رخص الحصان ورخصوا الطيبيني ........... وغلي الحمار وماشتبه له من الناس

هذه القصيدة للشاعر
سليمــــان بن شـــــريم
يرحمه الله.
ولد الشاعر في قرية بن قنور بالسر ثم انتقل منها إلى عنيزه
وتوفي سنة 1363هـ
وقد تمّ تلقيبه بـ (متنبي الشعر النبطي)
وإلى القصيدة

البارحـة مـا ذاقـت النـوم عيـنـي
هـمّ بتنجـيـم بفـكـر بهـوجـاس

وأصبحت من غبّ السهـر والونينـي
جسـم برمّـة مجـرم عنـد حبّـاس

صبـرت ليـن الصبـر بيّـح كنينـي
ولا شفت لي من جملة الصبر نومـاس

شابت عوارض لحيتـي قبـل حينـي
وقنعت من عقـب الفوايـد بالإفـلاس

دنيـاك هــذي تفـجـع الغافليـنـي
ترفع ذنب وتطمّـن المتـن والـراس

تبدّلـت هـرج العـرب بالرطيـنـي
وقامت تجنّس لي على سبعـة أجنـاس

رخص الحصان ورخصـوا الطيبينـي
وغلي الحمار وما إشتبه له من النـاس

وقـام الـردي يدحـم بجنـب متينـي
وابن الحموله قام يمشي مـع السـاس

وقـلّ الرفيـق وقـلّـوا الغانميـنـي
وكثر الحسد وأهل النمايـم والأنجـاس

وشان الزمان وشان وجـه الضمينـي
وتغيّـرت كـل الطبايـع والألـبـاس

والمال صـار مـع المـره والدوينـي
والطيب راح وقطّعت عنـه الأرمـاس

وخليـت كفـوف مدلّهيـن الحزينـي
واللي تورثّهـم شعـر سـاق حسـاس

والذيـب جـاع وكـل ثـور بدينـي
والحر برقع وأبـرق الريـش فـرّاس

وذلّ الجسـور وكـلّ حـد السنيـنـي
وتكشيف عرض الناس هو سهمة الناس

والمرجلـة نسخـت مـع المارتينـي
وتعوّضوا عنهـا بخوصـه ومكنـاس

وصار الردي يحشم مـع الحاضرينـي
والراس ديس وخدّم الحر أبـا الحـاس

وصار الصديق هـو العـدو البطينـي
يشرف عليك ويصبح الصبـح بـلاّس

وطرد الهوى بختـوا بـه المفلسينـي
شرّابـة المصفـاه طبّاخـة الـفـاس

وختـام قيـلـي أيـهـا السامعيـنـي
صلوا على المختار مـا هـل رجّـاس

والآل والأصـحـاب والتابعـيـنـي
عد النبات وعد حصحاص الأطعاس

صح لسآن شآعرهآ
وسلمتَ على الآختيــــــآر ..

صح لسان الشاعر


تسسسسسسسسسسسسسسسسسسسسلم يمينك

مشكووووووووووور