انت السبب خليت الاحساس سوّاح !!!!!

كانـك تهـنـى فــي منـامـك وتـرتـاح
انــا منـامـي كـلـه آهـــات وهـمــوم

وكانك تعيـش الحلـم لانمـت مرتـاح
انـا حلومـي ضايعـه ماهـي احـلـوم

الله يـزيــدك ياحـبـيـبـي بــالافــراح
والله يصبرنـي علـى قلـب مضـيـوم

ياصاحبي ماجيتك اشكي من جرااح
ولاجيت أبي وصفه ترجع لي النوم

جيتك ابيـن لـك سبـب خافـقٍ صـاح
جيتك ابشرح لك سبـب همـي اليـوم

إنت السبب خليت الاحساس سـواح
تايـه غريـب وينتظـر لحـظـة قــدوم

نسيت من جانـي ولا لـي بمـن راح
وادخلتني بحرك وانـا اجهـل العـوم

خليـتـنـي اقـفــل خـفـوقـي بمـفـتـاح
واعطيك مفتاحه بكيفك علـى الـدوم

تامـر علـى كيفـك وتدخـل وتجـتـاح
وتنـام بــه فــي كــل الايــام وتـقـوم

يليـن قلبـي فـي يديـن البـشـر طــاح
وكـلٍ لمـح حبـك بالاعيـان مـرسـوم

واليوم انا مابين صمتـي والافصـاح
اشيـل نـار الحـب مـع جمـرة اللـوم


مــــنـــــقــــوول
الــشــاعــر
غــيــث نــجــــــد