رُكْن النهاية

انا في رجا صبحٍ شروقه علي ايحيـن
،،،،،،،،،،،،،،،،،،وتصير المشاعر من عنى الوقت مستره

على صفحة الايام خـط الكتـاب يبيـن
،،،،،،،،،،،،،،،،،،،،،،،،،وتصارع مجاديف الامل خيره وشـره

وتحاشا غصون الموز قطفة ثمار التيـن
،،،،،،،،،،،،،،،،،،،،،،،،،،،ويغطي على طعم الشهد قرضة المـره

لحون المشاعر بالضمائر تجـي وتليـن
،،،،،،،،،،،،،،،،،،،،،،،،،،،،،تمايل على قلبـي مـن العـام وتجـره

عرفت التجاهل منهج العالم المخطين
،،،،،،،،،،،،،،،،،،،ولا ينفع التبرير في مقتل الدره

والليالي ماتوارابها وجه الهلال
،،،،،،،،،،،،،،،،واخطراسرار الاوادم ورى سترالبيوت

وناس تمسّك بعز النفس عاشت ملوك
،،،،،،،،،،،،،،،،،،،،،، وحازت من العز ملبوس عليها يليق

اعرف ترى الناس لامنهم عطوك احقروك
،،،،،،،،،،،،،،،،،، وان جيت في دربهم مايفسحون الطريق

واصبحت لاشي في نظراتهم وملكوك
،،،،،،،،،،،،،،،،،،،،،،،والله عطاك الفيافي وانت حر طليق

ممشاك برض خلا ضميان والدرب شوك
،،،،،،،،،،،،،،،،،،،،، اخير من هرجة الشامت وسفه الرفيق

دروب التواصل مقفله والرجا مفتاح
،،،،،،،،،،،،،، يدور الزمان وتطوي الرحله اكتابـه

طوينا المسافه والنتيجه بدون اربـاح
،،،،،،،،،،،،، نحث القدم واللي من الرب نرضابـه

حبر القلم مع هجعة الليل هاتـوه
،،،،،،،،،،،،،،،،،،، خمايل افكـاري تصافـح هـدوّه

ثوب ظفى كل المخاليـق لبسـوه
،،،،،،،،،،،،،،،،، يرخي اسدوله قبل ضحكة غـدوّه

الــيــامــشــى بــخـــطـــاه تــــقـــــل ايــتــحــايـــل
،،،،،،،،،،،،،،،كــــنــــه يـــكـــلـــم مـــــــــن غـــــــــروره خـــيـــالـــه

والخصر دلة سيف من صنع حايل
،،،،،،،،،،،،،،،دلـــــــة كـــريــــمٍٍ مـــــــن غـــــــلاوي دلالـــــــه

وشلون اعدّل مزاج .. اللي مزاجـه غريـب..!
احترت فـي صاحـي العالـم .. ومجنونهـا ..
لو ان صدري على الزلات .. ماهـو رحيـب..!!
ما شفت عيني على القمـه .. وانـا دونهـا ..!