يوم سويت عملية المرارة

كان العشا فيه مرق سبانخ
وانا اذا شفت السبانخ أنصرع تقل بقـ............لاوة

تهبل بي هالسبانخ بقى شوي وأجففها وألفها وأشمها

المهم إنو<<< ...المهم إنو طبيت فيها على العشاء طبتن مخلبيتن رباعية الأبعاد يعني قمت ألوق البادية لوق انتبهت ان ابوي يطالعني بنظرة ناقدة حاقدة فاقدة للحنان بس انا ما علي من ابوي لندن وبيروت لاعبين في شخصيته لعبتن ما تجوز لي

ويوم أكلت كل البادية ومصمصت اصابيعي بديت احس اني مخمخت فصار لازم بادية ثانية لزوم الاكل الرايق فطلبت لي وحدة ثانية ومعها ليمون وفلفل اسود وافتريت فيها افترا كافر ويووووم خلصت وأقفل بكوب شاهي مخدر من العيار الثقيل (طبعا انا ما اتاغر لاني بالمرة شيك )...لذلك رحت اطقطق اصابيع رجليني عقب هالأكلة وطلبت موس الشوكولاتة حقي وأكلته باصابيعي كل أبوه...والحمدلله شبعت
عقب العشا تحلى الجلسات والسوالف فرحت جبت لي هاك الفيلم وجلست اتفرج عليه انا وخواتي وقدامنا كيس فصفص مالح من هذاك اللي ما عاد ينلقى الا طلبية كيس كبر كيس رز المهيدب اكبر مقاس
ويوم انتصف الليل على الساعه 12 تقريبا وبديت احس بشي ما يسر بس طبعا انا اطنشني وما يهمني انا ابدن ابد ويستمر هالعوار وبالمقابل يستمر تطنيشي الجبار له ..حتى أسقط في يدي<<<<مدري وش معناها بس احسها تنفع هنا
ويوم حمى الوطيس<<<تقرب لأسقط في يدي ..ويوم حمى قمت طلعت من الغرفة يعني اني بروح الصالة كني منيب مصدقة وش هالالم اللي مزحه ثقيل ويوم وصلت الامور حدن مهوب زين فتحت باب الغرفة على خواتي وقمت اويق اشوف من اقربهم لي ويوم حطت مويضي عينها في عيني أشرت لها بالمنديل وقلت لها انا ماشي ويوم جت قالت: هاه وش تبين يا بغضنيلتس ما جيتي تناديني الا يوم صار فيه لقطات تبويس ...عاد انا منيب فاضيتنلها قمت نفخت عليها : وشو تبويسه لعنة الله عليهم هالنصارى<<هالحين صاروا نصارى يوم شفت الموت ...قالت: وشو نصارى خير؟حد قال لتس انهم من اليمامة ادري انهم نصارى؟ قلت لها: اقولتس خلتس من هاللي ما يستحون يلعبون عليكم منتب لاقيتن في ديرتنا حد ثمه مثلهم ابد ترى كل ربعنا اسنانهم تقل فشار في قعر قدر نصه ابيض ونصه اسود روحي قومي ابوي يوديني للمستشفى يعورني بطني قامت قالت: انتي تتألمين؟ حركة والله ...ٌقلت لها : وجع انا داريه انك ناضلتني انتي وابوي لكن يصير خير خلوني اطيب وتشوفون
والله وراحت وقومت ابوي عشان يوديني ، وقام أبوي يحسبني رايقة ويقوم ياخذ راسي ويحطه على صدره ويقعد يسئلني وشفيك يا حبيبتي ووشفيك يا حبيبتي..ٌقمت انا وأنفض ايده(<<بنت عاقة)..واقول له: هالحين بتوديني من غير شماغ؟.وين شماغك؟ اقول لكم بموت تقول لي حبيبتي؟وشذا؟ ما اخبرك رومانسي ولا بتودعوني ولا ايش بالضبط فهموني واقعد اصيح عليهم واخربها قام قال طيب اقرا عليتس؟ قلت اقول يالسديس بتمشي ولا أروح مع ولد الجيران؟تراها فرصة ...قام قال طيب يالله القطي عباتس..قلت وشو عباته؟ اقول لك تعبانة بموت وانت تهتم بالشكليات؟ انا مريضة يعني ما فيه عباة ..قٌام قال هالحين بتمشين ولا اعوّد ارقد؟
قامت مويضي اختي قربت مني وهمست لي همس الاعاصير : في ذمتس اني صدز مريضة ولا تسوين كذا عشان تبين تسوين فيها روايات عبير ويشوفتس دكتور ويحبتس؟ ..ٌقمت انا قلت: ايـــــــــه صح!! يا حظظظظظي بحاول قد ما اقدر اني أتديوخ كود اني اطب في يد توسع الصدر

والله ورحنا المستشفى :):::02::::::02::::::02::::::02::::::02:::




الجزء الأول انتهى

حراااااااااااام عليكم متحمسين مع القصه

واخرتها الجزء الثاني

والله ذبحتوووووووووووونا

كل ما تابعنا قصه ما تكملونها

تكفين عجلي بالجزو الثاني

ابشووف وش صااااااااااار

ياله اخلصي


وش تحترين

سلام

جااااااااااااااااااكم الجزئ الثاني


ويوم اننا في الطريق للمستشفى...

كانت امي قدام مع ابوي وانا ورى لحالي ، وطول الوقت وانا أزاعق واهددهم اني بقتلهم عاد الألم يسوي اكثر من كذا..
ابوي الله يصلحه مسوي فيها قيادة نظامية يوقف عند الاشارة وهي برتقالية يبي يهبل بي وانا ما غير ارفس المقعد حقه واقول : امش امش يالله امششششششش ..وهو ما عندك احد ولا كانه يسمعني
وامي تصيح تقول البنت بتنهبل وابوي يرد عليها يقول ما يخالف ماضرها الهبال كل هالسنين
المهم وانا استمر في سلسلة من الصراخ والعويل ويوم قمت ارفس تقل فرس قام ابوي قال بصوت عالي : يالله صلاح العطا يالله ...وكل شوي يقولها .....وانا في حال ما يعلم به الا الله وهو كل شوي يقول نفس الجملة قمت انا حمقت عليه وقلت له : منهو صلاح العطا ذا؟؟ المصري اللي خطف الطيارة يوم احداث سبتمبر؟ ...زاقول لك اسرع ترى مهوب ازين لكم ..
والله ونوصل..
وانا ما اشوف طريقي
وويوم دخلوني جت ممرضة تتميلح يوم انها بخير وقالت: وش تحسين به؟ ....عاد هي تسأل هالسؤال وهي تضبط شعرها...قمت انا قلت ايييييه طحتي ومحد سمى عليك ......واقوم أردح لها ..ياللي فيك ما يخطيك ياقليلة الدبرة ..الخ
قالت امي: معليش يا سستر لا تزعلين عليها تتألم مسكينة
قمت انا قلت: أحلىىىىىى أمي تتكلم انجلينزي وش سستر وما سستر؟
قالت ابوي: البنت طار عقلها

المهم أثرني لابسة قميص نوم من النوع القروي نسبيا وأثر كشتي طايرة من الألم طبعا، فلما استفحلت الحالة بدت الحركات الغريبة تحصل مني من غير وعي ، ومن هذه الحركات :
1- طقيت ممرضة في مكان ماله داعي يوم انها قامت تتميلح وهي تفك الأبرة كنها تنقش حنه.
2- سحبت الدكتور السوداني بيده بقوة وجريته لين بغى يطيح علي وقام نفض ايده ولا عاد شفته الا عقب
3- ناظرت امي وقلت لها: يعني انتي هالحين ما يعورك شي؟كلكم بخير الا انا؟ ..قام ابوي قال لأمي : اطلعي يا بنت الحال عنها بتنضلنا ..وفعلا طلعوا

ويوم قعدوا كل شوي يعطوني مهدئ وما فيه فايدة ، لين وصلوا لمرحلة اليأس قال ابوي وشفيكم ما سويتوا شي للبنت؟ قال الدكتور: والله احنا اعطيناها 4 إبر ومافيه فايدة عيت تهجد..قال ابوي طيب عطوها منوّم كود الله يفكنا ويفككم من هالكرب العظيم قال الدكتور اخاف انها تنضر......عاد الحوار هذا تم خارج الغرفة بس اني سمعته..قمت قلت: هيشششش يا هيشششش وراكم ما تردون علي؟ هيييششش قال ابوي للدكتور روح لها قال الدكتور طيب تعال معي ...
ويوم دخلوا لقوني على الهيئة التالي:
1- متربعة على السرير وماخذ وضع اللي بيقول قصيدة يعني مقدمة جسمي لقدام
2- شعري منكوش انكش درجة ممكنة
3- عيوني ما ترمش..بس ابي احد يقول لي لا وأنقض عليه

قلت للدكتور: اسمع ..هات المنوّم منيب قايلتن شي ، لو تعطوني واين ما قلت شي قال ابوي: يا بنت وش بلاك يا بنت استهدي بالله...قمت قلت له: يحق لك! متعافي! قام وهج

ويوم اعطاني المنوّم..وكنه هدا شوي....شوي...شوووي........وأول حركة سويتها يوم هدا اني طقطقت اصابيعي يدي ورجلي وابتسمت ابتسامة العافية وألتفت وألقى الدكتور الجراح اللي نادوه يجي يشوفني يوم ضاقت بهم الوسيعة وما درى الرجال الا وأنا ساحبتن يده وبايستها قام ارتاع وهج ويدخل السوداني وأأشر له يجي عشان ابوسه بس انه قال منيب وهج ويوم دخل أبوي وأجرّه بقوة وأبوسه وكل ما ممر احد جنبي جريته
عاد الدكتور يقول لأبوي: غريبة ما تأثرت بالمهدئات! قال ابوي: والله مدري عنها..قال الدكتور: هي تتعاطى أو تشرب؟ قال ابوي : وشو؟؟؟؟؟؟ وإلتفت علي قمت انا قلت: وش اسوي يابوي انت تسافر كثير وامي مشغولة عني والفراغ مفسدة .......قام حط يده على عقاله قلت: والله ما تنزله ...قام قال: اجل وراك منتب تتأثرين بالمهدئ؟ قلت يابوي الله يهديك وش اتعاطى وما اتعاطى؟ هالدكتور خبيل مهوب الله الله ولاّ انتم في هالديرة تخلون الواحد يوسع صدره؟ ...
<<<ابوي
<<<انا

المهم قال الدكتور: يالله تفضلي
قمت انا قلت: يالله يابوي قرب السيارة منيب فاضية امشي
قال الدكتور: لا ما فيه سيارة فيه عملية
<<<انا
قلت : لا وش عمليته؟ يا بغضنيلك انت ومزحك الماصخ
قال ابوي للدكتور: يالله يا دكتورتوكلنا على الله
قلت انا: وشو؟ بتنحروني؟ ..طيب بكتب وصيتي ترى كل الملابس اللي في دولابي منيب محللة ولا وحدة من خواتي انها تاخذ ولا خرقة فيهم ومكياجي عساها بالنمش اللي تاخذ منه شي من خواتي والجزم حقتي جعل اللي تاخذ وحدتن منها بالمشق ..وترى عليّ ديون كثير
قال ابوي: وشي ديونه؟
قلت: مهيب ديون يعني بالضبط بس اني اخذت من جيبك فلوس كثير على مر عصور حياتي من يوم اني صغيرة وما كنت اقول لك وامي كانت تقول لي ما يخالف خذي اللي تبين وجيبي لي معتس وانا كنت اقول طيب

قام ابوي ويلتفت على امي قامت امي قالت: يالله حسن الخاتمة

ويوم دخلوني غرفة العمليات ما عاد حسيت الا وانا أأشر بيدي وانا مفتحه نص عيوني وقاعد اقول له: تراني ما بعد تخدرت زين توني احس بألم لا تشقون بطني مخدركم تقليد قال الممرض: العملية خلصت خلاص
قمت انا قلت: صدز؟ الحمدلله ..الله يعز الحكومة
ويوم صحيت من البنج في غرفتي لقيت ابوي يتحمد لي بالسلامة وشوي قمت سئلته: وش اليوم؟ قال اليوم الاثنين..قلت طيب اتصلت على الجامعة تقول لهم اني مريضة وبغيب؟ قال ايه....ويوم جا بعد شوي واصحى ما لقيته واقوم ادق عليه تلفون قلت له: وش اليوم؟ قال الاثنين...قلت طيب اتصلت على الجامعة تقول لهم اني مريضة وبغيب؟ قال ايييه ..قلت طيب
ويوم جا من بكرة وجا فتحت عيوني قلت له: ابوي وش اليوم؟ قال الثلاثاء...قلت: هماك تقول انه الاثنين؟ قال وش تبين طيب؟ قلت له لازم تتصل على الجامعه تقول لهم اني مريضة وبغيب قال انتي وش فيك؟ما تذكرين انك سائلتني؟قلت لا ما اذكر!!
ويقوم ابوي ويدق عى الدكتور يقول له انتم شلتوا مرارتها ولا ذاكرتها؟ قال الدكتور عادي لانها اخذت مهدئات كثير وبعدها اخذت بنج فذاكرتها بتتخربط كم يوم
ويدخل علي الدكتور ومعه الحصوات اللي كانت في مرارتي قال لي: تفضلي..قلت انا وش ذا؟ قال هذي حصواتك..قلت طيب وشو له جايبه لي؟ قال اني المرضى دايما ما يخلونا نرميها ياخذونها يحتفظون فيها..قلت انا يعني انت جايبها لي احتفظ فيها؟ هذ الناقص بعد مير تدري؟هاتها تراني أفتّ مصاقيل وبعدين وين مرارتي؟وشلون تاخذونها من غير إذن؟ قال الدكتور اصلا ما لقيناها تحمدي الله اننا لحقنا على بعضها قمت قلت له طيب صوتي صاير تقل صوت باب ما زيّت رجعوا لي صوتي تراني كنت اغني وكذا مستقبلي بيضيع قال لا صوتك ما اعتقد يرجع والطرب اتركيه ما نفع مارلين مونرو
<<< انا
قلت له شوف: انا اخاف انتحر مثلها لذلك باخذ كلامك على محمل الجد
وشبه الصوت المبحوح؟ ما بووه شين


بس

يالله لك الحمد والشكر >>> قاعد احب يدي واحطها على جبهتي


الله يخلف

والله لوها بنت لي قلت قطعوها وكلوووها مقلقل

ما صارت بنت ذي عن ستميت رجااااااااال


والله الهبله والخبله

نعنوبها تحد ربها على العافيه وبس

ومشكوووره يا قمر تميرعلى هالسولافه اللي توسع الصدر

تصدقين ذكرتيني بسباحين جدتي الله يرحمها


يوووووه يا زين منوووووووول

سلام

ههههههههههههههههههههههههههههه
هههههههههههههههههههههه

اللة يرجك رج

شفتي اسيرة والله كني اشوف المستشفى ذا اليوم

كل منهبل وطايرتن زناهيره ( لا توهقوني مدري وش معناها )

والله تمنيت اني فيذاك اتفرج على هالصراخ والهواااش واسجله بشريط فديو

لكن يا خسااااره

سلام

ههههههههههههههههههههههه

خلاص هادي اذا تزوجت وحملت

وجتني الولاده ابقولك وش رايك



وشكرا على مروركم

قديمه شفتها من زمان ها القصه ؟؟؟؟؟؟؟؟؟؟؟؟؟؟

ويوم دخلوني غرفة العمليات ما عاد حسيت الا وانا أأشر بيدي وانا مفتحه نص عيوني وقاعد اقول له: تراني ما بعد تخدرت زين توني احس بألم لا تشقون بطني مخدركم تقليد قال الممرض: العملية خلصت

حشى ضب يتحرك وهو في القدر


الحمدلله على السلامة

ابداع واقلاع منقطع النظير برجع اقراها مرتن ثانيه

بس ليت كل جزء لحاله عشان ما تمسكين بنا خط


هذا الابداع والاقلاع


يسلموووووو شويه

[align=center]ابداعك يجعلنا نعيد النظر في صعوبة التفكير عندك :)

يعطيك العافيه وعقبال ما يتشرفبك شهار الوطني ههههه

ههههههههههههههههههههه

فقط زياره :)

تحياتي يا منسم[/align]