●• خزآمىَ الصَحآرى « للشعْر والخَوآطرْ !

لك من صميم الروح ميزة من الغير
..... ولك في خفوقي من الغلا شي ثاني
القلب يحمل لك محبه وتقدير
..... والعين ترجى شوفتك لو ثواني

عمر المسافه ما ميزت يوم الاحساس
ولا بدلت ناس بقلبي بدل ناس
واذا هالدنيا خذت مني وجودك
تتعب لاجل تاخذ مني غلاك

لو رمال البحر وامواجه حروف
وصف حبك ما يعبر به حكي ..

يـا صَــاحبي لا تشتكـي اليوم تنــدم
ويــزود هـمّــك غــمّ وتصبح تعاني
لكــن تصــبر دام ربـي فتق فـــم
إصــرخ بأعلى الصــوت هالعمر فأني

إحترموا عزلة البعض المؤقته ..
ورغبتهم بـِ الإبتعاد عن الأخرين ..
ولاتكثروا الظنون أو تصدروا الشكوك ..
جميعنا .. نحتاج إلى خلوه صادقه مع النفس ..!

اخوك لا تخســـره لو انه عنـــيد
يخطي مية مرة وتسمح له خطاه

وان كان شد الحبل حاول ما تزيد
ارخيه قبل الشـد يوصـل منتهاه

ولا تنصحه وقت الزعل ما يستفيد
واعرض عليه النصح في ساعة رضاه

وليا طلب رايك عطه رايً سديد
وان ماطلبك الراي لا تبحث خفاه

واعرف ترى قرب المنازل ما يفيد
واحيان يبــدي شي ما ودك تراه

بـــس لا تقرب ولا تنزل بعـــيد
خلك على قول المثل حذفة عصاه

واحفظ حبال الود حفظك للوريد
اللي معلق فيه موتك والحياه

ترى الاخو مهما حصل يبقى عضيد
وترى عيال العم ما عنهم غناه

الناس دايم ما تهاب اللي وحيد
اللي ليا منه وقف مـحداً معآه.

الزمـن تذكـار .. والذكـرى سـنـيني
........ والدمـوع .. أحيـان ماتشـبه بعضها

‏نمشي مع الوقت لو طالت مشاويره
وافراحنا من ورا الضيقات نسرقھا

الحلم بالنوم يمكن سهل تفسيره
لكن نبي لا صحينا من يحققھا

دع المقادير تجري في أعنتها .
........... ولا تبيتنّ إلا خاليَ البال

خلك بسِيط وحب للعالم الخير
حِبك لِفعل الخير يعكَس تواضعك

وعلى كِثر منت متواضِع مع الِغير
على كَثر ما الله مع الناس يرفعك