مكرونه بـ الكريمة ..

* * مسآء الفل مكرونة بـ الكريمة المقادير - مكرونه الشكل اللي تفضلونه - كريمة طبخ - فلفل بارد مقطع - جزر مبشور - زيتون شرائح - صدور دجاج - جبن مبشور ان شاء الله مانسيت شي الطريقة تسلق المكرونه مع شوي ملح وحبة ماجي لين تستوي اللي تبغون طريقة الدجاج حسب الطبخ , انا افضل تصير على الصاج مبهره ومملحه طبعا بعد ماتستوي نقطعها قطع صغيره ونحط الفلفل والجزر والزيتون ونخلطهم ثم نصب شوي من الكريمه ونخلط اذا استوت المكرونه نخلطها بالجبن ثم نصب عليها من الكريمه ونخلطه عاد ماصورت كل الطرق الذاكره تنسى بعد ماازين الشي اذكر اصور : ( المهم ثم نجيب صينيه والطبقه الاولى نحط شوي من المكرونه ثم الدجاج ثم المكرونه ثم نحطه بالفرن من تحت شوي ثم نحطه من فوق لين تتحمر شوي وبس الشكل النهائي وبالهناء والعافيه

ماشاء الله منظرهآ يشهي..
عاد انا اعشق المكروونه بــ جميع انواعها وطبخآتها
تسسلم ايدك ع الطبخه اللذييذه وعليكم بالعافيه ..

الحمد الله اني متعشيء ههههه

جد شكلها يشهي مره ابدعتي بصراحة بوصفة وشكل نهائي شغل مرتب ومتعوب عليه ....

تسلم يدك بانتظار طبخاتك الجديدة

***

يالله صبآح خير لا شر فيه

مابعد أفطرت ولقافه أدخل على موضوعكـ

شغل عدل بدل ماشاء الله شكل طعمه لذيذ الله يباركـ لكـ

أهنيكـ مبدعة مونتآج ومبدعة إحترآف بالصور ومبدعة طبخ

ماشاء الله تباركـ الله أتمنى لكـ التوفيق

دمتي بخيــر يسـركـ

الله يسعدكم ويعافيكم 🌷
اكيد اي طبخه صواني تطلع لذيذه
مثلك يالراقيه اعشق شي اسمه صينيه مكرونه باي طريقه
منورين ربي يحفظكم

الله الله ووش هالشغل الزين والمرتب
لوي ما احب المكرونه هذي حبيتها من جمال موضوعك
تسسلم الايادي يا مبدعه ونتظلع الى كل جديدك ,,

"

المكرونه هي الحب الوحيد في حياتي

يسلمو ياقلبي على اجمل طبق / ماشاء الله بيشهي ويفتح النفس

الله يعطيك العافيه وبنتظار اطباقك الجميله

ماشاءالله الشكل مشهي ومغري
تسلم الايااادي ويعطيك العافييه

الله يعافيكم ويسلمكم من كل شر
من ذوقكم يابعدي ، منورين

يمي يمي. شكلها مره لذيذ وبططططل

عاد انا عشقي المكرونه بكل انواعها

ابدعتي وسلمت اناملك ع هذه الطبخه الخطيييره

المره الثانبه عاد اعزميني 😂😂😂

صحه وعافيه ع قلبك ماننحرم من طبخاتك اللذيذه