●• خزآمىَ الصَحآرى « للشعْر والخَوآطرْ !

كل البشـر تخطي وترجع وتخطي
واللّه يحـب العبـد ، لا صـار تـوّاب
بـس البلا لا صرت تخطي و تبطي
ماتدري إن الموت ما يطرق الباب..

أحفظ لسانك توهب العز والجاه

ترى اللسان يهين من كان هانه

كم واحدٍ هرجه مع الناس رداه
وكم واحدٍ هرجه مع الناس زانه

طق يا مطر وانـزل على الأرض رحمه
واشرح .. صدور اللي من الهم شابوا
ويا رب مـع كل دعوه ، وكل كلمه
تسقي قبـور اللي عن العين غابوا

‏لا تغضب إذا انفجر البالون في وجهك
‏فأنت من نفخه وأعطاه أكبر من حجمه
‏كذلك بعض البشر .

إن شفت من يبكي .. فـ لآ تسأله ليه ..؟؟
.. الدمع .. ماعمره .. نزل .. من ( فضآوه ) ....!!

من ظن فيك بسوء خله على ظنه
ترا سيئين الظن لأنفسهم يسيئون
يربي بصدره مخلب وينجرح منه
ولا شغلتك تحسين ظن اللي يظنون
ترا الناس ما بيديهم النار والجنه

إذا مات “القلب” ذهبت الرحمة و إذا مات “العقل” ذهبت الحكمة و إذا مات “الضمير” ذهب كل شيء

‏من دقّ باب الوفاء يلقى الوفاء ردّه
‏ومن دقّ باب الجَفا ياخذ على قدّه
‏
‏احِنّا درسنا الوفاء جزره ،، على مدّه
‏وما يكسب الواحد إلا ما قدّمت يده

خلك نصوح وواجه الطيب بالطيب راع الوفاء والطيب يجزى بطيبه
وابعد عن اللي كل هرجه عـذاريب يشوف عيب الناس ماشاف عيبه !

مدام لك رب عن الخلق : يكفيك
لاتشتكي للخلق قاصي وداني !
اسجد وقل يارب ماخاب راجيك
وأبشر بتحقيق الرجا والأماني !