مجلس الركن الهادي ¬› للفضفضه ..|

31 / 05 / 2012, 53 : 12 AM

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]

أمل الوجار وخلو الباب مفتوح
************* خوف المسير يستحي ماينادي
نبغي الى جاء نازح الدار ملفوح
************* وشاف البيوت مصككه جاك بادي
يقلط لديوان به الصدر مشروح
************* ورزقه على رازق ضعاف الجرادي

’
،

مثل ماهو موضح بالعنوان عندك سالفه قصه شي تبي تعرفه
مدونه بتستفسر عنها تعليقات تخص ساحه الركن الهادي
صور بتعرفها وين .. بيت شعر عاجبك ..دردشه وسواليف
هنا مساحه للبوح دون تردد
بعيد عن التجريح وعن الاساءه وعن العنصريه ..

آن شالله يعجبكم المجلس
لموووووس

[/ALIGN][/CELL][/TABLE1][/ALIGN]

31 / 05 / 2012, 57 : 12 AM

الله الله وش هالموضوع يا لميس والفكره الحلوه

الصراحه عجبتني كثير .. ويا لعله مجلس عاااامر ان شاء الله

تسلم اديك على روعه الموضوع وما ننحرمش من جديدك ,,,

$$$

عاد يوم شفت القصيده قلت ابحث عنها واعرف قصتها..

وهي قصيدة معروفه ومشهوره للشاعر

محمد بن شلاّح المطيري

وقصتها :

يقولون ان الشاعر في عام 1384هـ قام ببناء بيت في حي الشرفية بمدينة جدة

وعمل غرفة في مقدمة المنزل وضع فيها «وجار»

وكان فاتح الباب الرئيسي للبيت وجالس في الغرفة ام اوجار

واللي يمر مع الشارع يشوف اللي جالسين داخل الغرفة ام وجار

وكان هذا المنظر غريب ذاك الوقت

ويقولون ان جدة في هذا التاريخ 1384هـ ليست كجدة الآن من توفر الفنادق والشقق

السكنية وحتى المطاعم ، وفي ثالث أيام عيد الفطر المبارك وعندما صلى ابن شلاح

الصبح فتح الباب، ودخل إلى داخل المنزل، وكان عنده رجل يقال له جميل

شب الضو جميل وقام يسوي القهوة، ولاّ ذاك الرجال الي دخل عليه

رحب به جميل وسأله هل تعرف صاحب البيت؟

قال الرجل:لا والله لكني خرجت من المسجد، ورأيت جميع

الأبواب مغلقة ما عدا باب هذا البيت، واستحيت لا اطرق الابواب أو انادي

فدخلت وانا شمري من قرى حائل أبحث عن ابني في مدارس الثغر، ومن هو

صاحب البيت؟ قال جميل هذا رجل مطيري ،، كل هذا الحوار الذي جرى بين جميل

والشمري سمعه من ؟

ابن شلاح سمع الكلام اللي دار بينهم وكان ورى جدار الغرفة ام وجار

ويوم سمع ذا الكلمة بالتحديد من الشمري استحييت ألا انادي

طرى على فكر الشاعر ذا البيت اللي هو مطلع القصيدة :

أمل الوجار وخلوا الباب مفتوح.......خوف المسير يستحيي لا ينادي

المهم جاهم ابن شلاح ورحب بالضيف وقاله ترى واجبك طايح >> يعني بيذبحون الخروف

ورفض الشمري وحلف ابن شلاح وصار الواجب وانتهى شغل الشمري ورجع لاهله

واكمل ابن شلاح قصيدتة

و هذي القصيـــدة :.

أمل الوجار وخلوا البـاب مفتـوح
__________ خوف المسير يستحي مـا ينـادي

نبغي الى جاء نازح الـدار ملفـوح
__________ وشاف البيوت مصككة جاك بـادي

يقلط لديوان به الصـدر مشـروح
__________ ورزقه على رازق ضعاف الجرادي

يا نمر ما في صكت الباب مصلوح
__________ ولا هي بلنا يـا مضنـة فـوادي

تصلح لمخلوق يبي يستـر الـروح
__________ ناشي عليهـا معتمدهـا اعتمـادي

يا نمر لو المرجله سـدو مسـدوح
__________ كـل نقزهـا حـر ولا بــرادي

لكنها من دونهـا المـر مطـروح
__________ وارض تبي من بذر فعلك سمـادي

رجال تقصيره مع الناس مسمـوح
__________ لا حيث ماله في القديمـة شـدادي

ورجال تقصيره مع الناس مفضوح
__________ وكل يقول النـار تخـر رمـادي