إستـنعج السرحـان وإستفرس الديـك

[poem=font="Times New Roman,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
هذا زمـان أظهــر حلالـك يعاديـك=وتكــون له من بعـد هذا تِسـوّل
لا قمت تذكر ما مضـى من حسانيــك=في الحـال الاوّل قال الاوّل تَحوّل
حنا عيــال اليوم عطنــا ونعطيـك=نقدٍ بنقــد وخــل ما فـات الاوّل
ذا آخر زمــان ما تشــوف المماليك=قامت تَرَفّــع و الظــواري تِحوّل
يالله يا فكــاك حبــل الشرابيـــك=تفكنــي من ها الزمــان المَهَوّل
إكـذب وتلقــى لك مع الناس تسليـك=وإصدق وتتــرك لو تكون السِّموّل
إستـنعج السرحـان وإستفرس الديـك=وصارت على راعي العوايـد مْنوّل
أهـل الغنـى والجُود صاروا صعاليـك=وأهل الفقر و البخل قامــت تِمـوّل
ياما تشـوف من العجـب ما يعنيــك=إن متـع الله في حياتــك و طَـوّل
فالحّر ما ضاقــت عليـه المساليــك=لولا الضــروره و الحـرام المَعوّل
فــلا يغــرك كل زولٍ يحاكيـــك=حلـوٍ لسانه و هو قطــو يَغْــوّل
يضحك بوجهٍ لك و بالنصـح يوريــك=وهو على العثــره يرز المظــوّل
إحذر صديقــك قبل تحـذر معاديــك=إن كنـت عاقـل فالليالــي تِدوّل
حسِّب لدربٍ ما مشــوا فيه أهاليــك=فالمرجلـه بالقمبــزه ما تظــوّل
إقنــع برزق الله و ما كان معطيــك=والماقـف اللي يتعبـك لا تِطــوّل
ولا تطيــر فالتطيــر تهاليــــك=لكـن باقوال المواخـــي تِفَــوّل
وترى صديقــك من بنفسه يواسيــك=ويواصلـك في مرزقـه والمَخـوّل
ويسر وجهــك إن سمــع كلمةٍ فيـك=ويلا ضربتــو جادةٍ صـار الاوّل
وأصدق صديقك ما حصل في تمانيــك=فـلا تخيــل لك جهــامٍ تِزوّل
تحسبه ماء في واهــج القيظ يسقيــك=وهو سرابٍ من هجيــرٍ تِبــوّل
خف الإله وعامل الصــدق ينجيــك=في ساعةٍ يخــزى بها من تِقـوّل
كم صادقٍ ينجي في ضيـق المساليــك=وكم كاذبٍ أوما كراعــه وشَـوّل
وإسمــع نصيحــة واحدٍ هاقيٍ فيـك=وإعبر على مركب زمانــك ونَوّل
وإحذار على نعمتــك من فعل أياديـك=ترى النعـم عند المعاصـي تِزوّل
ثم اطلب الله مثـل ما قيـل في ذيـك=يفـرج لنا في ذا الزمـان المَهَـوّل
وازكا السلام التـام من غير تشكيــك=عليـك ياتالي الرسُــل وهو الأوّل[/poem]

محمد بن مسلم

قصيدة حلووووه

الله يسلمك على الاختياااااااااااااااار


سلام

فـــلا يـغــرك كــــل زولٍ يـحـاكـيـك
حـلـوٍ لـسـانـه و هـــو قـطــو يَـغْــوّل
إحـذر صديقـك قبـل تـحـذر معـاديـك
إن كـنــت عـاقــل فاللـيـالـي تِــــدوّل
حسِّـب لـدربٍ مـا مشـوا فيـه أهالـيـك
فالمـرجـلـه بالقـمـبـزه مــــا تــظــوّل
إقنـع بـرزق الله و مـا كــان معطـيـك
والمـاقـف الـلــي يتـعـبـك لا تِـطــوّل
ولا تـطــيــر فـالـتـطـيــر تـهـالــيــك
لـكــن بــاقــوال الـمـواخــي تِــفَــوّل
وتـرى صديقـك مـن بنفسـه يواسيـك
ويواصـلـك فــي مـرزقـه والـمَـخـوّل


سلام على هذه القصيده الرائعه والمفيده شكراً يامشرفنا الرائع لاعجب ان تتميز هذه الساحه بالروعه مادمت انت من يتابعها