حسبي الله ونعم الوكيل .. تقطيع .. و اموال منهوبه

لا نقول الا حسبي الله و نعم الوكيل ؛؛

شركة الاتصالات السعودية

stc

خدمة سيئة و استغلال و استغفال للمواطن البسيط ؛ و في النهايه يرون انهم على حق ؛؛؛

قبل شهر تقريبا قررت ان اشترك في خدمة ( برودباند جود ) 4 ميقا ؛؛

المهم

اتصلنا على الاتصالات ؛؛ فكان الرد ان ( الكيبل حقي مايعطي سعه الا 1,5 ميقا فقط ) ؛

قال لنا موظفهم : انتم خذو العرض و بعدين تقدرون تنزلون الخدمه الى ( ون ميقا ) ؛

وافقنا .. و جاء العامل لتركيب ما يسمى بالمودم ؛؛ فكانت الكارثه و هي ان اخبرنا العامل ان سعه الاتصال لا يمكن ان تتجاوز ( 300 كيلو بايت فقط ) ؛؛

الغيت الخدمة ..

جأتني الفاتورة بـ 1228 و قمت بالسداد لان الخط كله تم فصله ..

اذن سنتين و انا مشترك في 1 ميقا و في الاخير طلع كيبل الاتصالات ما يتحمل الا 300 كيلو بايت ؛؛

سنتين من الخديعه ؛؛ و كادت لولا امانه عامل التركيب ان تكون الخديعه جريمة ؛؛

كانوا يعلمون انهم يخدعونني بعرض 4 ميقا و لكنهم فضلو السكوت ؛؛

الان الفاتورة بمبلغ خيالي و تم السداد ؛؛

بعد كل هذا اعود و اقول ( كل اللي راح ما من مشكلة ) ؛؛

المشكلة الحقيقية اني فعلا بدأت اكره الانترنت كاملاً بسبب شركة احتكرت السوق و قدمت خدمة سيئة جداً لا يمكن ان نقول عنها الا اكل الاموال بحق و بدون وجه حق ؛ فالاتصال ينقطع كل يوم في فترة الظهيرة ؛؛ الى قبل المغرب بقليل ؛؛

ايضا هذه بلعناها ؛؛؛ لان الوقت حر و قيض فربما ان ( الدي اس ال ) حقهم من النوع الاملس و اللي ما يطلع في الحر ؛ ( طالع عليهم ) ؛؛

لكن ان تصل مراحل الانقطاع و البطء في الانترنت الى فترة المساء و السهرة ؛ فهذا لا يمكن ان يعقل او يقبل ؛ و المشكلة ان هذه الشركة مثلها مثل حال اي شركة ( التهام ) لا يوجد مرجع حقيقي للشكوى عليها ؛ الا ان تشتكي عندهم هم لكي تأخذ انواع المماطلات و رفع الضغط ..

فلماذا الاحتكار ؟ و لماذا لا يتم السماح بوجود شركات حقيقية تخدم المواطن ؟ و لماذا تمنع شركات ناجحه كموبايلي من خدمة الهاتف الارضي او على الاقل من تقديم خدمة الانترنت ( دي اس ال ) ؟

من المستفيد ؟ و لو فتح الباب . .. من المتضرر ؟

اسئلة كثيرة مؤلمة جداً و تضعنا في حال و واقع مر و مزري جداً بوجود هذه الشركة التي ادعو من الله عز وجل ان تفلس افلاساً لا نهوض بعده ؛ علنا نجد بديلاً يكون فعلا قادراً على ان يوفر الخدمة المناسب بالشكل المناسب ..

تحياتي

كلام سليم ..

مبالغ طائله وخدمه اسوء من السيئه ..

نحن لا نطالب بخفض هذه الاسعار والتي تعتبر باهظه بالنسبه للدول الاخرى .. كل ما نبحث عنه وصول الخدمه بالشكل المطلوب ..

الاحتكار سبب رئيسي في مثل هذا .. كلنا نعرف الجوال قبل دخول موبايلي وزين .. وقلة العروض .. اما بعد دخول اكثر من مشغل بدأت المنافسه ..

مشكور توأم الجود على طرح الموضوع الذي يلامس الكثير ..

الله يعينكم
صصصراحه ششركه فااششله كلها نصب واحتيال
بسس ماقوول الا حسسبي الله عليهم اذا كان هذاء التصرف ال عمد منهم

:

:(

كلامك سليم ياتوام الجود.
الا قلي وش الفائدة من وجود شركات اتصالات منافسه للاتصالات السعودية؟اذا كانت الشركة المنافسة مقيدة بنفس التسعيره!!!!!!!!!!!!!!!!!مثل مبايلي.
الى متى وشركة الاتصالات بهذه الاسعار رغم المكاسب الهائلة اللي حقوقها.
الشي الاخر المواطن انا دايم اكرر واقول ان المواطن هو سبب كل شي .المواطن عندنا ماعنده وعي ،ماعنده وقفه مع نفسه ويسأل ليه دائما يركض وراء الدعايات .على سبيل المثال شركة زين عندما طرحت شهر لك وشهر علينا جينا نتسابق نشتري ارقام مالنا فيها لزوم ونعد انفسنا كاسبين.
ياناس اي شي مانحتاجه او ماهو من اختصاصنا لانقربه لانصير صيد سهل للتجار او ارض خصبه كل زارع يحرثها ويستغلها وينهبها .ليش مانطبق خذ كفايتك او ماتحتاجه لكن من نسمع كلمة عرض او خصم نجي نشتري اشياء مالنا فيها لزوم!!!!!!!!
مثل محل للاواني المنزليه يبي يعزل عمل دعاية وقال يا يامواطن انا ابعزل ورطان بالمطابخ والملاعق تعالوا شيلوها عن وجهي فكونا منها ابي العافية .وش سوى راعي المحل عشان يشوقهم كتب اليوم الفلاني الساعة الفلانية تراي اببيع بخصم 30%وهم يجونك الربع طايرين بكم المطبخيه قال هذي 62ريال ومنول 72ريال وهو يجيك خام المطابخ ام حلق اللي ماعاد تستخدم والافران الجديدة ماتشيلها وهو يشري 10حبات والمواطنين الاخرين مثله .وش النتيجه قعدت عنده وضيقت عليه بيته واخرتها حطها للدجاج ومعالف غنم والباقي في الزباله .
المفروض اللي مالك فيه لزوم حتى لو انه منطول في الشارع لاتقربه ولاتجيه ياخوي.
تسلم على الموضوع ياتوام الجود

السلام عليكم ..

منذ مبطي و انا اقول .. لايمكن تزيد سرعة الاتصال عن 250 - 516 الا بعد تغييير الكيابل .. مهما اغرونا الاتصالات لايمكن تزيد

الا مع كيابل جديده ..

و الاتصالات بجميع شركاتها .. تستغل .. المواطن لك عليه ..

و كلمة .. نسيم .. المواطن هو سبب كل شي .. هذي هي الحقيقه اللي ما بعد عرفناها .. في كل شي ..

تلاقي واحدنا .. عنده .. دي اس ال .. كونكت .. برودباند .. الخ الخ الخ .. وشوله ؟؟ ..

وش عندنا ؟؟ .. حتى استخدامنا للنت موب مثل العالم ..

يا رجال مالنا سنع ..

الحكومة صبورة علينا

اقتباس: المشاركة الأصلية كتبت بواسطة عصي الدمع    السلام عليكم .. منذ مبطي و انا اقول .. لايمكن تزيد سرعة الاتصال عن 250 - 516 الا بعد تغييير الكيابل .. مهما اغرونا الاتصالات لايمكن تزيد الا مع كيابل جديده .. و الاتصالات بجميع شركاتها .. تستغل .. المواطن لك عليه .. و كلمة .. نسيم .. المواطن هو سبب كل شي .. هذي هي الحقيقه اللي ما بعد عرفناها .. في كل شي .. تلاقي واحدنا .. عنده .. دي اس ال .. كونكت .. برودباند .. الخ الخ الخ .. وشوله ؟؟ .. وش عندنا ؟؟ .. حتى استخدامنا للنت موب مثل العالم .. يا رجال مالنا سنع .. الحكومة صبورة علينا

عصي الدمع...حبيبي لاذكرت انه حبيبي ،،،،،،،،،اكمل.
الحقيقة ياعصي الدمع ان المواطن يساعد التجار في الابداع من ناحية الاستغلال يجي التاجر يفتح كباري فينا مثل اخوك نسيم عنده دي سي ال وشاري كنكت مبايلي تكتب كذا مبايلي والا موبايلي .وشو له شاريها بـ300ويدفع كل شهر 100علمني ؟
مثل الشاشات الكبار اللي في قناة العربية نروح نشتري مثلها وننطل تلفزيوناتنا .طيب الاجهز ايسر وتوشيبا ودل وش فرقهن كلها تفتح المنتدى .

اقتباس: المشاركة الأصلية كتبت بواسطة نسيم    عصي الدمع...حبيبي لاذكرت انه حبيبي ،،،،،،،،،اكمل. الحقيقة ياعصي الدمع ان المواطن يساعد التجار في الابداع من ناحية الاستغلال يجي التاجر يفتح كباري فينا مثل اخوك نسيم عنده دي سي ال وشاري كنكت مبايلي تكتب كذا مبايلي والا موبايلي .وشو له شاريها بـ300ويدفع كل شهر 100علمني ؟ مثل الشاشات الكبار اللي في قناة العربية نروح نشتري مثلها وننطل تلفزيوناتنا .طيب الاجهز ايسر وتوشيبا ودل وش فرقهن كلها تفتح المنتدى .

.. دريت اني حظيظ .. و زان بالي ..

على شانه تهاونت المعاصب

اذوق المر لاجل رضاه حالي ..

جعل .. ابونوره .. في الجنه .. و كل من يسمع له و يقرا ..

..

خلها على ربك .. كلنا على نفس الموال .. مدري وش نتسابق عليه ؟

النت هو هو .. بكونكت ولا دي اس ال .. في توشيبا ولا ايسر و لاسوني ..

انا عندي علة غير .. الطيب ( العطر ) .. يكفي غرشة وحده لين تخلص .. ان بغت عقب يوم او شهر او سنه ..

لكني ما اعرف .. ما يهنا لي انام .. و باقي في حسابي دراهم ..

المواطن يحتاج لتوعية في امور كثيره .. النظام .. التدبير .. الالتزام .. القوانين .. الاحترام .. التعامل .. حتى النظافة

اقتباس: المشاركة الأصلية كتبت بواسطة عصي الدمع    .. دريت اني حظيظ .. و زان بالي .. على شانه تهاونت المعاصب اذوق المر لاجل رضاه حالي .. جعل .. ابونوره .. في الجنه .. و كل من يسمع له و يقرا .. .. خلها على ربك .. كلنا على نفس الموال .. مدري وش نتسابق عليه ؟ النت هو هو .. بكونكت ولا دي اس ال .. في توشيبا ولا ايسر و لاسوني .. انا عندي علة غير .. الطيب ( العطر ) .. يكفي غرشة وحده لين تخلص .. ان بغت عقب يوم او شهر او سنه .. لكني ما اعرف .. ما يهنا لي انام .. و باقي في حسابي دراهم .. المواطن يحتاج لتوعية في امور كثيره .. النظام .. التدبير .. الالتزام .. القوانين .. الاحترام .. التعامل .. حتى النظافة

لاوهنيك داله ياسعود،،،،تمشي وقلبك دايم سالي.
الان تشوف كثير من الناس ملي (الدراهم واجد)وحالته صعبه جداً !!!
مدري ليه؟ودايم كلمة وش تبيبه على السنتهم وكلمة وشو له .
وناس تشوف حالتهم ومظاهرهم وروحاتهم وسعة صدروهم اكبر من الرياض تقول يملكون بنوك وهم مديونين بقروض وتقاسيط سيارات .
والله ياعصي الدمع مذكر يوم من الايام بغيت شي ورديت نفسي عنه حتى لو بغيت اردع نفسي مقدر معد ارقد الليل لين اجيبه ..
قال ايش قال اجمع لعيالك!! ياخوي نفسي وسعة صدري الزم علي منهم.
اصلا المجتمع الحالي للاسف غير قابل للتجديد ماعنده استقبال يرسل فقط.

شركة اختلاس من الدرجه الاولى ناس ماتخاف الله
بس تصيحون ولا ماتصيحون مادرى عنكم احد
والدراهم مسدده مسدده مافيه فكه
والله يجيب (شركة عذيب)
سمعنا عنها ولا شفناها

اقتباس: المشاركة الأصلية كتبت بواسطة فارس الجزيرة    كلام سليم .. مبالغ طائله وخدمه اسوء من السيئه .. نحن لا نطالب بخفض هذه الاسعار والتي تعتبر باهظه بالنسبه للدول الاخرى .. كل ما نبحث عنه وصول الخدمه بالشكل المطلوب .. الاحتكار سبب رئيسي في مثل هذا .. كلنا نعرف الجوال قبل دخول موبايلي وزين .. وقلة العروض .. اما بعد دخول اكثر من مشغل بدأت المنافسه .. مشكور توأم الجود على طرح الموضوع الذي يلامس الكثير ..

نعم هو الاحتكار الذي قتلنا ..

في مجال الجوال فيه تقدم بسيط بعد ما دخلت موبايلي ؛ لكن في مجال الثابت و الدي اس ال ؛؛ والله ان الدعوة في انهيار مستمر ( تنافس الاسهم السعودية في الانحدار )

كل الدعوات بوجود منافس حقيقي يفكنا من مصائب الاس تي اس ؛؛

كل الشكر اخوي فارس الجزيرة على مرورك و مشاركتك ؛؛

تحياتي