- [ ســجلَ دخـولـكَ و خروجكَ ] بـــ بـــيـــتُ أو أكثرَ من الشـعر ‌¬ الجزء الخامس ] ! ‏

🌹🌹
تدري وش إللي ماتجي بالملايين
*العافية* لا صرت محروم منها

وتدري وش إللي حدّها حدّ سكين
*الحاجة* اللي ماانت قاوي ثمنها

وتدري وش اللي ماتوّفي لها الدين
*اللي غذاك بصغر سنّك لبـنها*

وتدري وش إللي راجحه بالموازين
*سجدة*سَحَر لاناموا الناس عنها

لا تكن ارضا يداس عليها..بل كن سماءً يتمنى الجميع الوصول إليها

‏-
‏
‏" ما بقى بعده مكان لـ الرجّال
‏ما بقى بعده بـ أضلاعي محل

بعد غيبة وتسالني صباحي مين.
وتستغبي وتتجاهل باشواقي
اذا كنتي عن الاحساس ماتدرين
ترى ماللغلا في خافقك باقي
افكر بك وانا تايه ولا ادري وين
واخفي حسرتي في داخل اعماقي

‏.
‏يا هاجسي اكتب ترا ماانت محبوس
‏حرّر خيالك ما على الفكر حراس
‏.
‏وارسم مساراتك من القوس للقوس
‏وازرع ورودك بالأمل بين الأقواس

‏ما تفعله يمناك في واجب الغير
‏( تلقاه لا ضاقت عليك الوسيعه )
‏.
‏ابذل من المعروف وابذل من الخير
‏( الرازق الله ) والجمايل وديعه

‏-
‏
‏واحدٍ قسم معاليقي على حبّه قسايم ،
‏مابه ضلع فالضلوع العوج مامر وعبرها .

على غزير الدمع ضميت الاهداب ..
صديت لين الدمع يقفي سحابه
الامر لله كل شيء له اسباب ..
ولاّ الهوى وشلي على هج بابه

‏أدعيْ لك آلله , و أتذكرك بالخير
‏وأقول : جعل الوقت يكفيه شرّه !

‏
‏
‏
‏فيني من الشوق ، ما يملىء الشوارع عناق
‏و فيني من الصمت ، ما يعجز عليه الشعور .