قصيدة للشاعر الكبير / رشيد الزلامي العتيبي

اليا جهلت انشد ترى مابها عيب = لاتنخدع للجهل وانت السبايب
عيب الفتى مافيه شك (ن) ولاريب = ترك الفروض وقطع وصل القرايب
والعيب ترك ملزمات المواجيب = تبع الردى ومجالسة كل خايب
فاالتجربه بر هان مافيه تكذيب = واليا جهلت انشد من القوم شايب
ولااقول يوجد شايب (ن) يعلم الغيب = الغيب يعلم به مدير الهبايب
لاشك يوجد شايب (ن) له تجاريب = ومن الزمن شاف الفكر والعجايب
بيض (ن) نواصي جبهته كلها شيب = من كثر مامرت عليه المصايب
قد صارع الدنيا على الخبث والطيب = فاالغوص والا فوق عوص النجايب

الاخ / طش السحاب قصيده فيها من الحكم الشي الكثير لشاعر فحل وهو ابو جميل اتمنى الاستمرار بمثل هذه القصائد التي تنقصنا في هالوقت ،،،،،،،،،،،،،





تحيااااااااااااااااااااتي

اختيار موفق يدل على ذائقه شعريه رائعه يمتلكها طش السحاب المميز اتمنى لك التوفيق والاستمرار فوجودك سيثري الساحه

صدقت يا السنافي نحن في حاجة مثل هذه القصائد

مشاركة رائعه من الاخ طش السحاب
مشكور والله يعطيك العافيه على هالرائعة من روائع الشاعر الكبير رشيد الزلامي شاعر الحكمة والحماسة والوطنية قليل نوعه هذا الزمن
شكرا مرة اخرى ولك التحية