- [ ســجلَ دخـولـكَ و خروجكَ ] بـــ بـــيـــتُ أو أكثرَ من الشـعر ‌¬ الجزء الثآني ] !

شفت العقل مرات يجبرني أنســاك
شفني تركت العقل دونــك وجيتــك


من غيـر داعي جيت عاشق خطاياك
لـو تطـلب عيونــي ياقلبي عطيـتـــك

أثر المصايب ماتجيك إلا من الناس القراب
وبهالزمن حتى الخوي اللي تثق فيه أحذره

دريت ان " الوفا " أصبح نهار ندفنه بّ اليل
ودريت ان " الصدق " كذبه مثل كذبة مواويلي


وعرفت ان الأمل خيط تعلق به ضعيف الحيل
وأنا أول من تعلق به وانا ادري فيه تضليلي

للحزن في وجهي كلآم { وتعآبير}!
قصة { حزن }!تصعب على من قرآهآ
رغم الآلم أضحك { وأسولف }!مع الغير
{ وأنسى }!جروحي وأتجآهل ندآهآ ..
●●

قولوله ان جانـي عسـى الله يحييـه=جعل ابرك الايـام يـوم ن لفـا بـه

حتى البلد من غاب ! في عين مغليه=ولله مايـسـوى جـنـاح الذبـابـه

لبا حضوره ولبا أسمه وعنوانه
0000الغالي اللي عليه الشووق يدفعني

عندي بخانه وباق الناس في خانه
0000قلبي عن البعد عنها مايطاوعني

أكبرقهر لا من حكى فيك إنسان !!
و يصدقه من هو تعزه و تغليه

غضي النظر يا عين .. وش جاك ،، وش صار ..!!
اللي يحب اثنين ،، لابد يختار ..

عقب البطا لاقيت ضافي الجديلات
ياليتنا عقب البطا ماألتقينا

سلمت وقلت:لنور عيني سلامات
وش غيرك وش السبب ماتبينا؟

دنق وقال :ارجوك انهى العلاقات
شي حصل ماعاد هو في يدينا

قلت السبب؟ قال الليالي غريبات
انهى العلاقه واعتبرنا انتهينا

انابحبل انسان ماهي دعايات
ارجوك ابعد خايف انه يجينا

طالعت فيه وهلت العين عبرات
في ساعه غصب علينا بكينا

حاولت اعبر عن هموم خفيات
بس الحكي شيفيدمهما حكينا

كتمتهن بالجوف لوهن قويات
راضي على ماصار لو مارضينا

واخر كلامه قالي:كم كلمات
لاتسيئ ظنك هي غصب علينا

ولف العباه وراح وانا بحسرات
فرقا جرت من غير ذنب جنينا

وقمت اتذكر كل شي لنا فات
قبل اتغير بالمحبه حدينا

ياما سهرنا بأظلم الليل ساعات
وياما طلع نور الفجر مادرينا

وياما لنا فوق المراقيب ذكرات
وعلى جبال الزور ياما رقينا

وياما تحملنا الصعوبات مرات
وياما على سودالليالي شكينا

على زمان فات جريت ونات
لوهن على ضلعان مكه تلينا

اقرى الموادع بالقصص والروايات
لاشك ماظنيت بيصير فينا

(وارجع واكرر كلمتي بسكات
ياليتنا عقب البطا ماألتقينا

صار الوطن بعدك من الناس خالي
صار... ( الوطن غربه ) بعد مافقدناك


يابوي أنا بعدّك سهير الليالي
مقهور من دنيّاي منّا.... ومنّاك !


حدتني الدنيا وأنا راس مالي
إني ... عزيز النفس . مثلك وشرواك


مافيه شيٍ في حياتي صفالي
حتى . الورود . إن جيتها صارت أشواك


أطيح واحمولي عليّه إثقالي
وأتخيلك مديت لي كف , يمناك


بعدّك ولامره ترى إرتاح بالي
أصفّق على كفي ندم وآتحراك


من ضيقتي ياكّم أصّدق خيالي
وأقوم أدوّر عنّك وآقول ب القاك


أضيع بالعالم وهمي سؤالي ؟
هو أنت ؟ وينك ؟ ليه ماعاد شفناك ؟


أدري لو إنك حي ياعز غالي
يمديك.. تفزع قبل.. ماجيك وانخاك !!


ويلاه , ياحالي وماهو جرالي
ويلاه , ياقلبٍ تعذب في طرياك


ويلاه , يابويّه من اول وتالي
لا...... والله.. أول.. كان.. ينجيني إدعاك


واليوم من بعدك وش اللي بقالي
غير إني أدعي ربي يغفر خطاياك


يالله حطّه وسط منزال عالي
في جنة الفردوس يارب الافلاك


واغفر ذنوبه ياعزيز الجلالي
وشرح لي صدرٍ ضااااااق من جّور دنياك