حلى روعه ويشرفك بتقديمه صور

المقادير:



ملاحظه}


لنتائج افضل يستحسن يكون عندك الأواني الزجاجيه مثل اللي استخدمتها ، في حال ماتوفر لك ممكن تستخدمين أواني الشموع اللي تجيك صغيره ، حلاتها بصغر حجمها ، لاتغركم مبين بالصوره كبيره بينما هي عكس ذلك , حجمها مطابق تقريباً لقطر حبة الأوريو









الكميه تكفي 12 آنيه لـ 12 شخص .



كيك شوكولاته ( استخدمت نصف كيكة امريكانا ) شخصيا افضل اصلح الكيكه بنفسي بس هالمره عشان التصوير استخدمت امريكانا <== خايفه تتهمونها بحب الشقاء ..( بنات مره مره تغيرت بعض الماركات عندنا يستخفون بنا .. ممكن تستخدمين بيتي كروكر , sara lee ( سارا لي ),لأن أمريكانا تغير بالحيل بس مايبين بالحلى )



12 حبة بسكوت بالسمسم ( اولكر)


( كيس أوريو واحد) أبو 6 حبات منزوع الكريمه ( يعني بيطلع معنا 12 شرحه)


حليب للتغميس




مقادير صوص الشوكولاته :


علبة قشطة.


4 اصابع تويكس


1 شكولاته فليك


ظرف بودرة كريم كراميل


2 حبه بسكوت اوريو ( منزوع الكريمه يعني 4 شرحات )



للزينه :

شوكولاته مره




الطريقه}



نقطع الكيك قطع عشوائيه ونرصها أسفل كل وعاء




نضغطها بالاصبع ( عاد مو تفعصينها لين تموت , بالراحه ياقلبي , لأني زمان كنت أفعصها بكل جوارحي ماأدري ليه , فتصير تتعب بالأكل أنتبهي)





نغمس بسكوت السمسم بالحليب ونضعه فوق الكيك ( بعد مو تخلينه يسبح على كيفه ؟؟ بسكويت السمسم بسرعه يتفتت بس ذوقيه الحليب .. غمسه وحده ونزليه بسرعه )




ايضاً نغمس بسكوت الأوريو ونرصه فوق بسكوت السمسم (يستحمل الحليب حبتين ماراح ينخنق) <==== مسكين مو راضي يشرب الحليب لووووووووووول





نخلط مقاديرصوص الشوكولاته بالخلاط الى ان يتجانس .



ياكتاكيت عارفين كلنا أن التويكس يابس , فـأفضل طريقه أنك أول ماتبدين بالتحضير تخلطينه , وكل شوي دز دز دز ( مسموح التعذيب هنا ) ..



وأحرصي أن المكونات تكون على درجة حرارة الغرفه عشان لا تتعبين بالخلط ..








نصب الخليط فوق كل اناء حتى نغمره





نزينه ببشر شوكولاته مره أو اي نوع شوكولاته ، بس يستحسن تكون مره عشان تعدل النكهه ، وتعطي شكل أحلى .

حقيقة منظره جميل ومشوق.
مشكور اختي

روعة روعة مافيها كلام
من شوي اسال قوت عنة
تم حفظة وكل الشكر

يعطيك العافيه ورد الشوق على الحلى >> تراي ما جعت ابد..

شكرا ورد الشوق على الحلى اللذيذ

اقتباس: المشاركة الأصلية كتبت بواسطة نسيم    حقيقة منظره جميل ومشوق. مشكور اختي

الله يسلمك اخوووي
الله لايحرمني من تفاعلك وتشجيعك

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    روعة روعة مافيها كلام من شوي اسال قوت عنة تم حفظة وكل الشكر

الله يعافيك
مشكورة يالغلا
الله لايحرمنا من تفاعلك

اقتباس: المشاركة الأصلية كتبت بواسطة أبـوحـمـد    يعطيك العافيه ورد الشوق على الحلى >> تراي ما جعت ابد..

الله يسلمك ياخوووي
الله لايحرمني من تفاعلك وتشجيعك

اقتباس: المشاركة الأصلية كتبت بواسطة جار القمر    شكرا ورد الشوق على الحلى اللذيذ

مشكور ياالغلا
تحياتي القلبيه لشخصك الكريم

روعه
سلمتِ يالغلا
ودي وورودي