جعـل عـين ٍ بكت للـحب

أبرحل والله العالـم وش اللـي بداخلي من شوق =وابطـوي صفـحة ٍ عـّـيا زمان الجـور يطويها
ابرحل تايه بغـربة وطـن مالي عـليه حقـوق =وطـن وحدوده عـيونك ود مع ٍ حاير ٍ فـيها
ابرحل دمعة ٍحارة من ادنى الموق لاقصى الموق =خـذالها الــوقـت يـوم انه حـرمها من هقاويها
ابرحل واجمع آلامي وابرقع ثوبي المشقوق =وابفهق عن دروب الشك رجلي قـبل تمشيها
انا ادري ان الـزمن قاسي واعرف اني بليا ذوق =ونـفسي يـوم ودعـتك رمـت فـي النار رجليها
عمر هالحب مايفنى مدامـه في الحـشا مخلوق =ولــو د نـيـا الـعــنا جارت وورتـنا بلاويها
ابنسى آه. كـيف انسى وانا اللي من زمن محروق =اكـذ ّب كانني قلـت اقدرانسى بعض ماضيها
الا ياحـظـي المقـفي علامك للـشقى مـطفوق =انا طـالـبـك لاتفــتح لعـيني ســدّ واد يـها
ابنسى كيف والذ كرى وسط قلبي تسوقه سوق =وهــذا طيف عاتـقـها وهـذي رجفـة يد يها
انا فـي ذ مة الله ما عـلي مـن الشقا والعوق =انا فـي ذ مـة اللي لاقــبض هالروح يحييـها
جعـل عـين ٍ بكت للـحب ابد ما تنحرم مــن مـوق =ولا تفقد ولـوطالـت ليالي الهـجـر غالـيها
وعـين ٍ خانت العـشرة عـساها امر الولي من فوق =عـساها فـي زمان ٍ دبـرتـه ضاعـت خطاويها
وابرحل والله العالـم وش الـلي بداخلي مـن شـوق =وبطـوي صفـحـة ٍ عـيّـا زمـان الـجـور يطويه

ابرحل واجمع آلامي وابرقـع ثوبـي المشقـوق=وابفهق عن دروب الشك رجلـي قبـل تمشيهـا
انا ادري ان الزمن قاسي واعرف اني بليـا ذوق=ونفسي يوم ودعتك رمت فـي النـار رجليهـا


مشكور مشكور مشكور مشكور

اخوي في الصميم على القصيدة رائعة واجمل من الرائعة

صح لسانك ومشكور على هذا القصيده الرائعة منك يا الغلاي