::الرحلة المهندية البرمائية:نحو المنطقة الشماليةالغربية: رمال وآثار وأمطار وغيران : والغوص الغوص ::

اقتباس: المشاركة الأصلية كتبت بواسطة قصائد    ماشاء الله تبارك الله ما قصرت يالطيب وفيت وكفيت تغطيه جميله ورحله جدا رائعه ( والله ما لقها الاانتم يا الرجاجيل ) صور تدل على ان بلادناغنيه بالاماكن الجميله والرائعه تستحق الزياره اتمنى زيارتها واشوف السفينه الغارقه ( ان شاء الله في الحلم ) وكما هي عادتك امتعتنا اخي الكريم بهذه الرحله شكرا لك بحجم السماء ورزقك الله سعادة الدارين

مرحباً بك أختي قصائد ..

شاكر لك هذا الشعور .. والتعبير النبيل ..

الحمدلله .. إن بقى لنا شيء .. والله يجعل حظنا وحظكم في الآخرة ..

العفو والله لا يهينك ..

اقتباس: المشاركة الأصلية كتبت بواسطة زمان الصمت    تقرير جميل ورائع مشكور يا ابو مهند على الصور الجميله والله يوفقك يا رب

الله يعافيك اخوي زمان الصمت ..

شكراً لدعواتك الصادقة ..

اقتباس: المشاركة الأصلية كتبت بواسطة الكاريبي    صباح الخير المهند ،وشلونك اليوم هلا بك أخوي الكاريبي .. والله يصبحك بمثله .. الحمدلله بخير .. ممكن تشرح او توضح لنا الصور !فيه صورة تحبي فيها ،وصورة تحاول النزول ،شكلها مخيف والله ** يضيق الطريق .. وتنعدم الإضاءة .. ** الوصول لآخر الغار الصغير .. ** الرؤية منعدمة .. وأوجدتها فلاشات الكاميرا .. ** هنا فوهة .. في أعلى الغار الصغير .. ومن خلاله تنزل المياه .. ** هنا أسفل الغار .. ** الصعود للأعلى .. والبحث عن شيء ما ضاع لنا .. ** أعلى مكان استطعنا الصعود له .. ** ليس النزول كالصعود ..

هذي مغامرة داخل مغارة ..
كنت أسمع عنها ولا جيتها مع كثرة جياتي للغار ..

ويوم الله جاب لي شباب يشجعوني على الدخول دخلت معهم ..
وهو فتحة في داخل الغار الكبير .. ماتشوفها إلا بالكشاف .. وكل ما مشيت شوي وحبيت قلت خلص الطرق .. ثم تلقى لك منفذ منا أو منا .. فيجيك احساس أنك داخل مغامرات الحصن ..

اقتباس: المشاركة الأصلية كتبت بواسطة الكاريبي    ** حيث بلغ منا الجوع مبلغه .. فقد كانت آخر وجبة لنا تحت أشجار تبوك .. بالله توضح لنا الجملة وقد بلغ منا الجوع مبلغه ! وش سنعها مع هالصورة ؟

الواحد إذا جاع يأكل أي شيء .. شف السفينة قبل ما نجوع .. وشفها عقب ما كلنا حديدها .. أندري وش سنعها .. من كثر خرطه .. كثر غلطه ..

الله يعافيك على تعديل صوري ،واتعبتك معي !
لكن يعلم الله ان الحاصل خارج السيطرة .

اقتباس: المشاركة الأصلية كتبت بواسطة توليب2    مشاءالله عليك وسيع صدرك اخوي الله يوسع صدوركم من جد عشت جوو مع الرحله الرئعه وتقرير اروع واستممتعت مع رحلتك في كل صورة الف شكر لك واحلى تقيم لك لجمال موضوعك وبنتظار جديدك الرائع والمميز ولك كل الود والتقدير احترامي

كل الشكر لك اختي توليب .. ولشعورك الجميل .. تجاه هذا التقرير ..

بارك الله فيك وشكراً على التقييم ..

لاهنتي ..

اقتباس: المشاركة الأصلية كتبت بواسطة النادر    مشاء الله عليك يالمهند ابداع مابعده ابداع وصور رائعه والتعليق يخليك تدخل جو معها حفظك الله اينما كنت ومن معك

الله يجزاك خير أخوي النادر على دعوتك ..

الله يحفظ الجميع ..

شكراً لك ..

ابومهند الظاهر ان ابعد نقطة في رحلتكم مدينة حقل !
كم تبعد عن تمير ؟
وش مناخهم؟يبدو لي ان الجو عندهم براد.

اقتباس: المشاركة الأصلية كتبت بواسطة الكاريبي    الله يعافيك على تعديل صوري ،واتعبتك معي ! لكن يعلم الله ان الحاصل خارج السيطرة .

وبس ..

صارت صورك ..

الله لا يعيد أيام السرقات .. !!!

أبد تعبي راحة ..

وترى مافيها شيء لو تقوم تحدد الصور اللي تبي وتنسخها نسخ .. ثم تعلق أو تستفسر منها ...

هالحين تراي محمل صور وش اسوي بك ؟

طيب الصور هذي وش تعني ماء ،وساقي ؟