اكل اطفال سهل التحضير

قطّعي القالب وقدّميه سخن أو بارد

قالب اللحم والبيض
المقادير:
1/ 2 كيلو لحمة مفرومة
1/ 2 حبة فلفل رومي أحمر مفرومة
2 رغيف فينو بدون القشرة
3 ملاعق بقدونس مفروم
1/ 2 ملعقة بهارات
كوب جبنة بارميزان
1/ 2 ملعقة ريحان
6 بيضة مسلوقة
1/ 2 كوب لبن
ملعقة زيت
ملح وفلفل
2 بيضة مخفوقة
كرفس


الطريقة:
1- أول حاجة اخلطي اللحمة المفرومة مع الفلفل الأحمر، والكرفس والبقدونس، والجبنة البارميزان، والبيض المخفوق.

2- قلّبي الخليط ده كويس أوي لمدة 2 - 3 دقائق، لحد ما يتجانسوا مع بعض، وبعد كده ضيفي عليه الزيت.

3- حطّي قطع الفينو في اللبن وتبّليه بالريحان والبهارات والملح والفلفل الأسود، وقلّبيهم كويس.

4- حضّري القالب وحطّي فيه ورق زبدة أو بلاستيك، وبعدين حطّى نصف الخليط فيه.

5- رصّي البيض المسلوق فوق الخليط، وبعدين حطّي عليه باقي الخليط، وحطّيه في الثلاجة لمدة 30 دقيقة.

6- بعد كده حطّيه في الفرن لمدة ساعة على درجة حرارة 170، وطلعيه ونزّلي المَيّه اللي فيه، وبعدين رجّعيه تاني في الفرن لو لسه سِواه مش كامل، وبعد كده قطّعي القالب شرائح وقدّميه سخن أو بارد.. وبالهنا والشفا.



*******************

حمّري الكرات في الزيت على نار متوسطة


كرات البطاطس والدجاج
المقادير:
1/ 2 كوب صدور فراخ مسلوقة مقطّعة قطع رفيعة
بصلة متوسطة مفرومة
ملعقة بقدونس مفروم
ملعقة صغيرة كمون
ملعقة صغيرة كزبرة
1/ 2 كيلو بطاطس
فص ثوم مفروم
زيت للقلي
ملح وفلفل
2 بيضة

للحشو:
1/ 2 كيلو لحمة مفرومة
2 ملعقة كبيرة بقدونس
2 ملعقة كبيرة دقيق
فلفل أخضر مفروم
بصلة مفرومة
ملح وفلفل

لتحضير الحشو:
اخلطى اللحمة مع البصل والبقدونس والفلفل، وتبّليها بالملح والفلفل والبهارات، وشكّليها على هيئة كرات صغيرة، ودحرجيها في الدقيق وحمّريها في زيت ساخن.

الطريقة:
1- اغسلي البطاطس وحطّيها في مَيّه باردة مملحة، واسلقيها على النار لحد ما تستوي وتبقى طرية.

2- قشّري البطاطس واهرسيها، وحطّي عليها البيض والبصل، والثوم والبقدونس والفراخ المسلوقة.

3- تبّلي الخليط ده بالملح والفلفل والكمون والكزبرة، وقلّبيه كويس.

4- ابدئي شكّلي الخليط ده على شكل كرات مجوّفة من النصف، وبعد كده ضيفي الحشو -سواء كان اللحمة المفرومة اللي حضّرتيها أو ممكن تحشيها بالبيض أو بالجبنة- واقفليها كويس.

5- حمّري الكرات في الزيت على نار متوسطة، وبعد كده ارفعيها من الزيت على مناديل ورقية.. وبالهنا والشفا.

*******************



حمّري شرائح الباذنجان في زيت على نار متوسطة لغاية ما لونها يبقى ذهبي

أصابع الباذنجان المقلية
المقادير:
2 ثمرة باذنجان
3/ 4 كوب دقيق
3/ 4 كوب دقيق ذرة
ملعقة صغيرة بيكينج باودر
ملح وفلفل
زيت للقلي
كوب لبن
2 بيضة


الطريقة:
1- قشّري الباذنجان وقطّعيه أصابع بسُمْك 1 و 2/1 سم، ورشّي عليه ملح، وسيبيه في المصفاة شوية، وبعدين اشطفيه وسيبيه ينشف من الميه.

2- اخلطي الدقيق مع دقيق الذرة والبيكينج باودر، وضيفي عليهم البيض واللبن، وتبّلي بالملح والفلفل وقلّبي الخليط كويس.

3- حطّي أصابع الباذنجان في الخليط، وحمّريها في زيت على نار متوسطة لغاية ما لونها يبقى ذهبي، وبعد كده ارفعيها من الزيت وحطيها على مناديل ورقية علشان تشرب الزيت.. وبالهنا والشفا.

عوآفي يالغلآ

تسلمين ياقلبي على الحضور

اطباق سهله
وجميله
ربي يعطيك العافيه

يعطيك العافيه ..
لاتحرمينا من جديدك ..

أسعدني كثيرا مروركم وتعطيركم هذه الصفحه

وردكم المفعم بالحب والعطاء

دمتم بخير وعافية

عوآأآفيِ يـ الغلاِ !

يعطيك الف عاااافيه

عوافي يالغلا

رووعه يآآقلبي
تسسلم يدينك ع النقل