ياشباط يا ولدي تراي مرّيت ولا ضرّيت

وبعد المربعانية تدخل الشبط عند اهل الفلاحه كما تشاهدونه داخل له سته ايام من تاريخ اليوم ..

والعامة يسمون الشبط ولد (إبن) المربعانية الشقي ومن شقاوته أنه يقرع الأبواب لذا يقال في الأسجاع (شباط مقرقع البيبان)
إلا أن برده لا يدخل في المنازل كحال المربعانية والشبط عدد أيامها 26 يوم مقسومة على نجمين كل نجم 13 يوم وهي شباط أول ,وشباط ثاني

وبردها أشد من برد المربعانيه لأنه يتسم بالجفاف ويقولون أن المربعانية توصي ولدها شباط وتقول له :
(يا شباط يا ولدي تراي مرّيت ولا ضرّيت عليك باللي ناره ليف وأكله دويف ولا تقرب أللي أكله تمر وناره سمر )
وفي روية ثانية تقول (شباط يا ولدي تراي مرّيت ولا ضرّيت ما قويت إلاّ اللي شبوبه ليف واكله دويف عليك باللي شبوبه سمر وأكله هبر)
وذلك أن برد المربعانية لا يضر إلاّ ضعيفي الحال ممن لا يجدون حطب جيد وطعام دسم, أما شباط فلم يترك أحداً لا غني ولا فقير إلا لمسه بسوء

وللبرد مواسم عدة فأول مواسمه المربعانية وهي موسم البرد الرطب ويليها موسم الشبط وهي موسم البرد الجاف وآخر مواسم البرد موسمي برد العجوز
وبرد بياع الخبل عباته وبانتهائهما ينسلخ البرد بجميع مواسمه ..


تحياتي لكم بموجات دافئه هذي الايام..

ههههههههههههههههه , كل هالي قلتة امي قايلتة لي هع
احسن مافي هالوليد " الشبط " مايدخل البيوت مهب زي الابو " المربعانية "
الله يعين

معلومات قيمة ووافية ياصديقي

اقتباس: المشاركة الأصلية كتبت بواسطة -{ فَـِgقّ مَسْتـgآك •●    ههههههههههههههههه , كل هالي قلتة امي قايلتة لي هع احسن مافي هالوليد " الشبط " مايدخل البيوت مهب زي الابو " المربعانية " الله يعين

شكل ها الابو غاثك يا فوق

ايه اجل خذ حق من الشبط ولا تطلع من البيت

والله يستر من الجاي..

اقتباس: المشاركة الأصلية كتبت بواسطة نسيم    معلومات قيمة ووافية ياصديقي

الله يسلمك ويخليك ومالنا غناه عنك يا رفيقي..

عسى اللة يجيب الدفى ويكفينا شر البرد
ويجيب اللة الامطار ومشكور اخوي ابوحمد على المعلومة

يعطيك العافيه
على المعلومات
بس عندنا الولد شبيه ببوه يدخل في بيتنا

اقتباس: المشاركة الأصلية كتبت بواسطة ابوسالم 4444    عسى اللة يجيب الدفى ويكفينا شر البرد ويجيب اللة الامطار ومشكور اخوي ابوحمد على المعلومة

الي مزين الرياض يا ابو سالم الوقت هذا انك تجلس في دارك وتشب اضويك الين يروح الشتاء..

مالكم مفر..

وعسى الله يجيب الخير ان شاء الله..

كل الشكر لحضورك..

اقتباس: المشاركة الأصلية كتبت بواسطة وردهـ    يعطيك العافيه على المعلومات بس عندنا الولد شبيه ببوه يدخل في بيتنا

كم يوم وتعرفين الفرق بين المربعانيه والشباط يا ورده يمكن الي عندكم الحين بقايا مربعانيه

الله يعافيك وكل الشكر لحضورك..

معلومات قيمه شكرًا يارفيقي ابو حمد هع