سرقة في محطه بتمير ( الشرطه تعلم و؟؟؟؟؟) في رمضان

السلام عليكم ورحمة الله وبركاته

يا اسفه قالها المصمم واقولها انا ايضاء شي لا يصدق

نعم بتمير شي غريب شي صعب شي من الواقع

ما ودي اطول المقدمه وادخل بالمفيد



سرقة في محطة الصبيح للمحروقات جنوب تمير


نعم في ساعة متاخره من ليلة الثلاثاء استطاع لصوص من سرقة المحطه في تمير والسالفه هي؟؟

اتى لصوص اظنان انهم سكارى الى المحطه ودخلوا البقالة وضربوا العامل نعم وطلع العامل من البقالة خائف واتصل بالشرطة وقالت يصير خير ونعم وهم يسرقون ويمرحون في البقالة واتصل مرة اخرى وقالوا له تعال انت لمنا يالله سبحان الله اين حامي الديره اين في سبات عميق

وسرقوا حو الى 3000 ريال الحمد الله شي قليل ولا شي كثير

نعم هذا ما حدث يااعضاء هل ترضون بذلك يا اخوان

من يحاسب الشرطه من يحاسبهم

تدرون المشاكل هذا كله منمن


كل واحد فينا يقول من فلان لا والله كل من اهل تمير

اهل تمير لو كان قلوبهم مع بعض كان ما حصل هذا الاشياء

اتمنى ان ياصل الخبر مدير شرطة تمير ويحقق من كان السبب

كلمة اخيرا اقولها

اخينا ابو قرنين مدير الشرطه السابق في تمير امكن يمسك الامن العام بمنطقة الرياض

كل ما يحصل ما في البطحاء في الرياض كلها بجهود الله ثم الشرطة بقيادة ابو قرنيين

الله يذكر بالخير

اتمنى ان الموضوع لا يخرج عن الاساة لاحد وكل ما اقوله انا المسئول عنه الجنوبي2000

اخوي الجنوبي لو كان فيه مدير شرطه حازم مثل ابو قرنين كان شفتا الامن والامان مثل اول .

ماودي اطول علشان ماجيب الطعه لكن قالوها قبل حاميها.........

لازم مدير الشرطه يشدد شوي على اهل تمير

وباذات الى ماجوا للسرقة لماذا ما جو الى ما بعد انحاشوا اكيد فيه قصه

مدير الشرطة / لا في العير ولا في النفير.. مثل يقولونه الاولين تدري وش معناه يالجنوبي

ماعنك احد
اجل يدق عليه ويقولون له((تعال انت لمنا))
هههههههههههههههههه
والله شي يضحك وش يسوي يجي عندكم ومحله ينسرق
او عشان تلهونه عن محله...

اقتباس: المشاركة الأصلية كتبت بواسطة في الصميم    مدير الشرطة / لا في العير ولا في النفير.. مثل يقولونه الاولين تدري وش معناه يالجنوبي

والله ما علم يا اخوي في الصميم بس امكن لا في الحق ولا الباطل على ما اظن

او علمنا يا الغالي

اقتباس: المشاركة الأصلية كتبت بواسطة ابو اثير    ماعنك احد اجل يدق عليه ويقولون له((تعال انت لمنا)) هههههههههههههههههه والله شي يضحك وش يسوي يجي عندكم ومحله ينسرق او عشان تلهونه عن محله...

والله هذا الكلمه مشكوك فيها يا ابو اثير ما اعلم بس يعني غريبه قالها العسكري كل شي بنكشف انشاء الله

اتمنى الا يكون هذا الخبر صحيح واذا كان هذا الخبر صحيح فهذه مصيبه
اتمنى بان يطلع لنا احد المسؤلين بشرطة تمير ويوضح لنا هذا الخبر
امل بان لايكون الكلام صحيح بس الشمس ماتغطيها غربال وفهموا
تحياتي لكم

وانا اتمنى ذلك يا النادر شي عجيب حقا يا الغالي

..........................

غريبين والله
(( اتمنى بان يطلع لنا احد المسؤلين بشرطة تمير ويوضح لنا هذا الخبر )) كلام اخوي النادر
تبونالشرطة تقول نعم اتصل فينا ؟

والله الشرطة ينطبق عليها قول قال للحرامي احلف قال جاك الفرج

المفروض من صاحب المحطة الرفع للمحافظ واثبات الواقعه بالشهود

ومعاقبة المتسبب ( شرطة تمير )