نقاء فجحآن مكآننا هآذى الخميس

بسم الله الرحمن الرحيم

تحيه عطره للأعضاء منتدى تمير الغآلي على قلبي ،،،
سلآم عليكم ورحمة الله وبركآته ...

الخميس 2/2/1432هـ توجهنا إلى صحرآء الدهناء وبالاخص نقآء فجحآن الجو بصرآحه كآيف
جآنا رشيشات خفيفه ماتذكر لطفت الجوء والجمعه كذآلك كانت جمعه طيبه ضمت
الموآدع ومخاوي الموآدع و ولدآل عبهول وعزوز الرياض وصاحب المعآلي وفوق مستوآك
ولايهون البقيه الي معنا منورين الطلعه .
الست (6) الصور الاخيره طلعتي قبل شهر تقريبا ضميتها مع طلعت الخميس
وعذراً لم يكن معنا كآميره خآصه وهآذى ممآجعل التقرير تنقصه كثير من الصور
لذا ستكون الصور مختصره وحبيت إني أشارك بموضوع بساحة البرآري هآذى الاسبوع ،،

دخولنا إلى صحرآء الدهناء

ترآنا ماحطبنا بس حق الشاي والغدآء

هآذى نقاء فجحآن من بعيد
صورمختلطه من طلعتي قبل شهر والخميس لتكملة بعض الصور

وصولنا بمكاننا الاول والسابق مع إخوي المتحد بس ذا المره مو بالشراع هع

حوسه شوي عزوز الرياض احس انه مغطي علي

وهآذى أنا اضبط الكبسه

صاحب المعالي يوثق الطلعه بالصور

الغدآء جآهز وللأسف نسيت اصوره الجوع كآفر

صعودي بالشروكي لقمة نقاء فجحآن

نزولي من النقاء وتعبئة الكفرات وذهابنا الى الديره

هآذي صور من طلعتي قرآبة الشهر مع الضامي

ولكم أحلى فنجال قهوه مع التمر السكري الطيب

أخيراً إنتهيت بس إن شاء الله إنكم شفتو شي جديد اليوم
وأتمنى إنكم تونستوا بمشاهدة طلعتي المتوآضعه
شكراً لكم على توآجدكم الي نور موضوعي وتعطر بمروركم
دمتم بخير

مااااااااااااااشاااااااء الله طلعه اكثر من رااائعه يبوعبدالملك وين المتحد هالاسبوع ماشفناه معك : )


تسسسلم على التووثيق

أهوه ماشاء الله ماشاف المطر إلا أنت حظك يالموادع
بس حلوه الشروكي يطلع الاند
الله يطعمك خيره ويكفيك شره

مـــآشــآء آلله ,,
كشته روعــــه ,,
تستــآهل آلتقييم ...
.................................{كل آلود }

-
ماشاء الله , وش هالزين ..
الله يعافيك ي الموادع !

منورين يا شباب ..

طلعه جميله يالموادع..

وتسلم على الصور والتقرير الجميل..

تسلم اخوي الموادع على التقرير ..,

تقرير جميل ... تسلم هــ الأيآدي على التصوير
والله يجيب المطر وتزين الأرض وتحلى الطلعآت أكثر ...
يعطيكم العآفيه .. والله يديم عليكم هـ الجمعه يآرب

ما شاء الله ...

الدهناء هالاسبوع جوها ماله مثيل .. في النهار براد وفي الليل جو يا سلام .. خصوصاً مع شبة عويدات الأرطى ...

وأنا أقول وش راعي هالشروكي اللي طالع نازل هالنقاء ..

كشتة موفقة ... مع نصف أعضاء منتديات تمير ..

شكراً أبو ملوكي ..

ماشاء الله رحله
موفقه
الله يجيب الخير ويفرش الارض بالعشب