[align=center]
[/align]
[poem=font="Tahoma,5,royalblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحة ما هملج الطرف بنعـــــــاس=ما فاض من نجم عيوني تخيلــــــــه
لا باس يا عيني على السهرلا باس=على وليف ٍ فات ما القى مثيلــــــه
عنا قطع شوف المواصل له ارماس=ولا في يدي من ناب الارداف حيلـــه
فيما مضى ياخذ جوابي من الراس=واليوم لا عاني وأنا ما اعني لــــــــه
العشرة اللي ما توثق على ساس=تطيح لو صارت حصون ٍ طويلـــــــــــة
يا ونتي منها المعاليق يبــــــــاس=صبري قضى ما باقي الا قليلـــــــه
صبرت صبر ٍ صابني منه وسواس=صبر له النفس العزيزة ذليلـــــــــــة
على وليف ٍ حال من دونه الياس=والياس طب ٍ للقلوب العليلــــــــــة
من يتبع المقفي مرده للافلاس=مثل الذي بالقيظ يدفق صميلــــــــه
هذي دروب الحب جِدَّد ودراّس=الله يمضيها بستر وجميلـــــــــــــــه
موفق ٍ للخير ياظبي الأطعاس=لا تحسب الدنيا بأهلها طويلـــــــــه
و صلاة ربي عد ما هب نسناس=على نبي ٍ وضح الله دليلــــــــــــــه[/poem]
[align=center]
الشاعر
عبدالله اللويحان
رحمة الله عليه [/align]
24 / 07 / 2004, 55 : 01 PM
البارحه
