المكــــــــــان,,,,,

أحس ان المكان يضيق بي ويضيق بي ويضيق=وقلت احرث ورق وازرع قلم واسيـل كتابـه
عشان اليا اسرني هالمكان وثار بـه زنديـق=افك شيوخ اصابيعي واخلـي الشعـر ارهابـه
تحزم يا لسان الشاعر بشلف الحروف وويـق=على بنت الخيال اللي كساهـا الشعـر جلبابـه
تزبرق في المرايا الخمس لامن كحل العشيـق=عيون اوراق هميـل مابيـن ابهـم وسبابـه
ابي ترسم على وجه سطور بريشـه الذويـق=تزحلاق الندى فـي وجـل منسابـه ومرتابـه
وابيك تزين اوراقي من مروج الزهر والشيـق=مثل ماحمـره آخـر هالنهـار تزيـن غيابـه
وابي تغسل عيونك من نعاس العسعسه وتفيق=على صـوت يهدهـد بلبـل الخفـاق زريابـه
وانا بحلب سحاب الشعر واصبه بفمـك ريـق=لين اشوف ثغرك مـن حلاتـه يقطـر لعابـه
وبـزود حـلاه شـوي وازلـه مـع لبريـق=مخدر شاعـر تلقيمتـه مـن اصبـع اتعابـه
وبغلق هالعيون برشفته واقـرا ورى التغليـق=حروف اعمـى مشخمطهـا بعرجـون تقدابـه
عشان اركز على جدار الصور مسمار للتعليـق=لصوره فكرشاعر ماوقف فكـره علـى بابـه
وكثر ماني مركز قمت احس اني من التحديـق=كأني جفن في طرف الـورق ماحـرك اهدابـه
احاول اقنص احرار الصور في زحمه التحليـق=عشان انفي من طيور الشعر هدهده وغرابـه
وابى اطهر معاني دنست من عاهـر التلفيـق=ما دام ان نهري اطهر من محيط المدح والقابه
كفايه سربل المعنى يده من طهبـل التصفيـق=على ركاك الكلام اللـي يغـث السمـع يايابـه
وبعد ما انطم هالمعنى وخضع واستفحل التنطيق=كأنه قال تحته هيه اتـا سيفـه وانـا حرابـه
وانا عم الوزن والقاف لكن صنعـه التبريـق=تجي بالواووو ولا اسطى شويعـر كشرانيابـه
لذا بشخل حروف الشعر يا مستشعره واريـق=حثاله شاعـر لامـن تغنـى عجعـج ترابـه
تعتب اهدي اعصاب القلـم وافـش بالترويـق=مزاجيه شعور لو هـدى مـا هديـه اعصابـه

الشاعر/محمد بن ساقان القحطاني..

أشكرك على القصيده

لكن حبذا لو نسقت القصيده لتسهل قرأتها

تقبل مروري

شرفني مرورك ياعضيدالسنافي..

كن ودي انسقها بس عيت تجي معي ....

المشاركات القادمه انشاءالله افضل..

و

يـــا الـعـضــيــــــــــــــد

وفقك الله لما يحب ويرضى ولما فيه الخير والصلاح على هذه المشاركة واسأل الله أن يجعلها في ميزان أعمالك

تشكرررررررررررررررررررررررررات ’’

مرعب على المرور,,,,,,,,

يعطيك الف عافية يالعضيد على طرحك القصيدة وصح لسان الشاعر

الله يعافيك من كل شر يالشمالي,,,,

ومشكور على مرورك الغالي ,,,,

تشكررررررررررررات,,

تسلم يالعضيد على النقل الرائع.....

ولا يهمك هذا التنسيق عساه يعجبك .....

ودام تواصلك الرائع,,,,

اقتباس: المشاركة الأصلية كتبت بواسطة السنافي    تسلم يالعضيد على النقل الرائع..... ولا يهمك هذا التنسيق عساه يعجبك ..... ودام تواصلك الرائع,,,,

ومن قال سالم أخوي السنافي يعلم الله أني فرحت بمرورك,,

الي عجبني أكثر تشجيعك,,

أطال الله في عمرك,,

تشكرررررررررررررات

نقل رائع..يالعضيد..

صح لسان بن ساقان..

القصيده من أول بيت الى أخر بيت جميله جدا"

دمت بخير..