هههههههههههههههههههههههههه
الله يروووجك يا الشاكي ذكرتني وانا في المتوسطة ( ايام الابتدائي دافور على فكرة يعني لا تحسبوني كسول هع هع )
المووهيم يوم انا في المتوسطة عندي اختبار جغرافيا ولا في راسي حفظ التضاريص وصعب اني ادخل براشي وخاسة اني اخاف من المدرسين لان مكاني في الزاوية الاخير وكل واحد يعرف اني اجلس هينا لان قشام الفصفص منتشر حولي ..
الموووهيم نرجع للموضوع ............. جلست ابي احفظ التضاريس ووش يحد الدولة الفلانية يسار ويمين ووش عاصمتها و التضاريس للدورة وخرابيط واهم ما فيها ..... قررت لاول مرة اغش في الاختبار سويت لي براشيم حسيت ان الخرايط ضاعت ما قدرت اوضحها ......
فكرت في شي اقدر اغش ولا احد يكفشني هع هع هع شوي ولع في راسي لمبة ( يعني لقيت الحل )
جبت لي اطلق سروال لونه ابيض وانا اللي اسدحة على الارض واصور جنبه هع هع هع لا امزح
السروال يوم سدحته على الارض وانا اللي اجيب قوطي الهندسة وصفحة صفحة ارسم الخرايط علية طبعا فية دول رسمتها من ورى السروال ما فية مكان امتلى السروال من الجهة الامامية
يوم اني لبسته تقول اني طاق جينز موديل عام 3090 ميلادي ..دخلت الاختبار وانا مبسوط الشباب يسألوني عساك مذاكر وانا اقول اية وارفع الثوب وهم يقهقهون ( الله ياخذ خشتي يا الحوطي كل الخرايط والمعلومات في السروال !!!!! وشلون طيب تعرف المعلومات اللي ورى !!!! قلت ما عليكم اللي وراي بيقدر يقز هع هع هع )
اثاري فية مدرس خبيث حاط جواسيس في الفصل قايل لهم ابعطيكم عن كل ( راس ) درجتين .. عاد نص الفصل يبون النجاح على حساب غيرهم .. يوم اني دخلت الفصل وانا اللي مشمر الثوب وجالست اشف شف المعلومات من السروال واي سؤال صعب ارز ظهري للي ورى واقولة قز المعلومات عن ذي الدولة تراها في المكان الفلاني هع هع هع )
اثاري واحد من الدبابيس قزني ( ياليتني ما كنت امشي معه وااااااااااااااااااااااع ) شفته طلب المدرس حق المادة وقال له يا استاذ وشلون هذا الجواب ... من عقبها جلس المدرس يراقب من المراقب الاصلي .. قلت والله النشبة عاد ذا المدرس اقشرررررررررررررررررررررررررررررررررر ..
وباحلن في نفسي ما قدرت اسوي شي ............. يوم مرت ساعة تقريبا قلت يا ولد ما بدهاش راسب راسب خربها واشمر ثوبي من جديد وانا اللي اكمل البحث حقي .. يوم انه قال ( حوطي ) بلعت ريقي وبغيت اغص بالاكسجين ..قلت هاااه بصوت كله براءة وطفوله .. قال وش عندك .. قصمن بالله ماعندي شي ومن الروعه ما قدرت انزل الثوب ..
شوي جاء وصار وجهه احمر والدخنه طالعه في راسة .. ويسحب ورقة الاسئلة مني ويقول تغش هاااه تغش .. يا حسرتي تذكرت امي وابوي وخسارة سنينهم يوم انهم يربوني ويطعموني ويسهرون على راحتي وااااااااااااااااااااااااااااااااع ابصيح .
قال تعال معي لمكتب المدير تعال ............... يوم اني رحت لمكتب المدير قالة المدرس اني اغش وطريقة الغش .. ضحك المدير ضحك وقال بالله ارفع ثوبك وخذ لفه ----- قلت ايووووووووة هذا اللي ما اتفقنا عليه ---------- واقوم اتميلح كأني عارضة ازياء ......ز قال : الله ياخذ ابليسك افصخ السروال ........ قصمن بالله قمت اصبصب عرق وفي نفسي اقول ( لا وش دعوى افا يا ذا العلم ولا علشاني اصغر منكم ) زعق ذيك الزعقة قلت مانيب فاصخ ودمعتي تذرف دموعنننن ......... قال طيب لحظة ( رحمني واشوى ما فصخت ) وجاب مقس وقص السروال من فوق الركبة ........ قال : الحين معنا اثباتات انك غشيت وبندبس سروالك في ملفك الدراسي واي سنه تغش حتى لو انك في الثانوية بتفصل من مدارس المملكة كلها ... انا قلت افصل من المدارس ولا افصخ سروالي لا نعنبو ابليسكم من مدرسين ومدرسة ...... شوي ضحك المدير وقال وربي مجنون ...... يالله رح للفصل وكمل اخبارك .................
يوم اني دخلت الفصل وانا اصبصب عرق وعطوني نفس الاسئلة .. ما عرفت احل ولا سؤال من الروعه ولا تذكرت ولا اجابة شفيتها من السروال .. الا الحمد لله مدرس الرياضة عرف بالموضوع ورحمني وجاني يضحك قال صدق انت مسوي كذا قلت وش اسوي ما اعرف الجغرافيا قال طيب عرفت تحل الحين قلت لا والله ..
قال احسن واحد في الفصل مين .. قلت ولد المصرية فلان بن فلان ..... قال اجل اصبر ابطلع ورقته من عندي وابعطيك اياها وغش ...
ههههههههههههه الحمد لله جبت درجة عالية في النهائي وصار يسموني المدرسين من يومها يا السروال !!!!!!!!!!!!!!!!!!!!!
يا السروال حليت الواجب يا السروال وراك غايب عن المدرسة امس ؟؟؟!!!!!
للأمانة منقـــــــــــــــــــــــــــــــول
07 / 01 / 2008, 25 : 10 PM
ذكريات الحوطي الغشاش
