●• خزآمىَ الصَحآرى « للشعْر والخَوآطرْ !

العمر صفحه وإبن آدم بفعله قلم
و بكره يجفّ القلم و الصفحه بتنطوي
أمّا نعيم ورخا ولاّ جحيم و ألم
على حسب محتوى الصفحه ومايحتوي

اللي يعزك لازم انك تعزه
وتعلن معه طول الليالي تضامنك

وللهرج حزات وللصمت حزه
ومن لا يعرفك معرفه ما يثمنك

إن كان عينك كل درب تقزه
إعرف ترى غيرك عيونه تعاينك

تعجبني اللي في الشعر ذوقها ذوق
ماهو بـ حي الله قصيد يعجبها
دايم نظرها واختياراتها فوق
تعرض مفاتن ذوقها في أدبها

عزالله ان الغلا لازاد عن حده
يغرّ غاليك لين يخرب أخلاقه
عطيته القلب وعروقه ولاسده
ويعطيني الهجر والفقدان واحراقه
امدّ ويمدّ لكن تفرق المده
كل ٍ حسب طيب ذاته ينفق إنفاقه
ينام سالي خلي البال من قده
وأنا أسهر الليل أراقب لحظة اشراقه
دخل بعاده ب(باب) القلب من مده
ومع دخلته نطت السلوى مع (الطاقه)
فعلاً يقولون: إذا حبيت أحد .. هده
ان عاد.. لك وان رحل.. لاترجي عناقه
لو كنت ماادري على فرقاه وش حده ؟
هذا عهد مااطلبه لو طوّل فراقه [

وما كل مرهـف قلـب لـو يـزرع زهـور
قـلـب يـحـب الـــورد وجـــواه صـاجــه

وما كل من يخطـي مـن النـاس معـذور
البـعـض يـخـطـي مـــن عـلــوم الـعـواجـه

وما كل من يسكت على الظيم مجبـور
لجـل الـغـلا سـاكـت ويـدعـي انفـراجـه

ومـا كـل راس ضـيـع الفـكـر مسـحـور
كـــم راس الــحــب جــــاب ارتـجـاجــه

الحال ما نشگيہ عند المخاليـق ،
و هموُمنا تگثر و هي دآخليـۃ ..
و إليـا خسرنا نطلب اللہ توافيـق
ما ندور التعوُيض و لا العَطيـۃ

‏السنافي نعَذره .. لوّ جـرحه ندي
‏زلّة الكفو تاخذ .. من رصيده عفو !
‏.
‏ما تضيق المراجل .. لو تردى ردي !
‏البلا .. لو تردى .. من خَـبـرنا كفو !

اخجلت شمـس المحبـة مـن سناك
............والقمر من كامل اوصافك خجول
ولويغار الورد الاحمر من شذاك
..............مـن يلومـه لوتهـادى للذبول

سلم على آللي لآ طرت لي مواريه
أتذكر / إن كفوف الأيام . . دسمه

تعطيك شخص لو يجيبون طآرية
يرسم على (محيآ) ملامحك بسمه

محد يعبر ضيقتك .. إلا حالك
تحتاج بس شويّة دموع منّك !
بالناس تلقى اللي يتكلّم بدالك
لكن ماراح تْلاقي من يبكي عنّك