قصيدة للشاعر الشاكي باسرة البرغش

[poem=font="Arial,6,darkblue,bold,normal" bkcolor="white" bkimage="backgrounds/4.gif" border="inset,2,red" type=0 line=0 align=center use=ex num="0,black"]
بسم الله ابدا وكتـب البيـت بسطـور =والبيـت الاول يجـي بعـده طـريـده
وسلام يالبرغش ومن معكـم حضـور‍=الكـم سلامـي كاتبـه فـي القصيـدة
رابع جمع في كل عامٍ لكـم طـور = يالله طلبتـك كــل عــام ٍ تعـيـده
كلكم وفاء طيب وكفـا مابـه قصـور=والقـول اشوفـه والفعايـل سـديـده
يامرحبا منـي على طلعـت النور ‍= يـاحـي والله هالوجـيـه الفـريـده
اليـوم والليلـة للابيـات شـاعـور =والشعـر هـذي حـزتـه ياعمـيـده
معكم اشارك وانا محمد علـى الفـور= عهـد علـى نفسـي وهـذي وعيـده
معكم لـي اقرابٍ وربع ٍواهـل دور = عيـال عـودٍ فيهـم الخيـر اجـيـده
عثمان والثاني حمـد طيـب الشـور = وعبـدالله الثالـث علومـه رشـيـده
وعبدالعزيز اللي بـه الطيـب مبـذور=وعثمـان طيبـه نكتبـه بالجـريـده ‍
محمد البرغش على الطيـب مسحـور= عـودٍ نصـوح ولـه اعلـومٍ مفيـده
وعلي ابـو عثمـان بالطيـب مخبـور=‍ عـودٍ كريـمٍ وطيـب نفسـه يشيـده
وسمي ابوي ادحيم بالجود مشكـور= عـودٍ حـداد وطيـب قلبـه يـزيـده
وسـلام ياعـودٍ ينـادى بومنصـور = هـذا ولـده وذاك الاخــر حفـيـده
العز للبرغـش مـع النـاس مشهـور= ‍اصل وفصـل ورجـال ديـن وعقيـدة
كلكم سعت صدري وسعت غير صـدور=‍ لشوفكـم ألبـس ثـيـاب ٍ جـديـده
خويكم ما خاب ظنـه مـن عصـور = خويكـم مـا طـاح وانـتـم سنـيـده
خويكـم خاطـره ماهـوب مكـسـور = ياسعد عين اللـي لـه انتـم عضيـده
نخوةواخـوه والبراغـش لـهـم دور = ابـوي قالـه والجمـاعـه شهـيـده
يقولـه اللـي داخـل القبـر مقبـور = خاويت برغـش واشهـد انـه وليـده
برغش وابوي ادحيم في جنـة الحـور= ‍ومن مـات فالجنـة عساهـا وعيـده
طيب وكرم ورجـال شجعـان وظفور= وياويل من بالشـر ايديكـم تصيـده ‍
الطيـب فيكـم مالـه ايـام وشهـور‍= فيكـم وراثـة مـن سنيـن عـديـده
ومن قال غير القول في السوق مجرور= ‍ يبطـح على بطنه وفوقه جليده
تستاهلون المدح والبرغـش نمور = ومـدحٍ بليـا فعـل مـحـدٍ يـريـده
بيـن القبايـل فعلكـم دوم مـذكـور = فـوق امتعلـي بالـرجـال الشـديـدة
ضيف البراغش لـه الفنجـال محكـور=‍ ويقلط على دسم الصحن مـع وفيـده
هم تاج راس اللي نصاهم ومقهور= يبشر له بيومٍ من ايام عيده
والا الخمام يغسـل صحـون وقـدور‍= يقعد مـع اللـي يلحسـون العصيـدة
رجالكـم والنعـم فـي كبـدة امـرور= مهتـز مـن هـرج الحريـم العنيـده
ماطـاع بدريـة ومـا قالـت بــدور=هرج النسـاء للـي حريمـه تصيـده
من ناسب البرغش يعمر له قصور=‍ قصور السعادة والعمر مستجيدة
بنت الرجال تعد والكسر مجبور= ‍تجبرك ما تونس وراها وقيده
نسيبكم بالخير عامر وممطور= عز الله انها على مثلي فقيده
رجالكم مطاح وانتم له جسور‍= دونه رجال لا ولاهي محيده
يا طيبكم والفعل للناس منشور‍= طيب وفاء ولكم صفات ٍ حميده
الكم غلا في القلب ثابت ومسمور= ‍مثل اللحام إليا التحم في الحديده
وأهل الردى نقص على الناس وخكور= يالله نجاتك من قلوبٍ حقيده
بعض الاوادم فيهم المدح مخسور= وبعض الاوادم فيه مدحك مفيده
والحر حر ولا يسمى بخاضور‍= وحب القرع ما يستوي مع هبيده
والقصد واضح مابنا عبد وحرور=‍ ‍كلنا لرب البيت خلق وعبيده
ما اقول ذا حـــرٍ ولا اقــول ذا كور=الفرق بالتقوى وهــذي وكيــــده
مدح الردي عند الرجاجيل منثور= ‍ما نسمعه ولانبيه ونبيده
والرجل في ممشاه منهي ومامور=‍ والزرع يزرع والثمر في حصيده
نفسي مريحة ما بها منكم كدور= يقطع نفوسٍ على نفسي زهيده
مالي وراء ماقلت والحال مستور= ‍ما قلتها وابي وراها مديده
ويالله عساني منكم اليوم معذور= على القصور ومانقص فالنشيدة
خمسين بيتٍ قلتها وانا مسرور = مسرور والبرغش عساها سعيده
والقول تم وبعض الانذال محشور= اليا سمع ما قلت فيكم يكيده
ولبو محمد ماكتبته وماجور= له من يدي ويستلمها بايده[/poem]
[align=center]للشاعر الشاكي [/align]

مشكووووور اخوووي قنااااص
واشكر الشاااعر (الشاكي)
وشعر جداً جميل


الأمبراطوووور

تسلم اخوي قناص على النقل
وصح لسان الشاعر ( الشاكي )

الأمبراطور الف شكر علي المرور
وبيض الله وجهك وطيب الله اصلك


قنــــــــــــــــــــــــــــــاص

نايف الف شكر علي المرور
وبيض الله وجهك وطيب الله اصلك


قنــــــــــــــــــــــــــــــاص

الـعـز للبـرغـش مــع الـنـاس مشـهـور---‍اصــل وفـصـل ورجــال ديـــن وعـقـيـدة
كلكم سعت صدري وسعت غير صـدور---‍ لـشـوفـكـم ألــبــس ثــيـــاب ٍ جــديـــده
خويـكـم مــا خــاب ظـنـه مــن عـصـور---خـويـكـم مـــا طــــاح وانــتــم سـنـيــده
خـويـكـم خـاطــره مــاهــوب مـكـســور---ياسعـد عـيـن الـلـي لــه انـتـم عضـيـده


صح لساتك يا الشاكي

وقصيدة في اكبر العوائل بتمير البرغش بن وهب

صدقت في كلامك وعلى اطراك الجميل لهم

نعم يستاهلون كل خير

وعلى قولتك

والا الخـمـام يغـسـل صـحــون وقـــدور---‍يقـعـد مــع الـلـي يلـحـسـون العـصـيـدة

وشاكر لك يا القناص على نقل القصيدة المميزة

تقبل تحياتي

عبدالله بن عبدالعزيز الف شكر علي المرور
وبيض الله وجهك وطيب الله اصلك


قنــــــــــــــــــــــــــــــاص

تسلم اخوي قناص على النقل
وصح لسان الشاعر الكبير ( الشاكي )

مشكور اخوي قناص لنقلك لهذه القصيده وحقيقه لانستطيع الا الدعاء للشاعر الشاكى جزاه الله كل خير وبيض الله وجه تحياتي لك وللشاعر
النادر

ابو العنود الف شكرر علي مرورك الكريم
وطيب الله اصلك
والله يوفقك

قناص