بسم الله الرحمن الرحيم
السلام عليكم ورحمة الله وبركاته
هذي وحده من اغرب الرحل الي سويتها
لدرجه انا ما قعدنا بي ديره يوم واحد
وقطعنا شبه الجزيره من غربها الا شرقها في يوم
هذا في يوم قررت انا مع اخوي وولد عمي نسوي العمره الساعه 5 ونص العصر
حركنا على طول من مدينة الرياض متجهين نبي الطايف
وصلنا الطايف الساعه 3 بالليل
بعد جهد جهيد وغرزنا بالطريق بسبب ولد عمي وحالتنا حاله
ونمنا الى الساعه 7 الصبح بالسيل الكبير
ومن بكره جلسنا بي الشفا الى الساعه 3 العصر وحركنا مكه
وصلنا مكه الساعه 5 العصر وبعد بالغصب خلصنا العمره الساعه 10 بالليل
زحمه أعوذ بالله لدرجه ان العجايز من جنسيات عربيه طقونا الى الليل
ورجعنا الطايف على طول
وقررنا النوم على طريق الشفا (( ياشين الطفره ))
وناموا الي معي وظليت صاحي من هم الطريق وفجأه طلع علينا واحد من ورا الضلع
شكله شبه يروع على طول جريت السكين شاف هو السكين وراح بعيد
عاد انا ظفيت القش كله وصحيت الي معي وركبنا السياره ومشينا
ورحنا منتزه الردف ويالله حصلتلي نوم ساعه وحده
قام ولد عمي يبي فطور رحنا نفطر وقال ودي بالشرقيه اخوي قال لا ما نمنا زين
قلت قدام ومشينا الساعه 8 الصبح وطبعا طول الخط اخوي نايم ورا
ساحب علينا وبعد ما عدينا الرياض صار ولد عمي معاه وانا بالحالي
وصلنا الشرقيه الساعه 9 بالليل والا حر ورطوبه قلت يا ولد ما لنا قعاد فيها
حرنا الساعه 11 بالليل والي معي نايمين وعجت علينا وحالتنا حاله يالله الساعه 3 وصلنا الرياض نمنا الا الساعه 10 الصبح قلت ها فيكم حيل قالو براسك
مشيت على طول الطايف مره ثانيه بس هالمره معنا كاش وصلنا الطايف المغرب وغيرت زيت السياره ورقدنا بالطايف من بكره الصبح قالو نبي الباحه قلت يلاه
ووصلنا الباحه الظهر والا براد كايف ومطر جلسنا في غابت رغدان ورقدنا فيها
يوم صار الفجر جينا راجعين الرياض
ها وش رايك بها الرحله
مو صاحين صح
بس حلوه
08 / 11 / 2008, 25 : 09 PM
رحله غريبه
