي كساها باغلا الاثماني
ويبكيه مسجد رسول الله وجسوره = له بصمة(ن)باقيه مع طول الازماني
والاسره المالكه والشعب وقصوره = يبكون فرقا ملكهم سر واعلاني
جونا ملوك الدول من كل معموره = من جاه علم ابوفيصل جا لنا عاني
كل(ن)يعزّي نوادر نجد وصقوره = في شيخنا اللي توفّا ذرب الايماني
ماحد (ن)لعب دور فـالدنيا مثل دوره = انا اشهدانه فريدالنوع وحداني
له فزعة(ن)مع كويت الخير مشهوره = وله وقفة(ن)يحترمها كل لبناني
مواقف الفهد تحسب له ومشكوره = ومساهمات الفهد في كل ميداني
شيخ(ن)مدوّن له التاريخ فـ سطوره = سيرة بطل للشرف والمجد عنواني
زعيمنا معجزه لاوالله اسطوره = لو جيت اعدد فعوله يعجز لساني
قالوا توفّا فهدنا واختفى نوره = قلنا ليا غاب نجم(ن) يطلع الثاني
يبقا فهد في قلوب الشعب وجذوره = تروي بغيث الكرامه كل ظمياني
والحمدلله راضين(ن)بمقدوره = وحنا عوضنا بـ عبدالله وسلطاني
واخوان عبدالله اللي شورهم شوره = نحبهم كلهم من دون نقصاني
وعسى السحايب بنو الخير ماموره = تمطر على قبر شيخ(ن) شدّ الاظعاني
تسقي ثرى العود وتديّم على قبوره = آمين ياربنا خلاق الاكواني [/poem]

للاستماع والتحميل من هنا[/align]

قمة في الروعه يعطيكم الف عافيه

بالفعل عمل اكثر من رائع يستحق الوقوف له احتراما ويعطيكم الف عافيه وصح لسان الشاعر فهد المفرج وسلمت تلك الحنجره الذهبيه

وكم نقدم الشكر والعرفان للاخوه مخاوي تمير والنادر ونديم الشوق

مخاوي تمير اسعدتنا هذه المفاجئه الجديده

اقتباس: المشاركة الأصلية كتبت بواسطة تميراوي الرياض    قمة في الروعه يعطيكم الف عافيه

[align=center]
الحمدلله على كل حال رحمك الله ياخادم الحرمين
الف شكر لك ياتميراوي الرياض على مرورك[/align]

اقتباس: المشاركة الأصلية كتبت بواسطة الدبلوماسي    بالفعل عمل اكثر من رائع يستحق الوقوف له احتراما ويعطيكم الف عافيه وصح لسان الشاعر فهد المفرج وسلمت تلك الحنجره الذهبيه وكم نقدم الشكر والعرفان للاخوه مخاوي تمير والنادر ونديم الشوق

[align=center]
سلمت يالغالي على مرورك المميز
اي مشاركه فيها الشاعر فهد تاكد انها
قمه في الابداااااااااااااااع
ولا يهنون البقيه[/align]

[align=center]صوت مملؤ بالحزن فعلا اجاد الشاعر فهد باخراجه بهذه اللحن
مشكور على اللحن الحزين ,,, وكما احب اشكر مخاوي تمير
على البطاقه المعبره المكمله للقصيده والهندسه الصوتيه لنديم الشوق
عمل يفوق الوصف والخيال بصوت مرهف الاحساس الشاعر فهد[/align]

غفر الله لمليكنا ورحمه رحمة واسعه
وصح لسان الشاعر وجزاه الله خيراً و جزى اخواني الكرم ( النادر - مخاوي تمير - نديم الشوق )

غفر الله لمليكنا ورحمه رحمة واسعة

تحياتي

[align=center]من دون اي شك او اي مسؤليه الصوت خيال
ابدع ماشاء الله الشاعر فهد المفرج , وزاد مخاوي تمير
وصف تعبيرها ,,,, لا تعليق اكثر
انا نقلتها الى منتدى ثاني بعد الاستاذان من الاخ العزيز مخاوي تمير
تقبلوا تقديري لكم[/align]

صدق والله صدوق المخايل في كل كلمه قالها في هذه القصيده أما مخاوي تمير عز الله ماقصر وجهده واضح ومن ابداع الى ابداع يامخاوي تمير و الله يبارك في النادر ونديم الشوق ،،،،



تحيااااااااااااااتي

غفر الله لمليكنا ورحمه رحمة واسعه ..

وصح لسان شاعرنا وجزاه الله خيراً

تحياتي لك