مشارك|| ان حكينا ندمنا » وان سكتنا قهر » لا لا وان سكتنا حراااامـ ||

السلام عليكم ورحمه الله وبركاته ،،

لاأعلم من أين أبدا والى أين أنتهي فالموضوع حساس جدا ويضرب على أوتار حساسه وتهت وتاه فكري هنا وهناك
شخص جد واجتهد سنوات وسنوات حتى افنى مايقارب 24 سنه من عمره وهذا اقل مانقول لينهي دراسته الجامعيه ويحقق حلمه ومستقبله لجد وظيفه له
ومن هنا تبدأ المعاناه بالبحث عن وظيفه ويطرق كل باب ليبحث عن مستقبله ولا يجد شي عما يبحث عنه ، بل يغلق الباب امامه فيقف حائر لايعلم الى أين يذهب ،
فتحطمت آمال هذا المسكين واصتدم بالواقع بعد تعبه ودراسته ، بالبطاله وما أدراك مالبطاله
وتأزم الامر معه ومع أقرانه حتى ااصابهتهم مشاكل اقتصاديه ومشاكل اجتماعيه ونفسيه
واصبحوا يعانون من فقر وحاجه وتدهورت أوضاعهم الاجتماعيه والاقتصاديه وتأخرو عن الزواج أو أصبح لديهم عدم رغبه في الزواج .
وضلوا يعانون من قلق وعدم استقرار
فطلبوا يد العون لمساعتدهم ولم يجدوا مجيب ولاحياه لمن تنادي فكان الحل الوحيد لهم هي السرقه والنهب والسلب وحتى وقعوا في للمخدرات وجرائم كبيره ، البطاله كان سبب لها !!

ومن هنا يدور في بالي تساؤلات :

ما اسباب هذه البطاله ؟

المواطن السعودي هو الشخص المناسب ليحضى بوظيفه في أحد دوائر الحكوميه فهو جزء من هذا البلد وفيه الشهامه والغيره على ادارته وبلده اكثر من الوافدين والاجانب فأين السعوده التي نسمع عنها؟

أين حقوق المواطن في وظيفته على حكومته ودولته ؟

هل أصبحت الوظيفه تقف عند الواسطه او اصبحت الوظيفه دوله بين الأغنياء منهم ؟

واحيانا يأتي في بالي سؤال هل الوظيفه تقف عند ديوان الخدمه المدنيه ؟

وماهو الحل لمشكله البطاله ؟

اترك لكم الاجابه و آتمنى أني كنت محايدا ولم أقول الا الحق فالحق أحق أن يتبع .

احييك يا طير على موضوعك المهم (البطاله وما ادراك ما البطاله)
...لكن لا حياه لمن تنادي ...
رغم انقطاعي عن ساحه الحوار منذ زمن
لكن اليوم احببت ان اسجل اعجابي بموضوعك واشكرك على انتقاءك..

فية شباب مستعد انة يشتغل اى حاجة يقول لو يجيني الفين ولونقصت مهيب مشكله
لكن وين الشغل ووين الوظيفه ماحصلها ..
تدري ليش ؟ لاننا الحين في عصر الفساد والواسطة و الحين دخلنا عصرالرشوة على شان تلاقي اي وظيفه
محترمة لازم يكون لك وآسطة عشان تتوظف. لازم يكون معك فلوووس تدفعها لفلان عشان يوظفك...
اكبر دليل كنت اشتغل في احد الدوائرالحكوميه ومعنا موظف مستقيل من وظيفته له سنه
ونتفاجئ بعد مرورسنه يجيه ترقيه وهو مستقيل من العمل وش معنا هذا ..

المعني التلاعب واكل الأموال وطرد المتقدمين للوظائف..
والي مامعه واسطه مثل النخله الماسطه..او امسك لي واقطع لك..

تحياتي لك..

طرح مميز صحيح ان بعض شباابنا داجين

بس والله الي يدور راااح يلقى وظيفة والي مصر على اي وظيفة رااح يلقي مو مشكلة راتبها شوى المهم وظيفة عصفور باليد ولا عشرة بالشجرة بعدين تنفتح الابواب علية
الحين بعض الشباب والله يتشرط يبى وظيفة جنب بيتة
يبى راتب صح اجتهد وثابر الي ان يحلها الله لاتقعد وتبي الوظيفة تجيك حد بيتك""

تقبلو رائي واختلاف الراي لايفسد للود قضية""

طرح مميز ورددود مميزه

البطاله كلن يحفر وينطل وجهه على اللي يسوى وإللي مايسوى
وتاليتها بنزهم عليك,أو أحتر نبينعلن في الجريده
رد يحطم ويخلي الشخص محطم بمثل هذا الرد
.......
ويذهب ويدوح في الشوارع ويأتي من يقول له عندي وش يجلب بك المال
ويطيحه في وحل المخدرات وهذا قد تكون أنتهت حياته بسبب
شخص لايقدر من ماذا قال وماذافعل برده
لهذا الشخص المتعلم وصاحب الأخلاق

أعجبت بطرحك وأردة أن أشاركك
وفالك التوفيق يالطير.

اقتباس: المشاركة الأصلية كتبت بواسطة أبـوحـمـد    احييك يا طير على موضوعك المهم (البطاله وما ادراك ما البطاله) ...لكن لا حياه لمن تنادي ... رغم انقطاعي عن ساحه الحوار منذ زمن لكن اليوم احببت ان اسجل اعجابي بموضوعك واشكرك على انتقاءك.. فية شباب مستعد انة يشتغل اى حاجة يقول لو يجيني الفين ولونقصت مهيب مشكله لكن وين الشغل ووين الوظيفه ماحصلها .. تدري ليش ؟ لاننا الحين في عصر الفساد والواسطة و الحين دخلنا عصرالرشوة على شان تلاقي اي وظيفه محترمة لازم يكون لك وآسطة عشان تتوظف. لازم يكون معك فلوووس تدفعها لفلان عشان يوظفك... اكبر دليل كنت اشتغل في احد الدوائرالحكوميه ومعنا موظف مستقيل من وظيفته له سنه ونتفاجئ بعد مرورسنه يجيه ترقيه وهو مستقيل من العمل وش معنا هذا .. المعني التلاعب واكل الأموال وطرد المتقدمين للوظائف.. والي مامعه واسطه مثل النخله الماسطه..او امسك لي واقطع لك.. تحياتي لك..

تسلم اخوي ابو حمد على المداخله الطيبه ،
وبعدين يعني انا شخص داخل مسابقه على وظيفه وتحصل 877900670865 شخص متقدم على هالوظيفه
ولا فيه الا وظيفتين او ثلاث ومعروف من هي له الوظيفه تلقاه ماجاء يختبر ولا مقابله ولاشي جاي طال عمره بالواسطه .
وش حيلت الي ماعنده واسطه ياجماعه الخير ؟
الا أبو حمد ماودك نتخاشر انا واياك ونشوف لنا شغله أبرك لنا من ما عاش تحتريه كل شهر ،
فثلاث أرباع الرزق في التجاره .

اقتباس: المشاركة الأصلية كتبت بواسطة طير شلوى    وش حيلت الي ماعنده واسطه ياجماعه الخير ؟ الا أبو حمد ماودك نتخاشر انا واياك ونشوف لنا شغله أبرك لنا من ما عاش تحتريه كل شهر

للأسف الشديد حيله الي ما عنده واسطه يدفع قروش يا طيرشلوى !
ولو تبي وظيفه في حارتكم جتك..
والشغل الحرافضل بكثيرمن شعل ---> احترمعاشك الين يجي
ولو ماجاء ما عشت مثل المسلمين صدقني لوتجربون الشغل الحران تحمدون ربكم
على الي انتم فيه من الوظيفه..

طيب والي مايقدر يدفع قروش يابو حمد او ايمانه يمنعه من دفع هالرشوة ،
والمعاش من اسمه ماااااااعاااااااااااش يابو حمد ، وعلى طاري الشغل عندي لك صفقه طماط ان ما جوك البلديه وخذوه منك وانت تناظر ومت حسره حزتها !!!!

موضوع حاصل وبكثره في مجتمعنا وللاسف الشديد

مداخله بسيطه

بتحدث عن واقعنا او بقربه اكثر مثل حى من بيتنا اخوي الله يحفظه

مو يبي اى وظيفه يبي وظيفه بمواصفات معينه تليق بمستواه امام زملاءه

للاسف هذا القناعات موجوده بأخي عجزت اغير فيه شكل تاثيري على خواتي

اخواني مابعد قدرت عليهم

مشكله اذا كان شبابنا قناعاتهم مثل قناعه اخوي

وكمان ماقصرو الوظائف مو من كثرتها واغلبها بواسطه

لذلك راح نجد شريحه من مجتمعنا يصيبهم الاحباط واليأس من الشروط وغيره

مدرى خرجت عن الموضوع ام لا

بالاخير عجبني العنوان والمضمون قلت ادلوا بدلوي هنا

طير شلوى يعطيك العافيه على الطرح الرائع

اقتباس: المشاركة الأصلية كتبت بواسطة طير شلوى    طيب والي مايقدر يدفع قروش يابو حمد او ايمانه يمنعه من دفع هالرشوة ، والمعاش من اسمه ماااااااعاااااااااااش يابو حمد ، وعلى طاري الشغل عندي لك صفقه طماط ان ما جوك البلديه وخذوه منك وانت تناظر ومت حسره حزتها !!!!

ودي اقولك رح بع طماط بس حتى الطماط والجح الحين بواااسطه يا طير
تعرف احد في البلديه رح وبع في اي مكان تبي!!
هذا الي خلاء العالم تسرق وتاكل بعضها ..

موضوع جميل ويحاكي واقعنا ويخص شبابنا المدلل واسمحوا لي بهذا الوصف

ما اسباب هذه البطاله ؟
اسباب البطالة هم شبابنا نفسهم ولا غير
يبون وظيفه في المكان الفلاني ولا تقل عن الراتب اللي في باله
وان تنازل عن الراتب وقال لو الفين تكفيني الا ان مكان الوظيفه هو هو ما تغير
ما يبي الا وظيفه حكوميه وعلى مكتب

المواطن السعودي هو الشخص المناسب ليحضى بوظيفه في أحد دوائر الحكوميه فهو جزء من هذا البلد وفيه الشهامه والغيره على ادارته وبلده اكثر من الوافدين والاجانب فأين السعوده التي نسمع عنها؟
طيب اذا كانت الدوائر مليانه ونحن شعب فينا بركه واي مكان نروح له نملاه
اما بالنسبه للوافدين راح اضرب لك مثال
لو عندك محل ويعمل به وافد امين وشريف ويخاف على حلالك اكثر منك ومراعي حق الله فيك
ويدر عليك مكاسب هائله
وجاك سعودي ما تدري وش تحت راسه هو ينفع والا لا هل راح تشيل هالوافد وتعين السعودي
وخاصه كما قلت فيه شباب مدلل مايحب التعب يداوم ساعه ويشرد ساعات
ولو تبي عذر عن تسيبه جاب لك بدل العذر الف
وخلى المكتب يهوهي مافيه احد
وهذي الفئة خربت على الكثير

أين حقوق المواطن في وظيفته على حكومته ودولته ؟

هم ما قصروا معنا بس ترى عددنا كبير ويبي لنا كم هائل من الوظائف
وما زالوا يبحثون لنا عن حلول

هل أصبحت الوظيفه تقف عند الواسطه او اصبحت الوظيفه دوله بين الأغنياء منهم ؟

اكيد ما نقول لا اصبح اغلب الامور تمشي بواسطه لكن يبقى الاهم هو ثقتكم بالله والاعتماد عليه وهو اكبر واعظم واسطه لكم

وماهو الحل لمشكله البطاله ؟


الحل هو عدم الاتكال على وظائف الحكومه شمروا عن سواعدكم اظهروا ابداعكم وشطارتكم في شتى المجالات
اعرف شباب تخرجوا اللي فتح بقالة واللي فتح مغسله وعاشوا احسن من الموظفين الحكوميين وماشاء الله عليهم وبعد ما وقفوا عن الركض خلف مصير شهادتهم
الا ان جائتهم الوظيفه وتوظفوا وزادوا الخير خيرين
راح تقول نبي راس مال
الاهل ومن حولك اذا شافوك جاد اكيد ماراح يقصرون معك وانت وشطارتك يمكن سنه او اقل ومرجع لهم راس المال

افتح بقالة افتح مغسله افتح محل خضره ولو تدورون راح تلقون مجالات كثيره مفتوحه لكم
وابد اللي يبي يبني نفسه ماراح ترده البلديه
هذا الوافدين جو ديرتنا مامعهم شيء ورجعوا لديارهم بانين بيوت ومأمنين مستقبل عيالهم
اذكر لك احد الوافدين فتح له محل موبيليا يصلح غرف نوم ومكاتب وكان النص بينه وبين السعودي اللي شغله
ماشاء الله بنى بيت له في ديرته ودرس عياله بمدارس اهليه وعيشته من احسن مايكون
وكذا السعودي اللي شغله مبسوط منه ويجني ارباح من وراه
تبي هالسعودي يفنش هالوافد ويحط سعودي بداله عز الله ما طق هالسعودي ولا مسمار
بس ممكن تكون انت مكان هالسعودي وشف وش راح تجني

والكلام معكم يطول ولو اكتب معلقه فيكم ما كفت
وآخر كلامي من توكل على الله كفاه