سويعات الاصيل ؛؛ أطياف

وانــعطف هـاك الشعر فوق المتون
وانثنى عـــوده وقفى وابــتعـد

اشـــغلتني نـــظرة الـــعين الـفتون
حـــيّرتــني بالـــتوعد والـوعـد

هي تــمون الـــعين ولاّ مــا تـــمون
لى خذت قلبي وقـفّـت يا سعـد

و الليالي يا قمر ليلي قصيره
لا يضيع العمر في طرد السراب
...
أشتكي و جروح قلبي من عشيره
يا عشير القلب في قلبي صواب

ترى للوقت هزه و انقلابه
تهز جبالها لو هي رواسي

...

عليك بساعة الفرحه تراها
ترد الروح من عقب المآسي

وكل ورد الحب في قلبي نبت
وازهرت روح ٍ يعطرها شذاك

سامرتني نجمة الليل وسرت
واشرقت شمس الاماني في لقاك

وغردت لك نسمة الود وصفت
وكل شوق طار من غصنه وجاك

نور عيني لك مواعيدي وفت
ماتشوف العين فالدنيا سواك

بالوفا شمعة ليالينا ضوت
وكل ظلما تضوي بدنيا وفاك

والحياه اللي تنور بك بدت
وابتديت احس بايامي معاك

للابتسامة معنى و قيمة ؛................................ عندما تتزين بوجهك الطاهر

عذبة الأطباع و أكثر .. إنتي يالعفّ الخجول
من لفيت الدنيا و انتي .. مثل غيمه ماطره

عالية أصل و مطرها .. كل ما جاد بنزول
مثلها إنتي كريمه و هيَ مثلك طاهره

ميّزك ربي بملامح .. زادها نور و قبول
و بعيونٍ منها غارت .. ألف نجمه ساهره

هذا غير الشمس يا اللي جاها من حسنك ذهول
و اكتبت في مدح زينك .. لين صارت شاعره

مذهله في كل حاجه .. إنتي يا بنت الأصول
في هدوئك .. في كلامك .. و المعاني العاطره

لك تفاصيل إبتسامه .. تاخذ ألباب العقول
بارده عالقلب كنْها .. نسمه حلوه عابره

هذا إنتي و ما أبالغ .. لو أقول إنّ العذول
من كثر طيبك دعا لك بالسعاده الغامره

صدقيني إنتي غير .. و صدقيني لو أقول
إني يا روضة زمنّا .. إنتي حاجه نادره

ياصباح الخير يا نور الشمس ؛ يا هلا بك يا هلا ومرحبا ؛؛ يا هلا باللي شمسنا عينه و نورنا خده ؛؛ ياهلا بالطيب ؛ و الطيب قلبه ؛؛

صباح الخير لكل من زرع الابتسامة في محيا الاخرين




الاربعاء ( 14 / 8 / 1438 )
...(10 / 5 / 2017)...

الصفاء ؛ ان تكون في منتصف مكان خالي من الشوائب ؛؛







الخميس 15 / 8 / 1438
... ( 11 مايو 2017 ) ...

ضحكتك و عينك بعيني ؛ ؛؛؛؛؛؛؛ هي الرخامة ؛ كان تعرف الرخامة بمعناها ؛؛ دام قلبك في غيابي يسلك علي الكلام الردي وانت تضحك ؛ و تبتسم ؛؛ عطني الكلمة الشينة وانا اسمعها ؛


للاسف ؛ الاحترام هو ذلك الشي الذي قد تعطيه من لا يستحق السلام



السبت (17 / 8 / 1438)
...(13 / 5 / 2017)...

سياتي يوم ؛ و تكتشف انك تسقي حجر !




السبت 17 - 8 - 1438
...(13 مايو 2017)...