::الرحلة المهندية البرمائية:نحو المنطقة الشماليةالغربية: رمال وآثار وأمطار وغيران : والغوص الغوص ::

اقتباس: المشاركة الأصلية كتبت بواسطة الكاريبي    ابومهند الظاهر ان ابعد نقطة في رحلتكم مدينة حقل ! كم تبعد عن تمير ؟ وش مناخهم؟يبدو لي ان الجو عندهم براد.

هلا بك ..

أيه يازين أسئلتك اللي مافيها تعديل صور ..

الأبعد منفذ الدرة .. وهو المنفذ الحدودي للسعودية مع الأردن .. ويبعد قرابة 16 ساعة متواصلة من تمير ..

ومناخهم فيما أرى وحسب ما اخبر حلو .. ما فيه هاك الرطوبة حقت الشرقية وجدة ..

اقتباس: المشاركة الأصلية كتبت بواسطة المهند    وبس .. صارت صورك .. الله لا يعيد أيام السرقات .. !!! أبد تعبي راحة .. وترى مافيها شيء لو تقوم تحدد الصور اللي تبي وتنسخها نسخ .. ثم تعلق أو تستفسر منها ...

تعبك راحة !!!!!!!!!!
حتى التعبير الزين مايظهر منك ابد اعوذ بالله !
النسخ مايمشي معي ،مانيب مثلكم انا قوي لازم احمّلها واتعب .

اقتباس: المشاركة الأصلية كتبت بواسطة الكاريبي    هالحين تراي محمل صور وش اسوي بك ؟ طيب الصور هذي وش تعني ماء ،وساقي ؟

ههههه ..

والله اللي ثقلت على مركز تحميل تمير ..
أبد نسخ لصق .. لا تتعب نفسك ..

هذي عين تنبع لها سنين على هالحالة .. والأقوال فيها كثيرة ..

لها أكثر من سبع ينابيع .. وشوفة عينك وش عمقها ...

اقتباس: المشاركة الأصلية كتبت بواسطة الكاريبي    تعبك راحة !!!!!!!!!! حتى التعبير الزين مايظهر منك ابد اعوذ بالله ! النسخ مايمشي معي ،مانيب مثلكم انا قوي لازم احمّلها واتعب .

التعبير الزين ما تستاهله ..

تحسب النشدة وأخذ علوم تجي براحة .. لازم تتعب ...

سبع سنين بس!
طيب وين الديرة اللي يقولون الى منك وقفت في الليل على البحر تشوف انوار اسرائيل ؟مدري مصر

اقتباس: المشاركة الأصلية كتبت بواسطة الكاريبي    سبع سنين بس! طيب وين الديرة اللي يقولون الى منك وقفت في الليل على البحر تشوف انوار اسرائيل ؟مدري مصر

وشي سبع سنين ..

وش فيك خبصتني خبص ...

الديرة هذي هي حقل ما تشوف فندق طابه ..



ويذكرون أن فيه ضلع ترقاه .. وتلقى هالديار ..

وبعدين أنت رجال مسلم ومؤمن بالله ..
ترى يضايقني قولة ( أنوار اسرائيل ) وكننا طمسنا هوية فلسطين ..

ماشالله عليك عيني عليك بارده
رحله ممتعه وخطيره استمتعت وانا اتابع موضوعك
صور ومعلومات اول مره اعرفهها سبحان الله البحر هنا خييال ويجنن شكله
تسسلم ايدينك والله على رحلاتك المميزة ولك اطلق لآآيك ونجووم تستاهل يالطيب

ماشاء الله عليك يالمهند مبدع بتقاريرك يالغالي .. دائماً اتابعك بصمت :)

بنتظار جديدك

اقتباس: المشاركة الأصلية كتبت بواسطة المهند    وشي سبع سنين .. وش فيك خبصتني خبص ... ..

جاء عندي تهنيق شوي ،ولقطت سبع ينابيع مع كلمة سنين ،واحسب ان لها سبع سنين!
عاد لا تدقق بالحيل .ياشينك !

اقتباس: المشاركة الأصلية كتبت بواسطة لميس    ماشالله عليك عيني عليك بارده رحله ممتعه وخطيره استمتعت وانا اتابع موضوعك صور ومعلومات اول مره اعرفهها سبحان الله البحر هنا خييال ويجنن شكله تسسلم ايدينك والله على رحلاتك المميزة ولك اطلق لآآيك ونجووم تستاهل يالطيب

الله يسلمك يا لميس .. وشاكر لك التقييم ..
وهذا الحضور الجميل ..

بارك الله فيك ..