|
|
|
|
|
|
 |
 |
|
|||||
 |
 |
|
|
|
|
||||||||||
|
|
|
| المنتدى الترفيهي وتختص بالدردشة والنكت وقصص الفكاهة وسعة الصدر |
آخر 10 مشاركات
|
 |
|
|
أدوات الموضوع |
30 / 09 / 2005, 00 : 02 PM
|
#1 | |
|
ABOYASSER
|
حلل راتبك يالحصاد و لاعد تنحاش
حدثت هذه القصة معي هذا العام مدري العام و يمكن قبل سنتين نسيت متى حدثت بس انها حدثت
اخوكم الحصاد ... يوم الثلاثاء على ماتذكر في الدوام جالسين كنا ثلاثة موظفين ؛ وباين من السالفة ان الحصاد مهوب معهم ( يهوجس في شي ) الاول : اها الحصاد وش فيك واقف اجلس نكل السالفة الحصاد : مرتاح واقف الثاني : يعني ناقف عشان تجلس و الاكيف ؛ اجلس يا ... الحصاد : عندي لكم راي ؛ خل نروح عند ( عليان ) نسولف معه في مكتبه الاثنين جميع : مشينا راحنا يم عليان و قعدوا و الحصاد واقف وش فيك اليوم اقعد عندك شي لالا ابا روح امر خويلد هلحين جايبنا و تمشي تخلينا ايه جايبكم و امشي اخليكم ( خربت الاخلاق ) مشيت و تركتهم وعند الباب الخارجي ؛؛ لقيت فهيد .... على طول >> قلت له ( فهيد ؛؛؛ فهودي ؛؛؛ رح شف الشباب عند عليان فله و وناسه ) راح الرجال زين ..... اخيراً انا عند الباب لحالي وافرك وماردني الا الدركسون يازين النحشه عن الدوام ؛؛؛؛ طرق ( هذا صوت الجوال يوم طفيته ) وامغط 140 مع وسط الديرة ( دوامي يمر باغلب مدن سدير ) يوم مريت هاك الديرة ( دون اسم ) و قربت اطلع منها واثري دعست على 160 يا هووووه شايب يشر وخر ياشيخ ... انا منحاش و منحاس مادعسته ؛؛ بس تعديته وتنزل هالك الرحمة ؛؛ و اهدي و ماوقفت الا وانا ماشوفوه الا نقطة وريوس بغيت اطيره من العجلة وين تبي يالشايب >>> تقول مبرمج رد بسرعة ( الشايب وجهك ) اخلص بس وين تبي انا منحاش ربع ساعة و انا اركبه هو وعصاه >> وهو يقول انه شباب و المعمل مهوب في العمر في النشاط >> امحق نشاط عرفته يالشايب انا زمل لا يموت معي في السيارة وين تبي قال امش امش قدام مشينا وبحكم ان عشيرة هي اخر ديرة قبل تمير >>>> قلت انا اباصل عشيرة وين تبي؟ رح رح لعشيرة زينة عشيرة <<<< كذا يقول الشايب والله الشايب سالفته زينه و قصيد ( امدح تمير .. اهل كرم ... يرحبون بالضيف ) وماعليك زود .. والطيب في تمير وغير تمير ( هذي مقتطفات من السالفة ) وصلنا عشيرة وين تبي ياعم في عشيرة؟ رح رح وين اروح؟؟ قال وين تبي>>>> قلت تمير قال : رح رح انا معك ؛ دامي في هالموتر فانا معك يوم جينا عند الكبري حق عشيرة قلت شكه ناوي يشر يبي رياض اها اوديك لتمير قال : معك هلحين بس فهمتها .......... حياك الله يالشايب بس مهوب وقته انا وش مطلعني من الدوام الرجال يبي يقلط ماتبي حكي ...... حياه الله بس وشلون ارجع للدوام ( من زين الخشة طالع ماعلمت احد ) رحنا وهاكم السالفة اللي في الخط عقب الكبري ( شباب اليوم مافيهم بركة + مهمب مثلنا منول ) اقل شي يالشايب استح فيني ( اجل وش موقفني اشيلك يالشين ) المهم وصلنا المكتبه العامة وفي محاوله اخيره للتخلص من الشايب ؛؛؛ ياعم وين تبي ( الخالدية او العزيزية ) قال : الشويشة قلت : منهو الشويشة ( اكيد عيارة واحد من تمير بس ماعرفها ) قال : ماتعرف الشويشة ؟ هذا كبرك وماتعرف الشويشة؟ قلت : ماعرف الناس الا باساميها قال : ابتل بتلت والله مدري وين ((( وش مطلعني من الدوام ))) الشويشة الشويشة نسيت بغيت ابتل به لمبايض لولا انه قام يزاعق وبغى يطب من السيارة وذلك عندما كدنا ان نتجاوز المحطة الاخيرة في تمير اثر الرجال يقصد الشيشة ( المحطة ) وانا اهوجس منهو اللي يسمى الشويشة.... وقفنا .. ونزل وخذ بعض الاغراض ... بعد ماقال : احترني دقيقة ( وصل دوامي و هو يتسحب ) رجعنا للبيت تقهوينا ( الظلم شين >>> السالفة فله وناسه ) بس المشكلة في الدوام المهم مع الظهر لقطته و سيده للدوام وقعنا وجينا عقبها ...... حرمت انحاش من الدوام ؛؛؛؛ وان حصل ونحشت مانيب شايل احد والجوال ابا اطفيه او الغيه احسن اشكر كل من وصل معنا الى هذا السطر ولم يدعوا علي تحياتي |
|
|
|
30 / 09 / 2005, 26 : 02 PM
|
#2 | |
|
تميراوي سوبر
|
ههههههههه والله من القراده وش طلعك من الدوام
ووش خلاك تركب هذا الشايب,,,,,لا تخاف مادعيت عليك دعيت لك بانك ماعاد تنحاش من الدوام,,,,, ســــــلام... |
|
|
|
|
30 / 09 / 2005, 44 : 09 PM
|
#3 | |
|
تميراوي مميز
|
ههههههههههههههههه
هذا جزاء اللي ينحاش من دوامه.. ههههههههههه "اشكر كل من وصل معنا الى هذا السطر ولم يدعوا علي">>وش دعوة ندعي عليك؟؟>>>الا بالعكس ندعي لك لانك ساعدت الشايب المسكين ووسعت صدره.. بس اقول وصلته عند الشويشه؟؟ بس والله ياحليلهم الشياب ماخذين الدنيا بوسعة صدر.. مشكووووووور اخي الحصاد ع قصتك الحلوة..والسرد الاحلى.. يالله ورنا وش عندك من مواقف بعد.... تحياتي,,,,,,,, |
|
|
[moveo=up]«®°·.¸.•°°·.¸¸.•°°·.¸.•°®»
هذي(روحي) اليوم وياكم ويمكـن بــكــر ه ترحـل و(تغيـب) عـن دنيـاكم (أعذرونـي) أذا فـي يـوم كسـرت ,, خواطــركــم ,, أو بكلمــه جرحــت مشاعركــم «®°·.¸.•°°·.¸¸.•°°·.¸.•°®»[/moveo] 
|
|
30 / 09 / 2005, 51 : 09 PM
|
#4 | |
|
ABOYASSER
|
مشكورين الاخ جواب
الاخت رقة الماضي على المرور و المشاركة تذكرت ((((( الشويشة )))))) طلعت عند الشايب >>>>>> الشيشة ... بس شكله يدلعها تحياتي |
|
|
|
|
30 / 09 / 2005, 55 : 09 PM
|
#5 | |
|
تميراوي مميز
|
هههههههههه
يا حليله يدلعها.. ههههههههههه مشكوووووووور اخي الحصاد مرة اخرى.. والله انك ضحكتنا ع مواقفك.. ويالله نبي مواقف لك بعد اكثر.. تحياتي,,,,,,,,,,,,,, |
|
|
[moveo=up]«®°·.¸.•°°·.¸¸.•°°·.¸.•°®»
هذي(روحي) اليوم وياكم ويمكـن بــكــر ه ترحـل و(تغيـب) عـن دنيـاكم (أعذرونـي) أذا فـي يـوم كسـرت ,, خواطــركــم ,, أو بكلمــه جرحــت مشاعركــم «®°·.¸.•°°·.¸¸.•°°·.¸.•°®»[/moveo]
|
|
30 / 09 / 2005, 02 : 10 PM
|
#6 | |
|
ABOYASSER
|
ياهوووووه
انا ماوفر المواقف على طول اسردها بس انتم عطونا مواقف صارت معكم و نتفاعل وياكم مشكورة مشرفتنا المحترمة على هالتشكرات تحياتي |
|
|
|
|
30 / 09 / 2005, 08 : 10 PM
|
#7 | |
|
تميراوي سوبر
|
اخوي الحصاااااااااااد
اسلوب حلو ومميز وخر ياشيخ ... انا منحاش و منحاس قال : الشويشة سويت خير في ذا الشايب وسع صدرك بالسواليف واكتساب المعلومات الجديدة مثل الشويشه مشكوووووووووووووووور تحياتي لك |
|
|
|
30 / 09 / 2005, 02 : 11 PM
|
#8 | |
|
تميراوي سوبر
|
أخوي الحصاد
انا اقولك عكس بعض الشباب ( كل ماجتك فرصه لنحشه إنحش وش يقعدك ) وإدا أنحشت إستغل كل دقيقه , والله بعض المرات تتمني النحشه وماتحصل وإذا الله قردك بمثل هالشايب لاتصير قليل دبره صرفه, وخل عنك التقليط ماهوب وقته تراك منحاااااااااااااااااااش لاومنحاااااااااااااااااااس والسلام عليكم |
|
|
|
|
30 / 09 / 2005, 12 : 11 PM
|
#9 | |
|
ABOYASSER
|
اخوي الغالي صدى التاريخ
والله انك صادق معلومات جديدة ؛ والشياب عليه طلعات حلوه اخوي العزيز الطيار انا اكثرواحد في العالم يؤمن بالنحشه فهي حلوه خصوصاً يوم كنت في رياض كنت اخلص اشغالي بدون زحمات او سرى مشكور على هذا الراي اللي اعجبني جداً تحياتي للجميع |
|
|
|
|
30 / 09 / 2005, 19 : 11 PM
|
#10 | |
|
المدير العام
|
الله يرجك يابو ياسر
شويشه اهههههههه تصدق اول مره ادري انك تشتغل خارج تمير الله يكون في عونك على الختات الجاية بس تبي الجد انت مميز ورائع ايها الرائع |
|
 ــــــــــــــــ ــــــــــــــــ
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
