و أسفاه و أسفاه

بسم الله الرحمن الرحيم
السلام عليكم ورحمة الله وبركاته
إخواني وأخواتي الأعضاء الكرام عندي موضوع ودي أتناقش فيه معكم يمكن نقدر نطلع بفائدة منه
الموضوع والله يحز في الخاطر موضوع ماعطينه أي اهتمام هو أن مساجدنا المؤذنين أجانب و ألائمه
أنا مااقول فيهم شي أو اطعن فيهم لا ألمشكله تلقى الإمام أجنبي واللي يصلي ورآه أكثرهم سعوديين لا وتلقى
فيهم الملتزمين اللي على وجهه سماء الخير ويمكن حافظ القران بعد ومع ذلك يصلي وراء الأجنبي يا جماعة
الإسلام طلع من الجزيرة العربية كان من باب اولااء أن شباب البلاد اللي يصلون في المساجد والإمام اللي ماهو قادر على انه يحافظ على وظيفته يقدم استقالته منها ولا يوكل عنه أجنبي يعطيه ربع الراتب ( المكافأة) التي تصرف له من ألدوله اعزها الله ويمسك المسجد وحد يحافظ على جميع الفروض والمؤذن كذلك يا جماعة فيه عندنا شباب والله ملتزمين وحافظين للقران لو حطوهم بدل من ألائمة اللي يأخذ (المكافأة) ويوكل أجنبي ماهوب أحسن والله يا جماعة الوضع يحز في النفس يا جماعة تخيلوا معي المشهد الإمام أجنبي والمأمومين سعوديين وفيهم شباب ملتزمين والله الموقف هذا حاصل قدامي شوف عيني هل تخيلوا الموقف والله يحز في النفس هذي بلدنا اللي تضم مشائخ وعلماء وقراء وطلبة علم تخرجوا على يدين مشائخ كبار نحسبهم كذلك والله حسيبهم يصير فيها هذا الشي وين المراقبين اللي وظفتهم الدولة لمراقبة المساجد وينهم ما يدرون عن الواضع الراهن معقولة ما يدرون أنا ما وضعت هذا الموضوع بين يديكم إلا عشانه موضوع مهم ولازم نطلع بنتيجة لاسيما أن المنتدى الحين قام ينافس المنتديات الثانية ارجوا إذا كان معنا واحد من الأعضاء له علاقة بوزارة الحج والأوقاف انه يرد على هذا الموضوع أو يوصلة للمسولين في الأوقاف لاسيما أن الدولة مانعة أن الأجنبي يصير إمام أو مؤذن أسف على الإطالة وعلى كلامي العامي وأسف إذا كان فيه أخطاء إملائية وارجوا إني ماغثيتكم وضيقت صدوركم وكلامي هذا كله مااقول أن الأجانب فيهم شي لا لكن حنا أولا بمساجدنا
إذا كنت أنا غلطان وجهوني وإذا كنت على صواب فما هو الحل
تقبلوا تقديري واحترامي

حياك يا الغلاي المصمم وموضوع رائع منك يا الغالي

مشكله كبيره السعودي يعطي الهندي 100 والباقي في مخباته

سبحان الله المشكله في تمير كل واحد هذا يقربله وهذا ولد عمه

ما اقول الى ارجو ان تلزم المساجد من السعوديين

بعضهم هداهم الله علشان الراتب بس يعني الراتب 1500 يعطي الاجنبي قل اكثر شي 500 والباقي في مخباته

واسفه واسفه

اشكرك اخوي المصمم غيرتك على بلدك

ولكن الشاب السعودي يحب الخروج في المنتزهات والبراري ولا يريد اي شئ يربطة

تجده كما قال أخوي الجنوبي يعطي العامل 100 ريال والباقي في المخباة

وماقول

إلا الله يخلي لنا الشيبان ولا كان علوم

الموضوع متشعب وكبير..
غياب الائمة عن المساجد بدون استئذان ، او بعذر غير مقبول ، فيه اخلال بالامانة ، ومخالفة للانظمة وشروط الوظيفة ، وترك لعمل مؤتمن عليه..
اما عدم وجود شباب سعوديون ائمة مساجد ، هذا له عدة اسباب :
1/ عدم تحسين وظائف ائمة المساجد ، و ما يستلمه الامام او المؤذن ليس راتبا انما مكافأة لا تشجع الشباب على الوظيفة ، حتى تقاعد لا يوجد له !!
2/ المسجد اذا كان معه منزل تجد الشباب يتنافسون عليه ، وهذا الشيء يرغبهم في ان يمسك احدهم مسجدا ( اماما او مؤذنا ) ، فمثلا في مدينة الزلفي هناك تنافس شديد ، والكل يريد مسجدا
وواسطات وشفاعات ، لان مساجدهم فيها منازل !!
ولذلك على الوزارة ان تتوجه الى تحسين الوظائف وتكون لها استقلالية ، وقد سمعت انها تدرس ذلك بحيث تكون وظيفة خاصة لا يرتبط معها وظيفة اخرى ، ويكون لها تحسين وتقاعد مثل الوظائف الحكومية الاخرى .
وكذلك تتجه الى دعوة اهل الخير الذين ينشؤون المساجد ببناء منازل معها ، حتى يحرص الشباب على مسك المساجد .
فوزارة الشؤون الاسلامية هي المسؤولة عن ذلك وعليها ان تتحرك ؟؟
...................
ان لم تخن الذاكرة فإن :
مكتب الاوقاف في تمير يفتح الباب لكل من يرغب ان يكون اماما لصلاة التراويح والتهجد في شهر رمضان ويعطي مكافأة على ذلك ، بعد توافق الشروط طبعا....
هذا والله اعلم،،،،
وصل اللهم وسلم على نبينا محمد وعلى اله وصحبه اجمعين

أشكر أخوي المصمم على الموضوع

هل هذا يحدث في مدينة تمير

لأان الصراحة في مدينة الرياض العامل فقط يذن ولا يصلي بنا .

موضوعك مهم اخوي المصمم
بس المشكله ان اكثر الشباب يقولون
ان الراتب حقها شوي وما يكفي وثاني شي ربطه
لا تروح يمين ولا يسار وربعنا يحبون البر والطلعات
لكن الشياب تلقاهم يمسكون المسجد يوم وبكره موكل هندي
يؤذن فيه ويصلي فيه بعد.
ومشكور على الموضوع يالمصمم

مشكور أخوي المصمم على الموضوع وانا بصراحه سبق وشكيت على مكتب الاوقاف بأن أمام مسجدنا لا يصلي فيه بعض الفروض وموكل مصري يصليبنا تقول مصلين القيام مع العلم ان عندنا شياب ما تقدر تاقف . فقال مدير الاوقاف بلسانه ( جب واحد سعودي ومستعدين نطرده ) دورت ودورت ما لقيت احد من الشباب السعودي يقبل بها لالن على ما قلو اللي قبلي ربطه وراتبها شوى

موضوع رائع اخوي المصمم وياليت سوينا لقاء مع مدير الاوقاف او من ينوب عنه ونوجه له بعض الاسئله التي قد تكشف الكثير من الجوانب التي تخفى عنا شاكر لك ومقدر لك حرصك
اخوك النادر

اخواني اشكركم على تفاعلكم مع الموضوع واحيي فيكم هذه الغيره على مساجدنا
الجنوبي 2000 اشكر لك مرورك وعلى قولك يعطيه 100 والباقي في جيبه
الرحال 999 اشكرك على المرور ولكن يوجد شباب لايروحون ولا يجون يعني موجودين في الديره وعلى قولك الله يخلي لنا الشيبان
عز الطلب اشكر لك تفاعلك واقول الدوله ماقصرت قالت الامام يقدر يتوظف وظيفه حكوميه لا ومسموح انه مايصلي الظهر بالجماعة وحنا مانبي ناس يصلون فينا في رمضان بس نبي على كل وقت حتى الاجانب يخلونهم يصلون التراويح في الجماعة بس بفلوس من جماعة المسجد
فتى تمير الشي هذا حاصل عندنا في تمير والقرى التابعة لها شكرا لك على المرور
ابو اثير شكرا على مرورك الشباب بيطلعون كل يوم وكل وقت لو فيه مؤذن وامام سعوديين كان يتفاهمون والمؤذن يحل مكان الامام اذا غاب
المتحد 2007 اشكرك على تفاعلك ولكن يااخي لو انك تقدمت بشكواى لمكتب الاوقاف بالمجمعة كان تغير الوضع وبسرع وقت
النادر اشكرك لك مشاركتك معنا الموضوع وياليت تسوي لقاء مع مدير الاوقاف بتمير عشان يوضح لنا الحاصل
انا اذكر مره من المرات طلع مقال بالجريده لواحد من وزارة الشؤون الاسلاميه وهذا الكلام قديم عندما كان يتنزه في منتزهات ديرتنا الحبيبه وموضع المقال (مساجد تمير تلهج بلسنه اجنبيه )
تقريبا اذا ماخنتني الذاكره وش صار بعدها قامت الدنياء وقعدت على الموضوع هذا وصار فيها خطابات شديدة الهجة وماهيالا ايام قليله وتغيرت الاوضاع الى الاحسن وماهي الا فتره ورجع الحال الى ماهو عليه الان السؤال الان ( اين دور مكتب الاوقاف في هذا الوضع المحزن)
اسف على الاطاله
وتقبلوا تقديري واحترامي

اخوي المصمم كنت ناوي اقدمه الشكوى للمجمعه رسميه ولكن من تشكي ولد عمك جارك ولد خالك نسيبك هنا المشكله المذن بأسم سعودي في الورق بس وفي الواقع اجنبي