انت راعي كيف شاهي ادخل

اللى كييف شاهى ويحب الشاهي المزبووط يقرأ



اخوكم مدمن شاهى بر وعلى نار وفي بريق اسود

وابعلكم وشلون نسوي شاهي محكووور وكنه دم غزال

ومن حبي للشاهى في عزبتي بريقين شاهي واحد خصوصى والثاني للباااقين

والطريقه

1) حط السكر بالبريق وحسب مقاس الحلا اللى تبى البعض يحبه سكره قليل والبعض مضبوط والبعض زياده

2) حط ماء بارد عليه وخل الماء يقصر شوى لايمتلى علشان بعد مايفوح البريق ويتكبب الماء على الضو

3) حطه على النار ولا تصير قويه علشان مايحترق السكر ويطعم بالشاهى ويخرب طعمه ثم زود الحطب بعد حوالي دقيقتين من شب النار

4) عقب مايفوح ويقلب له قلبتين ابعده عن النار وحط عليه الشاهى حسب مزاجك وخله على طرف النار
بحيث يجيه حراره قليله ولا يقلب ويطبخ ويصير الشاهى ماله طعم ( مالغ )

5 ) حط نعناع على حسب طلبك ورغبت ربعك اللي معك ( بس ترى الشاهي المنعنش له طعم خاص )

5) عقب خمس دقايق صب لك بياله منه ولا ترده وكان تبى تشربه حسب مزاجك علشان العبره بالبياله
الثانيه وانتبه لاترجه خله راكد وطقطق البريز حتى تدوخ

ولا تنسوووون شوية بقل ( اقط ) او بسكووت مع فصفص وفي مكان مرتفع والهواء يهفهف بالبراد

وقبل لا تمشوون اردموا النار بالتراب


سلام

هذا الشغل السنع .

تشكر على هذا الموضوع ..

هلا بالمولع

والله ابرك الساعات يوم طليت علينا

يا هلابك

وابشر الشاهي زاااهب بس تعاااال انت

سلام

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
لقد سعدت بهذا الموضوع جدا
شكراً لك اخي الكريم على هذا المقال
بس متى على الله تنطفي جمرة الصيف

تسلم لنا يا هادي على هذي المعلومات

بس اهم شي البريق يكون اسود


وانت غني عن التعريف

ليونارد دافنشي

الشاي عندي اهم صديق ما اقبل التفريط فيه
بس انا احبه بطريقه اخرى
احبه يغلى الماء وحده حتى يغلي ثم يوضع في كاس كبير بمقبض مع شاي ليبتون (دعاية مجانيه) ويضاف السكر ( بس مهوب سكر العائله لان حوله كلام في النت ) و بعد الانتهاء من تحريك الشاي اضف له شيء من الحليب السائل حتى يبعد الحموظة و الحرقان الذي يصاحب الشاي. و هذا القليل من الحليب له زياده ايضا في الكيف.

اما المكان الي قلت يا اخي هادي مكان مرتفع والهواء يهفهف هذا مستحيل عندنا في الرياض.
ونتمنى نطبق هذا في تمير ان شاء الله


استاذن . ابا اروح اسوي لي شاهي

هلا ملقاااط

حياك الله والشاهي زاهب متى ما بغيت بس تعال سير علينا في تمير وابشر بالسعد

ونجد تبطي جمرة الصيف فيها

هذي نجد تلد ولا ترضع يالغالي


سلام

اما البريق اسوود فما يبي لها كلام

حياك الله اخوووي

نورت موضوعي

سلام

هلا بالغااااااااااااالي

والله اني اذا شفتك كني شايف احب الناس لي ؟؟؟؟؟

هلا وغلا وابشر الشاهي زااهب اليوم ترانا متواعدين

الا على طاري العائله وش قصة سكرهم فيه شي ؟؟


سلام

الاخ راعي كيف

موضوعك جميل جدا وواضح المعنى ربي يعطيك الصحة والعافيه

اخوك مثير