نسائم نسيم

كلامك جميل ياعصي الدمع .
فيه شي نسيته اللي هو حديث المجتمع اليوم(صرام النخل)وكنز التمر.
تصدق اني قمت اكره النخل من كثر الكلام عنه .كل سنه صقعي خلاص وسكري.خلاص ياناس فكونا من كثر الحكي تشتري خلاص والا سكري والا صقعي وش تبينا نسوي بك؟
اما من ناحية القبول والرفض فهذا شي من الله .سبحان الله فيه ناس يشغلونك ويرفعون ضغطك لكن مالك عنهم غناة تحبهم اذا ماشفتهم اروح ادورهم كذا من الله، وفيه ناس طيبين وحلوين لكن ما ترتاح معهم تحب تجلس لحالك ولا تشوفهم.
وبعدين هناك اشياء يجب ان نحسب حسابها ان لكل مجتمع جو وممارسات يجب على كل واحد ان يحترمها ولا ينكرها او يبتعد لانها لاتناسبه .مثل انسان لايحب مشاهدة التلفاز او لعب البلوت او كذا وكذا الخ ويفرض عليهم اطفاء التلفاز!!!!!!!!!!!!!ومن يجلس وهو ينتقد اكيد انا من الناس اللي كل دقيقه تمر مع هذا الشخص كأنها ساعة ابيه يروح يفكنا ابيه يقول تصبحون على خير.
الحياة مسايره ساير الناس واكسبها وحبهم يحبونك بعدها راح يقبلون منك ما تفرضه لكن طف التلفاز هذي والله صعبه.

اقتباس: المشاركة الأصلية كتبت بواسطة M J    صبآحك أنت ! الروح تحتاج لتجديد ديني / اجتماعي / نفسي عشان تحس بطعم الحياة الحقيقي ! بس حنا مشكلتنا جمدنا .. وقعدنا ندور بدائرة مغلقة لدرجة أن صداقاتنا .. نمط حياتنا .. سواليفنا .. ماتغيرت من سنين ! لدرجة أني أروح المكان .. وعندي استعداد اعلمك اليوم فلان وش رح يقول .. وش السالفه اللي بتجي .. الخ ! وبالنسبة للكمال الآجتماعي .. صدقني مايجي الا بالعفوية و أظهار النفس على حقيقتها ! سواء كانت سيئة .. او .. حسنة .. بس الناس بترتاح لك , لانها خلاص عرفت لك اوما اللي يجيك ماتدري وش بلاه .. وكل يوم له مزاج وجو ! هذا يروعك فعشان كذا .. جدد .. خلك عفوي .. ( فتح عقلك .. لان الدنيا تطورت ! ) وصدقني بتعيش .. صح

m jكلامك طيب وواقعي .
انا عارف الشي هذا لكن ابي الاخرين بهذا المفهوم اللي انت تتكلم به .
الكلام الطبيعي والظهور بالمظهر العفوي جميل جدا بكل مايحويه سواء راق للاخرين او لم يرق.
الشي الاخر واللي يجب ان يعمل به هو لاتحاول ان تكون افضل من غيرك بقتباس شخصيات اكبر منك وتتكلم بكلامهم لانه راح يجي يوم وتكتشف .
تبي الصحيح اخوي الحياة مع هذا المجتمع تبي انسان ماهر موهوب يعرف كيف يتعامل معهم مثل لاتجي قدامهم خلك في الخلف واللعب على الهجمات المرتده لان الكور الطويله في الوقت الحاضر ماتمشي ابد .
تحياتي لك

ليت للصمت صوت وتسمع وش اقول فيك

وليت للخيال صورة وتشوف كيف اغليك

اقتباس: المشاركة الأصلية كتبت بواسطة نسيم    ليت للصمت صوت وتسمع وش اقول فيك وليت للخيال صورة وتشوف كيف اغليك

هذا الكلام من مدونة الاخت روح الورد.
حقيقة اعجبت به وتعجبت منه .وابي اتكلم عنه وخفت اعمل ازعاج في مدونة الاخت روح الورد ،فقلت اجيبه هنا واخذ راحتي .
على العموم حقوق الطبع محفوظة للمشرفة روح الورد عشان مايجي احد ويقول اني مختلس لاسمح الله.

ليت للصمت صوت وتسمع وش اقول !!!!!!!!!!!!!!ياحرام والله مشكلة وحرمان وتمني للاسف مستحيل وعلى قول المثل التمنّى راس مال المفاليس.
ياما وياما تمنينا ،وقمنا وطحنا، وتعبنا، وااحفينا القدم وسهرنا الليل لكن النتيجة=حب على الخالي.

وليت للخيال صورة وتشوف كيف اغليك.المشكلة هنا هل هو يستاهل او هي تستاهل هالغلا كله؟
تبون الصحيح الله يكون في العون ولايبلانا لان الحب هذا مصيبة كبيره واكبر مماتتصورون .لاني
كثير من الناس وهو يسمع هالسوالف وش يقول.يقول الله من الخرطي والهبال اللي ماله ماله سنع.
ليه قال كذا؟لان قلبه بليد ولايعرف الا الاكل والنوم بس مثل قلب الحمار اجلكم الله .

ماش انا اليوم منكسر واهسي

اقتباس: المشاركة الأصلية كتبت بواسطة نسيم    ماش انا اليوم منكسر واهسي

راجع موضوع الحزن والفرح في منتدى الحوار <<<<<< يمكن يهمك

اقتباس: المشاركة الأصلية كتبت بواسطة المتميزة 26    راجع موضوع الحزن والفرح في منتدى الحوار <<<<<< يمكن يهمك

ماظنيته.

ألا يالـلـه يا عـــالم بحـــالـــــــــي
،،،،،،،،،،،،،،،،،،،،، تــزيــل الهــم عن قــلبي تزيـــله


خـذت مـــني الليالي أعز غالــي
،،،،،،،،،،،،،،،،،،، تــفـارقــــنا ولا باليد حيلـــــــــــه


كــفــانا الله من شر الليالـــــــــي
،،،،،،،،،،،،،،،،،،،وياما فرقت خــل وخــليلـــــــــــه


ألا ليت البكى بــيرد غــالـــــــــي
،،،،،،،،،،،،،،،،،،،، لسيّل واديٍ ما سال سيلــــــــه


سهرت أيام مع عدّة ليالــــــــــي
،،،،،،،،،،،،،،،،،،، وحالي من سبايــبـهــم عليلـــه


وأصيح صياح من صابه هبالـــــي
،،،،،،،،،،،،،،،،،، على اللي نافلٍ بالزين جيلــــــه


ألا يا عـــين مــــنك عـــز تالـــــي
،،،،،،،،،،،،،،،،، عــــلى الحــمّــى تزيدينه مليله


عـــليّ الوقت يا مشكــاي كَـالي
،،،،،،،،،،،،،،،ألا يالله عـــدّل كــل مــــيلــــــــه