مأزالت الحوادث مستمره في دوار الموت (دوار الدفاع)

اقتباس: المشاركة الأصلية كتبت بواسطة عالم ثاني    اما ربعك بهالديره يحكمون عقولهم (ايه هين) ربك مع احترامي طايرين بالعجه والا هاللي صادم بالدوار او راعي البيجو او راعي الصالون قبله كلهم طايرين كنهم في سباق فوق الـ160 بشارع السرعه القانونيه فيه ما تتعدى 75 الا يستاهل ونص والله يستر عليه وعلى من معه وادري ان نصكم مو عاجبه كلامي ( بس هذا هو الحق والا حنا تعودنا تشطح بالبلدية وخلاص)

استغفر الله استغفر الله استغفر الله ماتاصل انك تقول يستاهل ياخي خف ربك وانت لك فيها عظه !!!!!
الواحد مهوب عشانه يشتغل في البلديه يرد وهو مايدري وش السالفه ياخي الرجال قبل يصدم شاري من بقاله العربيه !! والله لو معه موستنق ما امداه يسرع !!!

لكن مثلك هو الي ذبحنا في هالديره ودمرها والله يستر عليك وعلينا

اقتباس: المشاركة الأصلية كتبت بواسطة عالم ثاني    اما ربعك بهالديره يحكمون عقولهم (ايه هين) ربك مع احترامي طايرين بالعجه والا هاللي صادم بالدوار او راعي البيجو او راعي الصالون قبله كلهم طايرين كنهم في سباق فوق الـ160 بشارع السرعه القانونيه فيه ما تتعدى 75 الا يستاهل ونص والله يستر عليه وعلى من معه وادري ان نصكم مو عاجبه كلامي ( بس هذا هو الحق والا حنا تعودنا تشطح بالبلدية وخلاص)

لا إله إلا الله محمد رسول الله

أولا قدم اعتذارك واستغفر ربك لما بدر منك فهذا كلام فيه تعدي على قدر الله
ثانيا لا تكذب على الر جال وتقول عن الرجال مسرع انت شايفه بعينك مسرع او هو تطبيل وتظليل
ثالثا قد ذقت أنت من هذه الكأس والله يعافيك ولا يبلانا
رابعا ياخي مهوب عشانك تشتغل في البلدية تاتفزع معهم على الخالي بلاش وتطبل لهم

قال رسول الله -صلى الله عليه وسلم-: ((لا تظهر الشماتة لأخيك فيعافيه الله ويبتليك)).
الى الاخ : عالم ثاني ......
كيف تحط في ذمك انه مسرع او في سباق الفورمولا (طبعا حنا مانعرف وش السباق هذا ) انت واللي مثلك تعرفونه ....
طبعا معرووووف ليش انت رديت هالرد(اشياء خاصه بك) فلا تشمت ياخيك المسلم يعافيه الله ويبتليك,,,
وانا مااحملك مسؤولية الرد والله احملها اصحاب المنتدى والمسؤولين عنه كيف تشمت ع اخوك المسلم ...
وانا اطالب ادارة المنتدى بالاعتذار اذا لم تكن انت كفو بالاعتذار (لانك خصصت ولم تعمم في ردك)...
والحقيقه استغرب الكلمه اللي انت كاتبها الى الان موجوده ماحذفت .... وثقتنا كبيره في اصحاب المنتدى انهم
يقدمون الاعتذار الرسمي ....

اضن انا الحين صار وضح حطو لمبات وكلش بس هذا طاير ليه العجله يعني السرعه ماوراه الى الحوادث

السلام عليكم
احب اقووووووووووووول للي يقولون مسرع ومدري وش ماودي اقول اقول جعل اللي جاه يجيك
لاكن راح اكون عاقل وان شاء الله يكون اخر حادث بتمير واهل تمير
ليتكم تكونون اعقل من كذا خلاص واضحه الدواااار حوادثه كثيره مو معقول يكون الناس اللي صدمو كلهم غلطانين
والحمدلله على سلامتك يابوعبدالله وعيالك وما يصيبك شر ان شاء الله
استغفرالله استغفرالله

احسن ما في هالدوار حاجتين انه قريب من الدفاع المدني عشان يطلعونك من سيارتك اذا تقربعت في الدوار
والهلال الاحمر جنبك ما يمديك تصدم الا وهو واقف عندك
وش تبي احسن من هالخدمات
واقترح بعد انهم يكملون الناقص ويحطون تشليح داخل الدوار
الدوار كبير ويشيل سيارات واجد وشلوله التعب اصدم واترك سيارتك عندهم

واقول للي يقول
اقتباس:
المشاركة الأصلية كتبت بواسطة عبدالعزيز الهزاع

الحين الرجال على كلام الشهود يقولون طاير بين السما والارض

وش ذنب الدوار في الحادث؟
بعدين تخيلو على سرعته الجنونيه هذي وقبل لا يحطون الدوار ايام كان تقاطع
طلع له سياره من الشارع الثاني وصدم فيه وصارت البلوى ثنتين
هل بنجي نقول الخطأ من التقاطع شيلوه؟
حكمو عقولكم شوي وركزو على صاحب السياره الي يمشي ميتين ولا في طريق الرياض السريع

والي قبل كلهم يمشون ميتين
الله ما شفناه لكن بالعقل عرفناه هالدوار في مشكلة الانعطاف الي قبال الدفاع يدهور الواحد ويخلية يرتبك انا مرتين بغيت اجيب العيد وكلهن ما تعديت 60
"
:
:
اما هذا ما فيه حيلة هذا الي يقولون مطفي النور وموطي الخلق

اقتباس:
المشاركة الأصلية كتبت بواسطة عالم ثاني




اما ربعك بهالديره يحكمون عقولهم (ايه هين)
ربك مع احترامي طايرين بالعجه والا هاللي صادم بالدوار او راعي البيجو او راعي الصالون قبله كلهم طايرين كنهم في سباق فوق الـ160 بشارع السرعه القانونيه فيه ما تتعدى 75 الا يستاهل ونص والله يستر عليه وعلى من معه


وادري ان نصكم مو عاجبه كلامي ( بس هذا هو الحق والا حنا تعودنا تشطح بالبلدية وخلاص)

احمد ربك على العافية بس لا يجي يوم ونلقاك مبلط في هالدوار وكاب الملح

لاحول ولاقوه الابالله

الحمد الله على سلامه والله يكفيكم شر الحوادث
تذكرون الدوار الي حطوة في جلا جل تراه نفس الشي وصار فيه كم حادث بس اخف بكثير
واقترحت على البلديه انهم يحطون لمبات دار مادار على رصيف الدوار على شكل اسلاك ذات اضاءه قويه لتكون واضحه
والحمد الله لقى اقتراحي تقبل منهم وتم اضاءه الدوار بشكل واضح وضوح الشمس

اما سالفت انه يحط اضائه فوق وين الي بيشوفها

بس المطلوب وضع اسلاك اضائه على رصيف الدوار دار مادار بلون الاصفر والاحمر
وتكون مكثفه بحيث تكون واضحه للقادم
وبذلك يستطيع تدار الامر وشكرآ.....
الله يحفظ الجميع من كل شر .............

عين العقل اخوي محايد وكلام يبرد الكبد وتسلم ،،


وخذ هذا واحد من الي مطفين النور ولا يدري يايطبل للعالم ووده يرد بس مايدري وش يكتب !!!

اقل شي قل الحمدلله علي السلامه تراه مسلم سعودي تميراوي

اقتباس: المشاركة الأصلية كتبت بواسطة محترم باخلاقي    اضن انا الحين صار وضح حطو لمبات وكلش بس هذا طاير ليه العجله يعني السرعه ماوراه الى الحوادث

ياخي تقول طاير .... انت شايفه بعينك ولا سامع من الي متكين في الثيل في شلال العزيزيه اخر الليل وتراك تاتحاسب علي كلامك يوم ماينفع الندم

الحين بعض النااااس مافكر على الاقل يقوول الحممدلله عالسلامه
للرجال وعياله
عن أبي هريرة رضي الله عنه : أن رسول الله صلى الله عليه وسلم قال : ( من كان يؤمن بالله واليوم الآخر ، فليقل خيرا أو ليصمت ، ومن كان يؤمن بالله واليوم الآخر ، فليكرم جاره ، ومن كان يؤمن بالله واليوم الآخر ، فليكرم ضيفه ) رواه البخاري و مسلم .
ياخي قل خيرا او اصمت (فالصمت حكمه وقليل فاعله)
استغفرالله استغفرالله

اقتباس: المشاركة الأصلية كتبت بواسطة عالم ثاني    اما ربعك بهالديره يحكمون عقولهم (ايه هين) ربك مع احترامي طايرين بالعجه والا هاللي صادم بالدوار او راعي البيجو او راعي الصالون قبله كلهم طايرين كنهم في سباق فوق الـ160 بشارع السرعه القانونيه فيه ما تتعدى 75 الا يستاهل ونص والله يستر عليه وعلى من معه وادري ان نصكم مو عاجبه كلامي ( بس هذا هو الحق والا حنا تعودنا تشطح بالبلدية وخلاص)

قد يخسر الشخص قيمته واحترامه اذا غير من قناعته ومن اجل مصالح شخصية لاشخاص لهم تفكير عقيم لايهمهم مصلحة

البلد ولا يهمهم مصلحة وسلامة المواطن في هذه المدينة ؛؛

هل تعقيبك يا عالم ثاني خرج من قناعة وفكر رجل فاهم وعارف ببواطن الامور !!!! ؟؟ انا اجزم ان هذا التعقيب مجرد ترسبات

داخلية من جلساء لا يرضون بالنقد ولا يرضون الا بالتطبيل والمديح والجميع هنا نعرف ان هذا المكان لا يعرف التطبيل

ولا يعرف المديح فهذا الامر لا يخدم بل يهدم ويدمر اي عمل يقام فالمكان المخصص بالمديح ليس هنا .. هنا قول الحقيقة وهنا يكتب

النقد الصادق والبناء في اي تقصير نشاهدة بعكس ما نشاهدة من تطبيل وتزمير والاكثار من المديح في ظل ادارتك الجديدة والمرسومة

بعناية فائقة والامثلة كثيرة واقربها تم عمل جزء بسيط من قبل الجهة المعنية وتم التصفيق والبهرجة وسرد المديح والخرابيط والنتيجة

الامر لا يستحق كل هذا فالكتاب باين من عنوانه امتدحني وطبلي ولا تنتقدني ولا تجد اي عيب في عملي هذا هو شعار من تدافع عنه

!!! خلاصة كلامي تنكره بلديه تعرفها اذا هذا الاسلوب المتبع ووضع الخطاء على المتضرر وتتهمة بالقيادة والسرعة الجنونية !!!

استغفر ربك من الهفوه الكبيرة التي ارتكبتها بحق هذا المتضرر وغيره من المتضررين ولا يجوز التهكم والسخريه بهذه الصورة السخيفه ؛؛؛