نسائم نسيم

الشكوى لغير الله مذله.
لكن من فضل الله في احرج المواقف اضحك، اعجز ابين مافي خاطري من ضيق او هم !!!!!!!!!!!!!!

كثير من الناس للاسف الشديد يحب ان يكون بارز ومعروف ومشهور حتى لو كان بالكذب،قليل من الناس يظهر بطبيعته وهؤلأ يعتبرون عند القسم الاول مكان السخريه.
بنظرة سريعة وجدت هناك تنافس على الكذب فيه اقنعه تُخْفي الملامح الحقيقية .

وش الدوافع من الكذب ؟
ليه تضع نفسك في مقام اكبر من مقامك وانت متواضع الحال؟
هل من باب التجمل امام الاخرين؟
الكذب لايستمر .

وش احسن من الانسان يعيش كما اعطاه الله سواء متعلم او صاحب حرفه او غني او متواضع الحال.
كل الامور هذي لاتعني شي اطلاقا ولاتؤثر في علاقاتك او قبول الناس لك .

قسم بالله يا اخوان اني مليت.
معد لي خلق ابد .مدري انا منظول، مدري انا محتاج شي ولا ادري عن نفسي ،مدري انا مدري.للاسف اني ماعرفت السبب .
الحالة هذي تمر علي كل سنة لكن هالسنة طولت شوي .

المشكلة اني ولله الحمد لا اعاني من الكمال الاجتماعي يعني وضعي معقول مش بطال.مانيب معقد بسيط جدا .
يمكن الحل الوحيد النوم المبكر .

ترى الواحد الى من جلس لحاله يمل ويقصر والونس زين لاتفكر ولاتهوجس ولاتستاحش .

الظاهر ان النوم زين .تروح تنسدح وتبعد شوي في عالم الظلام الهادي .

يالله صباح خير يانسيم !
معليش حاولت افهم وش تقول عجزت خخخخ !
المهم بعلق على الكلام اللي فهمته


النقطة رقم 1 !

النوعية من الناس اللي تكذب على غيرها وعلى انفسها قبل كل شيء
وتوهم نفسها بشيء ماتملكه .. هذولا عندهم مشاكل نفسية يحاولون يخفونها
بالظهور بالشكل المثالي ولو بالكذب !
أحيان نظطر نكذب على انفسنا لغرض معين .. لراحة نفسية مؤقتة !
وترا مافي أحد مايكذب يانسيم.. نادر تلاقي شخصية على طبيعتها 100 % !


النقطة 2

مليت ؟ كل الناس تحس بالملل يانسيم ! ملينا من كل شيء
الروتين بيذبحنا ! , طيب جرب شيء جديد , الامور المعتادة
خلها على جنب ! جرب يوم ورح لمكان جديد ! تعلم لك شيء
جديد , ولا أقولك لا تتعب نفسك .. امسك لك أي كتاب واقرة !
صدقني الوقت بيروح بسرعه + بتستفيد ! بسس ماش
شكلك من الناس اللي تعودت تكون مع الناس ع طول
والحين بلشت بعمرك !

اقتباس: المشاركة الأصلية كتبت بواسطة M J    يالله صباح خير يانسيم ! معليش حاولت افهم وش تقول عجزت خخخخ ! المهم بعلق على الكلام اللي فهمته

خير ان شاء الله ياMJعسا ما شفت مني شي كذا والا كذا لاسمح الله.
على العموم اللي ماتفهمه خله لانه حديث نفس ،يعني الهواجيس اللي تدور في نفسي والهمهمه كتبتها وهي اللي انت ماعرفتها ولا الومك .
ماشي خذ راحتك ياحبيبي .