●• خزآمىَ الصَحآرى « للشعْر والخَوآطرْ !

تعبت أشكي تعبت أبكي تعبت أحكي مآسي الروح ..
قتلني الوقت بصروفه ذبحني وجفف نهاري


أخبي علتي وأسكت وأنا في داخلي مذبوح ..
أجامل وأرسم الضحكه وأنا قلبي على ناري


أحاول والله يعلم بي أداري دمعتي لا أبوح ..
أداري الجرح وأتجاهل عن اللي ينشد أخباري


أقول بخير لكني جريح وفي حشاي جروح ..
صداها لو دفنته يوم يبين سنين بأنظاري


صرخت بحسرتي يكفي صرخت بصوتي المبحوح ..
ألا ياوقت وش ذنبي عشان الفيك باعذاري


تبعثر حلمي قدامي وغديت بدنيتي منزوح ..
وقفت ولا قدرت أجمع مغير مشتته أفكاري


أمني النفس وأخدعها وأقول إن كربتي بتروح ..
وهي والله مولوده قدر فأرحام أقداري


قتيل والبقا براسي في دنيا مابها مصلوح ..
قتيل والقهر قاتل من اللي ياخذ بثاري


أبا ببقى ضحية وقت أعاني والعنا مجروح ..
دعيت اللي خلق يرحم رجيته ربي الباري


أبي أسعد أنا بلحظه قبل نزعه توافي الروح ..
قبل ما ارحل عن الدنيا وأروح لاخر دياري


أنا بحمل صديد الجرح في باقي وقتي المسموح ..
وإذا وافتني القدره ترى هالبيت تذكاري


رثاني دمعي الطاهر في صمته مارضي بالنوح ..
رثتني قسوة الدنيا ورثتني حتى أشعاري


وجزت اللي ذبح قلبي وعشته بالخفا مشروح ..
لجل ماضعف بعين اللي نشدني كيفها أخباري

مــالي الاّ اتذكـــر ما مضى مـــن زمانـي

يــــوم كان الوفا والوصل ماله مثيــل ..

يــوم كنــا نـعد اوقاتنا بالثـوانـي

كل مابان صبح وكل ماحل لـيل ..

‏يا ليت لي قدره على طيّ الأيام
‏*وأقدر أعيـد سنين وأقـدّم سنين
‏-
‏ودي أنام اللحين وأصحى قبل عام
‏*العام كان أجمل بـ واجد من اللحين.

حنا على الدنيا ضيوف ومسايير ..
وبـكـره نـشـدّ الراحله لـ الثمينه
والـرابح اللـي لاخذته المقاديـر ..
مـاغـرته دنيـاه مـن دون .. دينه

‏
‏
‏
‏
‏راضيه في قسمة فراقي معاك
‏كل " حلوه " حظها ماهو حلو !

بعض العرب وصله ينسيك الهموم
ويسج بك ..عن كل همٍ تشيــله

بعض الغيآب يمرّ ف القلب عآدي
يطري على الخفّآق لحظآت و يفوت
و بعضه لو أنه مرّ فآلقلب هآدي
يشبه ونين الروح في سكرة الموت

‏من ورى صمتى حگايه للغموض
‏لآ تبعثرني تراني مكتفي
‏.
‏آلحزن مآخذ من الخآفق حظوظ
‏والفرح لحظه يجي ثم يختفي
‏

طيبگ بنآ له في صمـيم آلحشآ بيت ..
آلله يحفظگ وين مآ رحت وآقفيت

^^^
رااائعه ابدعتِ في الأختيار
موفقة يارب