هين هين يالضبان

14 / 05 / 2011, 32 : 11 PM

اقتباس:

المشاركة الأصلية كتبت بواسطة » اِلـَوَفْآءْ بـِنْـتْ


	الآ شموس وجو شين , وبعدين ضحكتني بكلمة شلخه , مآتوآ اللي يقولونهآ , ههههههههههه

ودي والله انك تطلعين يوم من الايام يالوفاء ةفي عز القياله <--- انواع التعذيب هههههه
عاد شلخه هذي ماخذها من صديقي دايم يقولي اشلخ النا جحه او جرو خلنا نمردخهن,,

14 / 05 / 2011, 46 : 11 PM

اقتباس:

المشاركة الأصلية كتبت بواسطة المهند


	يععععععععععععع وش هالضبان يا أبو حمد ... ما يأكلهن ولا المعاقب ... يبي يجي يوم وتكثر الضبان .. مهيب لاقيه أحد يأكلهن .. هالاسبوع دخلت من عند أم رقيبة وطلعت مع خط الصمان منا .. أعوذ بالله .. تقول جايهن مجاعة .. اللي فوق السدره واللي على العوشزة يأكلن من بريضها ... صح أننا يالله قبلناها وتغدينا عليها مرتين .. !! لكن ضب الصمان ما يشجع هالسنة ... لكن الحمدلله تعشينا عشوة حمام خضاري من دحل طميناه .. أبو حمد الكبسة هذي تدرس ... والله يا هي غرض في الشتاء ... أما الليمون نسميها ( المنسيه ) من كثر ماننساها .. الله يعطيك العافية .. وبانتظار التقرير الباقي ..

ماهقيت بيجي يوم بيكثرن يا المهند!!
قل بينقرضن ايه ..

اجل ناوي اروح لم جهه الصمان من عند الخط الاسبوع الجاي استخير اجل واشوف الوضع تراي اوسع صدري بس
غيري هو الي ياكل اما انا اتحمد ربي عليهم اذا شفتهم يطبخونها..
تبي الصدق عقب ضب الصمان الي لحقني عقبها خلاص كرهتهن مره وحوش مو ضبان هذي!!

جربها يالمهند اكبسها في هالقصديره لها طعمه اول مره اذوقه..
اجل الليمون عند الكل نروحبه ونرجعه الين يخرب..

الله يعافيك ويا هلا فيك..

14 / 05 / 2011, 50 : 11 PM

اقتباس:

المشاركة الأصلية كتبت بواسطة الماسه


	ماشاء الله وش هالتقرير الزين ياربي على الطير يجنن

الزين ما يجيب الا الزين

والطيرلو معي ساكتون ما خليته موقع

يا هلا فيك يالماسه ومنوره المووووضوع..

14 / 05 / 2011, 57 : 11 PM

اقتباس:

المشاركة الأصلية كتبت بواسطة ابوخليــــل


	يعطيك العاااافيه على التقرير المميز الله لايحرمنا من جديييييييييدك والله حررررررررررام خليتوه كاااان جدعته في صندوووووووقي هههههههه

الله يعافيك ابو خليل ولوداري انك تبيه جبته لك وتراه مربع وشبعان بعد ,,,
ابشر بالعوض ان شاء الله,,
ويا هلا فيك ومنورنا بحضورك..

15 / 05 / 2011, 01 : 12 AM

اقتباس:

المشاركة الأصلية كتبت بواسطة زمان الصمت


	كشنه حلوه بس ما كملتها بطبخ واكل الضب وش الفايده من المطامر وراه اذا ما كلته ورغم ذلك تقرير مميز وجميل يا ابو حمد مشكور وما قصرت يا الغلا

عني انا وخويي معد ناكل الضب منثل اول
وترانا لاقين هالضبان بالصدفه ما حولنا من متورنا ابد والله يخلي لنا بنات المذن
مصلوخات ومقصقصات,,

حياك اخوي زمان الصمت والجمال حضورك وتواجك في الموضوع,,
تحياتي لك..

15 / 05 / 2011, 05 : 12 AM

اقتباس:

المشاركة الأصلية كتبت بواسطة aldokkel


	تقرير جميل جدا ... والاجمل هذي..

والاجمل من هذي حضورك وتواجدك اخوي في الموضوع..
ليتك معي كان مذوقك من الحليب وموديك لمها ابرك لك من روحه مع مخاوي تمير وابو عبد الرحمن,,

15 / 05 / 2011, 06 : 12 AM

تقرير ورحله جدآ رآئعه
وبالعافيه عليكم آلجح كله هع
يعطيك العافيه يابوحمد ومآقصصرت ,,
وبآنتظآر جديدك ..!!

15 / 05 / 2011, 08 : 12 AM

اقتباس:

المشاركة الأصلية كتبت بواسطة اسيرة


	ماشاء الله عليك تقريررائعه مع الضبان ههههههه وتسلم ايدينك على الكبسه

وش انا قايل عشان تضحكين

والله يسلمك ويعافيك ويخليك لعين ترجيك..

15 / 05 / 2011, 10 : 12 AM

اقتباس:

المشاركة الأصلية كتبت بواسطة المارد


	يعطيك العافية

الله يعافيك اخووووي المارد

ويا هلا فيك..

15 / 05 / 2011, 19 : 12 AM

اقتباس:

المشاركة الأصلية كتبت بواسطة هبوب الريح


	ما شاء الله عليك يابوحمد ودي اذوق الضبان ومرقتها اما البريز هذا يا هو شي الشاهي فيه شكله ناقع في تنكه بس ودي اعرف انزل صور مثلكم وشلون تنزلونها

نسيت طعمها يا هبوب الريح وتبي شوري خلك بس في حميمات وارينبات ابرك من هالضببه,,
البريق هذا له قصص وحكايات !!

وتنزيل الصور سهل جدا وعمنا قوقل يعطيك الشرح المختصر والمفصل وان شاء الله نشوف صورك قريب..
ويا هلا فيك اخوي هبوب ومنور..

الذين يشاهدون محتوى الموضوع الآن : 1 ( الأعضاء 0 والزوار 1)