[align=center]دقيت على سمسااااااااار عشان اعلمه اني توي شاري جهاز برج العرب وابيه لا يدق
على جهازي الاول النورس لانه ممكن يدق على النورس وانا بايعه << هااادي هُمااااااره
كبييييره ..... وكان رقم جواله حوووسه لدرجة ان ضمن ارقام جواله ارقام ما درسناها
في الابتدائي ابد .. مدري من وين جايبه ملعون الخيّر .. المهم من بُعد ارقام هالجوال
عن بعضها دقيت غلط , الا ويرد علي ذاك الصوت الملائكي << تسنه سامع الملائكه هو ووجهه
المهم حصل الحوار التالي عند ربه غالي :
انا : الو
هي : نعم
انا : هلا
هي : انتا ميين
انا : انا علوووش
هي : مين علوووش ومين تبغى
انا : ممكن اكلم رباااب <<< تلخبط من الروعه والا وش ابي برباااب من زينها ؟؟؟
هي :غلطان يخويااااا ( قالتها بدلع وانا موتي ان احد يحكي قدامي بدلع ) مادريت الا انا بالع الجوال من الخقّه
انا : طيب ... آآآآآآآ ( تفكير عميق بموسيقى ) .. فرصه طيبه وابشرك انها بخير وتسلم عليتس
هي : وانت من هل الخير <<< صارت عيّاره البنت
وانا اللي افطس علي نكتتها المهبوله اللي قالت مع اني ما فهمتها
جلسنا نسولف شوي قالت استأذن لاني بروح المستشفى وباقي لي ربع ساعه على الموعد
بروح اشيل ضرس العقل .. قلت فمان الله قالت باااي قلت صحتين وعافيه
المشهد الاول ..
طمرت للحلاق مثل الذيب عشان يشيل هالزعانف اللي بوجهي عشان الحق عليها بالمستشفى
واطييير بسيارتي والبّقها عند الحلاق وراء جمس فيه بنات سماااااان واحط الصدّام بالصدّام
قلت لموتري انبسط شوي على بال ما ارجع لك وادخل عند ذاك الحلاق التركي اللي يروووع
من شنبه اللي كأنه لوحة تحويله على طريق الاحساء - جده المهم انا مستعجل وهذولا يقعدون
ساعه يضبطون في الدقن اول ما دخلت قلت له وانا عند الباب ممكن تحلق دقني في خمس دقايق ؟؟
مادريت الا هو قااايم يركض يمّي ومعه مووس الحلاقه ويتفل علي وهو يركض وكلما قرب زاد تفااال
توي بنحاش الا هو تالّني مع علباي ( رقبتي يوووه وش يفهّمهم هذولا ) ومسكني وجلس يحلق دقني وانا
واقف ... صار ابن الكلب شاف وجهي واستخسر المعجون وانا كنت اظن انه علشاني مستعجل ويبي يحلقني
بسرعه قال ماله داعي معجون , بعد ما ملى وجهي تفال ذكرت شي في بالي وقلت له وش عندك باتسر
الساعة وحده في الليل ( طراه التفال ، وجه يغمز )
ضبطنا الخشة مع العلم اني مستخسر فيها هالخمسه لان لو اني شاري بها مالبورو ابرك لي
بس يالله مره في السنه مهيب خسارة .
المشهد الثااني ...
رحت المستشفى بسرعه والا البنت عند عيادة الاسنان وعرفتها بصوتها والعبايه
مفتوحه ولابسه بنطلون سكري وبلوزه نبوت سيف او كما رأيتها
في هذاك الوقت تمنيت اني نمله عشان ارقى على البنطلون السكري او اني صايم علشان افطر على نبوت
هالسيف ، دخلت البنت العياده وانا اخذت لي غفوه في استراحتهم مثل العاده مادريت الا يرجفني السباك ..
يقول وخر شوي ياكابتن خلنا نفك الكوع ، والله واعطيه قفاي قلت فك ولا يهمك << متعود ايام رحلات
المدارس اذا رجفه احد وهو نايم ، صارو السيكورتيه ذبوني بحفره قدام البوابه لانهم قفلوو وانا نايم
رجعت وانا أجر اذيال الهزيمه <<< حصان منتزه مو عليش ... قلت مابدهااااااش مالك الا تقهر ضيقة الصدر
بالاكل ... وازرق لماكدونالدز جنب المستشفى واطلب همبرقر مع اني ما احبه لسبب : لاني وانا آكل الهمبرقر
أحّس إني أصّور بكاميرا , لاني امسكه بيديني الثنتين وارفعه عند فمي .. المهم بلعت الكاميرا وطلعت بعدها
أحلّي في مطعم بخاري ...
المشهد الثالث ...
دقت امي على الجوال ورديت هاااااااااه << لاحظوا ردي على امي هاااااااااااه لان اللي قاهرني ان ام سكري
جنس ناعم والمذكوره اعلاه تعتبر جنس ناعم , قالت ياوليدي إذا جيتاااا جب معك قرعه لغدانا , قلت يمّه وش
قرعته ممداني الا احلق دقني وبتفال بعد ، وتذكرت في هاللحظه عيال الكلب ماركة تيفال يوم يسمون انفسهم
بالاسم هذا لانه فعلا ما يلزق ، قالت ياولدي وشو دقنه الله يدقن ثمك << تذب المذكوره اعلاه
هذي وانا امك تسانك تذكر خالتي موضي ,, قلت ايه اذكرها .. قالت ابد خالتي موضي تشبه القرعه
( حتى مو القرعه تشبه لخالتها ... لا .. خالتها اللي تشبه للقرعه) ...
قلت خلاص يمه هذي سهله وامر لمحل خضار والقط خالتها القرعه واحب راسها وابارك لها في الشهر
وقلت لراعي المحل لو سمحت حط خالتي في كيسه وانا اللي اوديها للبيت ....
وتوني بدخل البيت الا جوالي يدق واشوف الرقم الا خويتنا راعية السكري واتذكر الحلاق على طول
المشهد الاخيررر ..
قلت الوو قالت هلا .. انا اكلمك من المستشفى ... ممكن تجي تاخذني توديني البيت ... وانا اللي انسى امي
وخالتها موضي واحط رجلي للمستشفى .... يوم وصلت المستشفى الا هي واقفه عند الباب وتركب معي بس
ورى واثرها قعدت على خالتي قالت وااااااااااااااو وشو هذا ، قلت معليش انا اول مره تركب معي بنت
علشان كذا انا مرتبك ونسيت اعرفكم على بعض هذي سلمك الله قرعتنا اللي تشبة خالة امي موضي
بعدها التفت ابي اوخرالقرعه عنها يوم زعقت بنت الكلب << ماتنلام البنت
قالت اول عرفني على نفسك وبعدين خالة امك
قلت لها انا عليش .... قالت هذا اننننت !!! قلت ايه قالت يووووووه نسيت شي قلت وشو قالت نسيت آخذ
علاجي من الدكتوره ... رجّعتها للمستشفى وقلت لها بستناك هنا واول مانزلت من السياره قالت لي علووش
قلت لها لبيييه قالت ممكن تروح تجيب لي بيبسي من اوغندا لاني مشتهيه ببسيهم قلت افااااا وتفلت علي
قلت لها اجل حددي السكسسوكه << يحسب ان كل من تفل في وجهه بيحلقه ومشت وهي تتمتم
( تتمتم يعني تغنّي ) هذا اللي ناقص اصادق قرد على آخر عمري .... والى يومكم هذا ما ادري من تقصد
بالقرد ..... وراحت مشت وعيوني تتبعها وركبت اول ونيت وراحت لبيت جدتها لان كل
الوانيتات يدلّون بيت يدّتها << تشابكت اسلاكه نتيجة هزيمة النصر في كااس العالم ...
مايستفااد من الموضوع ...
1. ان السكري ونبوت السيف ممكن يجتمعون في نخله
2. ان ما عندي ما عند جدتكم
3. اذا قريتو الموووضوع احمدو ربكم على النعمة
4. البنات لايعلقوون واجد ترى انا حسااس من ناحيتهم
تحياتي ،،،،[/align]
15 / 09 / 2004, 06 : 05 AM
