أخواني الاعزاء هذه قصيدة الشاعر المبدع ليلان حامد الرشيدي
والتي فاز فيها في مسابقة خمسين عام وهي عبارة عن تكملة الابيات والتي كانت
من الشاعر الامير/عبدالعزيز بن سعود السامر والابيات تقول:
عزالرياض وعز وادي حنيفه
........وعز الاماره والامور العظايم
عدل الحكم سلمان بالعز ريفه
........خمسين عامٍ كل ابوها غنايـم
والان اضع بين ايديكم قصيدة الشاعر ليلان حامد
[poem=font="Times New Roman,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
عزالرياض وعـز وادي حنيفـه=وعز الامـاره والامـور العظايـم
عدل الحكم سلمـان بالعـز ريفـه=خمسين عامٍ كـل ابوهـا غنايـم
تبصر بعينه عيـن حـيٍ كفيفـه=المجد له والطيـب والعـز دايـم
كان الوفا له كيف سلمـان كيفـه=مقطع ضرم لإصحاب روسٍ ضرايم
وريث عز ومجد فـوق الوظيفـه=عزيمة مـن فـوق كـل العزايـم
كم صعبتٍ جت له وراحت عسيفه=بالحق مايخشى بهـا لـوم لايـم
ابـوه قبلـه مارضـى بالنصيفـه=وحـد بـلاده ماقبـل للهزايــم
بالحق جاك ورز رمحـه وسيفـه=في حـزةٍ فيهـا تطيـر العمايـم
دايم عبـارات اللسـان الشريفـه=((على القدايم )) دوم والحظ قايـم
وابو فهد نال ونهل مـن وصيفـه=أخذ صفة ذيب السرى والخرايـم
من عاد ماكانـت ظـروفٍ كليفـه=ابو فهـد لـه وقفـةٍ بالصمايـم
شامخ كماجبال السـراة المنيفـه=عزٍ لامارة نجد عـن كـل ضايـم
حليف فخـر وكـل فخـرٍ حليفـه=عاش الرياض اعوام فوق النعايـم
سلمان هو ظله اليا اشتـد صيفـه=وايضا ذراه ان زاد لفح السمايـم
ترفع له الرايات بيضـا صحيفـه=باكبر ثنا يستوعبـه قلـب نايـم [/poem]
27 / 10 / 2007, 08 : 07 PM
قصيدة الشاعر ليلان حامد الرشيدي والتي فاز فيها في مسابقة خمسين عام
