|
|
الكشتات البرية يهتم بالصيد و الكشتات والاحوال الجويه ومتابعة السحب |
آخر 10 مشاركات |
|
أدوات الموضوع |
14 / 09 / 2004, 35 : 04 PM | #1 |
|
أبغي المقانيص يوم القنص لي عاده
العين عافت لذيذ النوم يا طيري = أبغي المقانيص يوم القنص لي عاده
السلام عليكم و رحمة الله و بركاته في السنة عدة مواسم..و كل موسم له ناسه.. و أحلى هالمواسم...موسم القنص... وما شاء الله المداعي اشتغلت..و الطيور المقيضة أظهورها... و التلاويح طارت في كبد السما منو ما يحب المقناص لكم مني إخواني هذه الأبيات المنوعه ف المقناص عساها تحمسكم لعطلة الربيع و المقانيص
يا موتري لا تضايق من مشـــاويري = يوم أن راعيك جا المغباش له عـــاده مااظن يصلح يسوقك واحدٍ غيـــري= أصايدك من الحصا وأرفق بك زيــاده جيب بدفعٍ رباعـــي نقلـــة القيـــري= ما ودك أنه يشوفه بعض حســـاده كم مرة في السهل نمشي مـــداويري= وكم مرة قد مسكت طويق وشـــداده أحيان نسري وحينٍ نمشي اعصيري= واحيان قبل الفجر والناس هجّـــاده يوم ان بعض العرب يهوى المصافيري= يجيه وقت الضحى والظهر في رقـاده أهوى المغابيش قبل ايصوُت الطيري= يوم ان بعض الشباب يكبّر وســـاده العين عافت لذيذ النـــوم يا طيري= أبغى المقانيص يوم القنص لي عـــاده معنا اشقرٍ ضربته للخرب تمــزيري= أفدغ وحرشٍ اكفوفه ويل من صــاده مع هدّة الطير يذهب كل تفكيـــري= أنسى مماتي وكِنّ العمر بزيـــاده يا زِين شوف الحباري بالمناظيــري= في خايعٍ مابعـــد زاروه رُوّاده ويازِين شوف العشاير و المظاهيري= لا روّحت مع رقاق الحزم منقـــاده يا ماحـــلا شرْبك لـــدرّ المباكيري=أخير من نيدوٍ به سكر زيـــاده وماكول قرص الجمر مع تمرٍ وضيري= أحسن من البيتزا والشورمـــا زاده وجذبك بدلوٍ به الماء من جبا البيري=أخير من ماي صحه وســـط برّاده البر يســـوى مسلسل سالم الزيري=وأحلا من مشاهد الكوره مع استـــاده شوف البراري ولا شوف المقاصيري= أو شوف نخلٍ ظمايا واجد عيـــاده في روضةٍ غاديٍ للعشب تنـــويري=يازِين شوف الخضار وزِين مقعـاده معك نشاما مخاوينك منـــاعيري=رجّالهم منوة للقلب واسْعـــاده حولك ادلالٍ بها البُنّ المباهيـــري=بهارها الهيل والمسمار هو اقنـــاده أحسن ولا رفقة اربوع ٍ معاثيـــري=هرج القفا عندهم هو ثالث اعْيـــاده أحباب وأصحاب بقلوب المثابيري=تضحك وهي لشذبة العرقوب معتاده يقفونك الهرج بألسنةٍ مناشيـــري = واحَدْهم إلى نصحته زاد في عْنـــاده هذاك كُبّه فلا به نفعٍ وخيـــري = ما يتّعظ في الكلام الزين وارشـــاده نومك بجو خلا مافيه تكديـــري =يسوى الفنادق وقصرٍ قلَّوا أجـــواده ما حولك ألا الطيور أم المناقيـــري= امنفّضة ريشها للجـــو رَوَّاده ورزقك على اللي رزق لدباش والطيري=اللي فرض ركن حج البيت واجهاده الرزق عند الولي رب المقاديـــري= اللي جعل للخلايق ذكر وعبـــاده وصلاة ربي عدد وبل الشخاتيــري= على نبي جعل يثرب هي بـــلاده الله الله أتمنى أنكم استانستوا و تحمستوا تقبلوا تحياتي |
|
14 / 09 / 2004, 34 : 08 PM | #2 |
VIP
|
وين الحمااااس تعدى حده
ايه يا اتيكا اشعلها حماس في قلوبنا والله يكثر الصيد مشكووووووووور سلام |
|
22 / 10 / 2004, 14 : 09 AM | #3 |
ضيف
|
قصائد القنص والمقناص لها طعم خاص
ربي يعااافيك يا اخوي على هالقصيدة المتميزة المعاصر حائل |
|
06 / 12 / 2004, 13 : 11 PM | #4 |
المشرف العام
مؤسس منتديات تمير |
تسلم اخوي تيكا على مجهودك وعلى القصيده الرائعه
وربي يسلمك ويخليك تحياتي للجميع |
|
07 / 12 / 2004, 19 : 11 PM | #5 |
تميراوي نشيط
|
قصائد القنص والمقناص لها طعم خاص
ربي يعااافيك يا اخوي على هالقصيدة المتميزة |
ا اخي مساعر
ويييييييييييييييييييييييييييييييييينك |
06 / 03 / 2005, 21 : 09 PM | #6 |
تميراوي نشيط
|
صح لسان الشاعر
قصيدة فيها تميز في الوصف ليونارد دافنشي |
|
08 / 04 / 2005, 45 : 05 PM | #7 |
ضيف تمير
|
تسلم أخو ي اتيكا علي المشاركه المميزه وياليت تكون بصوت ويشيلها ابو وليد(هبوب الشمال)
|
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|