معاملات الوزارة راحت وطي

بسم الله

اهدي اليكم هذة القصيدة الرائعه

اتمنى ان تنال اعجابكم واستحسانكم،،،.


ـ
[poem=font="Times New Roman,4,royalblue,bold,italic" bkcolor="skyblue" bkimage="backgrounds/7.gif" border="double,4,skyblue" type=0 line=0 align=center use=ex num="0,black"]
احلا صباح الكون ياللي على الكـون
صباح اصبح به على صوت سـاره
الجادل اللي دونها الحـال فـي دون
يعني حياتـي مـن بعدهـا خسـاره
خسارةٍ تصعب علـى كـل مديـون
اللي غرق فالديـن عقـب التجـاره
في ما مضى اله كثر مـال قـارون
لا بـاع لـه فلـه شرالـه عمـاره
والحين لا صاحي ولا هوب مجنـون
من الفقـر تصفـق يمينـه يسـاره
عقب الشبح مركبه من فوق صالـون
بالليل تكس وقهوجـي فـي نهـاره
هاللون حنـا لا خسرنـاه هاللـون
الغالـي اللـي ماتنقـص وقــاره
الغالي اللـي حـط فالقلـب غليـون
مولـعٍ مـن جمـرة الشـوق نـاره
رمية هدب عيناه مكحـول العيـون
رمية حجر بيديـن طفـل الحجـاره
ادعج غنج فاتن وانـا فيـه مفتـون
لا شافه الصقـار عـاف الصقـاره
طاهر عفيف العرض طيب ومزيون
خفـيـف دم ومايـكـب العـيـاره
مرهوف حس اليا تحاكا على هـون
حكي بـدويٍ فيـه لكنـة حضـاره
رزين عقل وصاحب إحجاج مقرون
عليـه مـن دم الشياهيـن شــاره
تخيلوا لونيـن ممـزوج فـي لـون
بياض جيـده مختلـط بـه سمـاره
لو يعترض وسط الوزاره يابن عون
طش الوزيـر معامـلات الـوزاره
قـال الزقـاره يارياجيـل تكفـون
مايطفـي اللاهـوب غيـر الزقـاره
من حر مابه يزعج الصوت بلحووون
مصخـنٍ لكـن مـابـه حــراره
بسباب من فيـه الخلايـق يهـذرون
سيد الغوانـي باشـة الغيـد سـاره
الجادل اللي دونها الحـال فـي دون
يعني حياتـي مـن بعدهـا خسـاره [/poem]
وسلامتكم

مخاوي سدير،،،،،،،،،،،،،،،،،،،،،