●• خزآمىَ الصَحآرى « للشعْر والخَوآطرْ !

ما نقول إلا الصحيح ويحسن الرجل تعبيره
،،،،،،،،،،،،،،،،،،،،،،صفحة بيضا على طول الزمن تبقى كماها

لا إنشاالله ما نقول الكذب ولا نستعيره
،،،،،،،،،،،،،،،،،،،،،،،،،ولا تسمعنا سواليف المهبل والسفاها

والله إن الكذب ما به خير وحباله قصيره
،،،،،،،،،،،،،،،،،،،،،والعرب ما عاد تجهلها الأمور ولا تخفاها

كم واحدٍ له غايةٍ ما هرجها
،،،،،،،،،،،،،،،،،يكنّها لو هو للادنين محتاج

يخاف من عوجٍ طوالٍ عوجها
،،،،،،،،،،،،هرجت قفا يركض بها كل هرّاج

يقضب عليك المخطيه من حججها
،،،،،،،،،،حلواً نباه وقلبه اسود من الصاج

لولا البكا ماينشرح خاطر ولاينزاح ويل
............خل الكدر يطفي سعير الليلتين اللي خلت
.
دام العيون الليا اهملت تشفي القليل من الغليل
...........الله يبارك بالعيون اللي ليا ضقت اهملت
.
دمعة قهر تثبت لي ان اللي يحبوني قليل
..............ولاضحكه بوجيه ناس لي تضايقت انكلت
.
البارحه يوم الهموم تحط بالصدر وتشيل
..............والشاهد الله ماحبست بمحجري دمع وفلت
.
الدمعه اللي ماتهز صدور ربعي لاتسيل
............اكنها مثل الجمر ولايقولون انزلت
.
اللي وهو مافزلي كنه محملني جميل
.............اجيه برجولي عشان اشكي له الحال ؟ اكملت
.
ماكل من شافك قوي يفرح ليا جيته ذليل
...........الناس لي من حست بضعف الشجاع استذلت
.
بعيونهم ببقى مثل ماللهبوب من النخيل
.................على كثر ماضامها صفق اللواهيب اعتلت
.
وشلون احس ان العذاب اللي على متني ثقيل
...............وانا ادري ان اللي تصبرني على الحزن وصلت
.
معشوقتي لاضاق صدري من ليالي الحزن ليل
.............ياكثر ماشربت معي من علقم الحزن وكلت
.
معشوقتي ما للفرح برجوعها يمي سبيل
..............الا مثل ما للربيع من الزهور ليا ذبلت
.
معشوقتي من عمر جيل ومدرسة مليون جيل
.............معشوقتي ورث السنين اللي تجلت وانجلت
.
اللي على كثر المصايب كل مافيها جميل
..............الناس لي كبرت تشين وذيك لي كبرت حلت
.
لامن تثنت للهبوب تميل اللي مايميل
...............وان مالت عقول الخفاف من الرياجيل اثقلت
.
كن الكلام بثغرها مجرى سبيل للسلسبيل
...............مسترسله لو ماضميت ولو ضميت استرسلت
.
تقبل على لون المسا لاجات مفتوله جديل
...............غصبن عن عيون النسا مايرمشن اليا قبلت
.
عشقتها لاني من اللي يعشقون المستحيل
...............صدقتها لانها لي قالت القول : افعلت
.
الترفه اللي تنطح الفريس وتفك الدخيل
...............ما الرجال اللي تحملني مثل ماستحملت
.
لو كل خلق الله ملو ماتمل وماتميل
................لان الرجال بهالزمن قلو هذيك استرجلت
.
ان كان وقفتهم معي من باب مايخدم بخيل !!
...............هذيك ماهيب وقفت جنبي .. هذيك تبهذلت
.
خانوا وهي ماهونت عالو وعيت لاتعيل
............تبدلتت كل الوجوه وذيك ماتبدلت
.
لانه ليا عز الرجا ما للخليل الا الخليل
..................ماكد قرت في محجري قصة عن الحزن وسلت
.
كل الذي يجري معي يجري مع الطرف الكحيل
..................اليا رضيت ترضى عشاني وان تزعلت زعلت
.
تدوي بخفاقي دوي لين احيت الحلم القتيل
...............عشق بدويه لبدوي لاجت على البذل ابذلت
.
معها عرفت اني قوي حتى وانا مافي حيل
..............واعدها بمية خوي كان الهموم استفحلت
.
دام الشدايد تكشف بصاحبك معدنه الاصيل
................ليت السنين اللي حدتني على الضياع استعجلت
.
الشدخ اللي تثبت ان اللي يحبوني قليل
................ولا ضحكه بوجيه ناس لي تضايقت وانكلت
.
بنت ليا منك وقعت تشيلك من القاع شيل
.................ابرك من وجيه الرجال اللي ليا طحت جفلت
لـ حامد زيد

اشعار منوعه لـ الشاعر غازي القصيبي


وأنتِ كغيمةٍ حملت بسرٍّ
.....................أغيث ماتدبر أم رعود



قد علمنا تهوّدَ البعض منّا
...................أولم يبق معشر ماتهوّد



كأني على القفار شريد
......... تتلهى به رمال القفار
كلما قال: قد وجدت طريقي
................. قذفته بحفنة من غبار

جرح الغياب اللي سكن في خفوقي ..
...................... ماضمده غير كثرة حضـــورك على البال

الله مـن قلـب بـه النـار تشتـبهبـت وشبـت واستمـرت شبوبـه
................قلـبٍ غـدى للهم مـا رد ومشـربوما ضاع من هم العرب راح صوبه

همٍ علـى ربـع وهـمٍ علـى غـبباليـوم والساعـه همومـه تلوبـه
................والله من عينآ تصب العبـر صـبصب القليب اللـي تدالـج غروبـه

يا عبيد انا ما نيب ضبٍ ولد ضـبيصبر لمـا يسمـع وينفـخ ذروبـه
................انـا عتيبـيـآ عـريـبٍ مـعـربلي ما قفٍ كل الجميـع شهـدو بـه

من سب داري قلتله كـب ثـم كـبوارخصت روحي دون داري جلوبه
............لـو أنسجـن بسبابـهـا واتـعـذبصبرت من شـان الوطـن للعقوبـه

والسجن ما هو عيب شـئ مجـربيعلـم المسجـون مـا هـي ذنوبـه
................يلومنـي خبـلٍ إلا مــا تـغـربينسى الوطن خسروا هله يوم جو بـه

فوده مع الضفـران صفـر مكعـبفطيس قلـب و لـذة النـوم دوبـه
.....................وانـا علـى كـل الجنـوب اتقلـبما ذقت حلو النوم يـوم اهتنـوا بـه

اقنب قنيب الذيب فـي راس مرقـبمن حر ما به قـام ينهـش جنوبـه
..................يحينـي الغربـي عصيـر إلاهـبوريح الديار الطاهـره فـي هبوبـه

.ريحة هواها مكسبـي يـوم نكسـباخير من ريـح البحـر والرطوبـه
......................عسى السحاب اللي من العصر ينصبهلـت هماليلـه وهبـت انصـوبـه

.يسقى وطن راعي العقـال المقصـبنجد العزيز وغـرب نجـد وجنوبـه
......................ياديرتي مـا تقبـل الشتـم والسـبيـا منبـع الإسـلام دار العروبـه

يفوز مذهبهـا علـى كـل مذهـبوعلـى مقلبـت المذاهـب عقوبـه
.......................يحكم بشرع الله وبالسيـف الأرقـبولا شق فيها طالـب الحـق ثوبـه


لـ الشاعر رشيد الزلامي

(النظرة الخجولة )

ما سألتوا صاحب النظرة الخجولة

..... .. كيف يسهرني وله وجهٍ صبوح

.. كيف يظلمني وله طهر الطفولة

............ كيف يفتنّي وهو دايم يروح

.. وكيف أنا ألقى ربيعه في فصوله

.......... دام كذبه صادق وصدقه مزوح


.. له صفاتٍ تورد العاشق ذهوله

............ مستكين صامت وكلّه جموح

.. أصعب الأشياء و أكثرها سهوله

........ أغمض الأشياء و أكثرها وضوح

.. سهل تغرم به وصعب إنك تنوله

........ غامضٍ طبعه وواضح في الجروح


.. أسعد بشوفه ولكن ما أطوله

......... كنّي الوادي وهو أعلى السفوح

.. يبتسم لا منهم عنّي حكوا له

........ ولا حكوا لي عنه أعماقي تنوح

.. لي بقلبه شيٍ لكن ما يقوله

........... وله بقلبي كلّ و لكنّي أبوح

.. كنّه الغيمه و انا أرجي هطوله

.......... ما نزل غيثه ولا برقه يلوح

.. ما عرفتوا ليش تسهرني فعوله

....... .. وليه يسكنّي وهو دايم يروح

.. هو يبيني بسّ أطباعه خجوله

عبدالرحمن بن مساعد

جيت المكان اللي هاك العام جيته
،،،،،،،،،،،،،،،،وذكرني اللي جيت يمّه وجاني !

مقاربات بين الشعبي والفصيح

أعقل الناس أعذرهم للناس

عبدالله الجعيثن

ولست بمستبق أخاً لا تلمه .. على شعث أي الرجال المهذب؟




الكرام يلتمسون الأعذار لمن يخطئ ويتغاضون عن كثير من القصور ويتغابون عن الزلات والهفوات لأنهم يعلمون ان الإنسان بشر يخطئ ويصيب، وان أخطاء البشر أكثر من صوابهم في الغالب، وانه لا يوجد إنسان كامل فالكمال التام لله وحده جل في علاه، أما بنو آدم فكلهم خطاؤون، وخير الخطائين التوابون.
كما يدرك الكرماء والحكماء ان هناك أعذاراً بادية أو خافية لكثير من الأخطاء وعديد من أوجه النقص والقصور.. فلا يستقصون أخطاء الآخرين، ولا يتبعون هفواتهم ولا يعدون عليهم الذنوب.
وبهذا تستمر العشرة الطيبة بين الزوجين والعلاقة الجميلة بين الآباء والأبناء وبين الاخوان بعضهم مع بعض والأقارب بشكل عام وزملاء العمل والجلسات والأصدقاء.
والفاروق عمر بن الخطاب رضي الله عنه كان عبقرياً قوياً ويمتاز بالحكمة والذكاء وهو صاحب الحكمة الشهيرة: (اعقل الناس أعذرهم للناس..)
وكان يقول:
(لست بخبء ولكن الخبء لا يخدعني..)
وقد صدق رضي الله عنه وأرضاه، فلم يكن يخدع أحداً ولكنه يكشف المخادعين والخداع يختلف عن الخطأ فإن الأول يتم بسوء نية وعن سابق قصد وترصد وتصميم على نيل نفع شخصي مقابل الاضرار بالطرف الآخر (المخدوع).. أما الأخطاء فهي تقع عفواً في أكثر الأحيان، وكذلك القصور والنقص وربما التقطيب والعبوس كل ذلك قد يكون لصاحبه عذر معلوم أو مجهول فقد يكون مصاباً بالاكتئاب أو عنده مشكلة عائلية أو مالية جعلته معدوم التركيز مقطب الوجه يقترف الخطأ غصباً عنه، فإن الإنسان ضعيف مجرد، ألم ضرس يقلب مزاجه رأساً على عقب!
والعرب تحض على التغافل والتغابي ويرون ذلك نصف الحكمة وسبب للسيادة:

من الرأي سامح صاحبك لا تعاتبه .. إلى زل أو ابطا بشي تراقبه




ليس الغبي بسيد في قومه
لكن سيد قومه المتغابي
كما يدل على الدهاء ورجاحة العقل والمعرفة بطبائع البشر:
وقد يتغابى المرء من عظم ماله
ومن تحت ثوبيه المغيرة أو عمرو

فدهاة العرب معاوية وزياد بن أبيه وعمرو بن العاص والمغيرة بن شعبه، والذي يتغابى عن الأخطاء ويتغافل عن قصور الناس يدل بفعله هذا على الذكاء والدهاء وعلى كرم الخلق فإنه ما استقصى كريم قط، ولا التمس الأعذار للناس الا عاقل كريم الممتد مدرك للعواقب..
يعيد التماس العذر للنفس روحها
ويخمد جمر الشر قبل شبوبه
عجبت لحر يستحي باعتذاره
وأولى به ان يستحي بذنوبه

فاكر الكريم لا يستحي ان يعتذر عن ذنب ارتكبه في حق الآخرين، لأنه واثق من نفسه، عارف انه لا يوجد من لا يخطئ وان (دية الذنب الاعتذار)
ومما ينسب للإمام الشافعي:
اقبل معاذير من يأتيك معتذرا
ان بر عندك فيما قال أو فجرا
لقد أطاعك من يرضيك ظاهره
وقد أجلك من يعطيك متسترا

والمقصود بقوله (فجرا) أي كذب أو بالأحرى تجمل لكي يقبل عذره).
وبعض الناس ليس حلو المنطق ولا باسم الوجه ولكنه رغم ذلك طيب المخبر والإنسان لا يحكم على الظاهر فقط ولا يحب أو يكره لمجرد المظهر أو للانطباع الأول وهذا ما عبر عنه شاعر جاهلي فقال:
جامل الناس إذا ناجيتهم
إنما الناس كأمثال الشجر
منهم المذموم في منظره
وهو صلب عوده حلو الثمر

ولزهير بن أبي سلمى (وهي حكمة قد لا يقتنع بها الشباب والمراهقون حتى يجربوا كثيراً!!)
ومن لا يصانع في أمور كثيرة
يضرس بأنياب ويوطوأ بمنسم

وللشاعر الشعبي محمد بن مسلم وقد أبدع:
من الراي سامح صاحبك لا تعاتبه
إلى زل أو ابطأ بشيء تراقبه
خذ ما تيسر منه واستر خماله
إلى عاد نفسك في ملاماه راغبه
وان كنت في كل المشاجي موادب
رفيقك ما تلقى الذي ما توادبه
فمن لا يسامح صاحبه عند زله
خلاه صرف البين من غير صاحب
وللصاحب الصافي حقوق لوازم

خمس وهي في سمت الاجواد واجبه:
إلى زار اكرام وإلى صد ينشده
وإلى زل غفران وإلى عاب كاتبه
والخامسه ان جاك في حد عازه
بتصفق به الدنيا واسعاً فيه لاغبه
تلقاه بالمجهود وعجل فربما
تحمد مكافآته إلى جتك نايبه

طالبك ما دمت تقدر لا تغيب
،،،،،،،،،،،،،،،،،،،،،،،،،،،كل ما شفتك شعوري يلتهي

أسرع أوقات العمر شوفة حبيب
،،،،،،،،،،،،،،،،،،،،،،،،،،ليت لحظات اللقا ما تنتهي