|
|
هَمْس الْقَـgافِــي مآتغترفه ذوائقگم من بحور الشعر |
آخر 10 مشاركات |
|
أدوات الموضوع |
20 / 10 / 2009, 40 : 09 AM | #1 |
تميراوي برونزي
|
قصيدة عاطل روعه
وش عاد يا دار ٍ بها صار ( توطين )
و في مكتب التوظيف حمدي و ميسون ! مديرهم مدحت و نائبْته نسرين و على الرسبشن حمّص و فول و زيتون ! كل ما اتصلت اسمع ( الو مرحبا مين ؟ بدّك وظيفه ؟ .. مين دلّك على هون ؟ ) اقول انا لي اتصل صار شهرين و انتوا وعدتوني متى بس توفون اسمي ( مواطن ) ( جامعي ) طيب و زين كني ابخطب عندكم و اتّغلون ! عندي شهاده طايحه بجبدي سنين عشش عليها شي له ستة عيون !! لو للشهاده لسان قالت ( على وين ناوي توديني .. تلف فيني الكون ؟ ) من كثر ما صورتها غارق بدين للهندي راعي المطبعه صرت مديون لا ليلي ليل ولا نهاري نوى يبين دقيت راسي لين ما صرت مينون ! مطلوب خبره عالأقل في مجالين ولا تجينا بواسطه و سير مدهون ! ولا انثبر في بيتك .. افرك بكفين يومك يشابه امسك و عيش مغبون تعدادنا ويّاهم اربع ملايين و اهل البلد للحين ما صاروا مليون !! ويلاه من باكر اذا وضعنا الحين و احنا اقل من الربع حالنا شجون ! و اللي ابتسم له حظه والله مسكين ! حصّل وظيفه .. بس في وين .. تدرون ؟ ساكن في راس الخيمه .. حطوه في العين !! و اللي سكن في الذيد .. في السلع مدفون !! يشوف اهله بس في الأسبوع يومين و اذا حسبتوا الدرب كم ساعه .. تبكون يعني في كل احواله ذاق الأمرين شغّال محزون و بلا شغل محزون و الأجبني اللي راتبه فوق عشرين فله و سياره و تذاكر .. و طاعون عنده بدل كل شي عالراتب الفين حتى بدل معجون اسنان و صابون ! و من بعد ما يجمع من بلادي فلسين و يربّي م القعده على الكرسي بطون و يصير في بلاده غني و عنده برجين يرحل و هو جاحد .. و كم مثله ملعون ! و حتى الجماعه قوم مدحت و نسرين مردّهم لبلادهم لو يطولون يرضون بشوية دراهم .. و شفتين صبح و عصر .. لو حتى في الليل يرضون بس لو سمعتوا همسهم بينهم بين وسط القهاوي يلعنون و يسبون ! لا تحسبوني عنصري .. كلنا طين و الخل لو عاتب محبينه يمون داري و انا اولى بها من الغريبين ما يوصلون لحبها لو يموتون و ( الأقربون اولى ) .. كلام ٍ من الدين ما جبته من شعري مع الهام و ظنون ولد البلد ما يبغي لبلاده الشين بالروح بالدم يفتديها ولا يخون لكن سؤاله يوم قلتوا له ( توطين ) يا كيف بيد الغرب توظيفه يكون ؟؟!! شعارهم معروف ( راجعنا بعدين ) و باين من التأجيل .. انهم يخافون اذا معك خبره .. يا اهلين و سهلين و اذا شهاده بس .. عنك يصدون ما عندنا شاغر .. و بطلنا تعيين ولو تحرق الهاتف ترى ما يردون ! من وين اجيب الخبره ؟ من وين من وين ؟ دام الوظيفه عند سوسن و ميسون ! عندي بمطبخ بيتنا خبره سنتين ! تنفع اذا صاروا المطاعم يوطنون ؟؟! ولا اهاجر و آخذ الخبره في الصين ؟ صح العيون صغار .. لكن يقدْرون سؤال يا دار ٍ ..صراحه بترضين ؟ اني اسافر و اطلب الغرب لي عون ؟ و سؤال يا ناس ٍ على الراس و العين صدق الوظايف واسطه و سير مدهون ؟ اما الجواب الشافي يجيني الحين او هاتوا تأشيره .. اذا كنتوا ترضون ! [/poem] |
|
20 / 10 / 2009, 58 : 10 AM | #2 |
تميراوي عريق
|
رد: قصيدة عاطل روعه
شكرا على القصيده الطريفه
|
[flash=http://www.albargsh.com/up//uploads/files/domain-3d0c23372f.swf]WIDTH=550 HEIGHT=320[/flash]
|
20 / 10 / 2009, 53 : 12 PM | #3 |
عضو مجلس ادارة المنتدى
|
رد: قصيدة عاطل روعه
قصيدة معروفة
ارجو منك كتابة اسم شاعرها تنقل للساحة المناسبة همس القوافي |
|
20 / 10 / 2009, 11 : 01 PM | #4 |
تميراوي فضي
|
رد: قصيدة عاطل روعه
مسكين حالته حاااااااااله مشكور عالطرح
|
|
21 / 10 / 2009, 18 : 08 AM | #5 |
تميراوي برونزي
|
رد: قصيدة عاطل روعه
[QUOTE=المدرس;564297]
قصيدة معروفة ارجو منك كتابة اسم شاعرها تنقل للساحة المناسبة همس القوافي
مشكورررررر على مرورك اسم الشاعر لاعرفة هذا واحد كاتب اسمة عاطل عن العمل وشكررررررررررررررراااااااااااا |
|
30 / 10 / 2009, 23 : 03 AM | #6 |
» طفله نست تكبر }
|
رد: قصيدة عاطل روعه
تشكرات خيو على روعة ذائقتك الشعرية
احترامي لكـ |
[align=center][flash1=http://im82.gulfup.com/0835wY.swf]WIDTH=500 HEIGHT=200[/flash1]
ربّي إحفظ ليْ أبوآيْ , فَ ليس فينيْ قوّة تكفينيْ لِ تحمّل فرآق أحدهُم حسابي تويتر ميميs [/align] |
30 / 10 / 2009, 42 : 06 PM | #7 |
تميراوي
|
رد: قصيدة عاطل روعه
ههههههههههههههههههههههههه قصيدة جميلة
|
|
31 / 10 / 2009, 43 : 11 AM | #8 |
لِيًت " بُوحِي " كِثرْ..{ صًمتِي
|
رد: قصيدة عاطل روعه
صح السانك يا كحيلان وعساك سالم ..
|
[flash=http://www.b30b.com/up//uploads/files/b30b-f5cf59e96e.swf]WIDTH=500 HEIGHT=250[/flash]
قناه للأعضاء لتحميل مقاطع اليوتيوب |
31 / 10 / 2009, 52 : 11 AM | #9 |
اشراف متقاعد متميز
|
رد: قصيدة عاطل روعه
تسسسسسسسسلم ياكحيلان
|
[flash1=http://upload.7ozn.com/files23/13179075341.swf]WIDTH=550 HEIGHT=300[/flash1]
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|