::: خمسُ ليالي : بين أحضان الرمالي : في رُبعٍ من البشرِ خالي ::: رحلة عيد الأضحى 1431

موضوع قمة بحق الحمدلله على السلامه اخوي المهند
بداية الموضوع دعاية وين حقها !!!
والباقي روعه بكل ما فيه وحمدا لله على سلامتك

التاريخ هذا يذكرني بمكه فهالتاريخ هو يوم المطر القوي على الحرم

اقتباس: المشاركة الأصلية كتبت بواسطة ابو مشعل    تقرير راااااااااائع بمعنى الكلمه جمعت فيه كل شي ماعاد خليت شي ينذكر يكفي وجود هالوجيه الطيبه معك والابار بصراحه غريبه استمتعت كثيرا بما طرحت يالغالي الف شكر لك

الروع هو حضورك أخوي أبومشعل ...

مالقينا شيء نجمعه .. يبي لنا رحلة أكثر تفصيل وأكثر معلومات ...

ما عليك زود ... يا أبومشعل ..
وبالفعل الآبار غريبة .. فسبحان من أوجدها ..

العفو والشكر على المرور ..

رحله ممتعله حسب التقرير واشوني ماعرفك ولا كان توهقة برحله زي هالرحله

السلام عليكم
الحمدالله على سلامة الوصولْ ,
كـ عآدتك آخي المهندْ مبدع ْ حد ْ الثمآلة بـ تقآريرك ْ وهـ التقرير ْ مختلفْ جداً
أول مره آشوف تقرير وآحس بـ الرهبة , مدري عشآن المكآن بعييد وخآلي من النآس ,
آو صوره المدفون ْ ==> اللي حتى الآنْ مآفهمت ْ سره ,,!!
بـ صرآحة مدري كيفْ تتحملونْ وتتجهون ْ لـ هذه الآمكآنْ البعييدة , اللي الوآحد مآيدري وش يقآبله هنآك ,
بس هذآ طبعكمْ يـ الرحآلة ,



ذكرتني بـ مسلسل البدوي " وضحى بن عجلآن "
بسآلك ْ وش ْ سالفة الآلعآب ْ اللي وجدتوهآ هنآك َ , والسيآرة المدفونة ,

يعطيكَ الف عافية على هـ التقرير الجمييل جداً , والمقطع الـ فديوآ الرآئع ,
لآهنت ,

الحمدلله على السلامه ،،
رحله جداً ممتعه امتعتنا بتقريرك الوافي
تخيلت اني معكم بالرحله صور جدا روعه وخاصه
انها رمليه ويتواجد فيها الحطب وش خليت وش خليت
ووش سالفة ذا الميت ماعطيتنا معلومات كافيه عنه
يبغالي عوده مره ثانيه لتقريرك الجميل الله يعافيك

تقرير راآئع واحس رحلتكم هذي زي المغامرة

دمت ودام عطائكـــ’’’

اقتباس: المشاركة الأصلية كتبت بواسطة جار القمر    ابن آدم مشقى .. يدور الغثاء والبهذله !! <---- ميت يبي الربع ولا حصل !! شكرا على الدعاية والتقرير !!

هلا بالجار ... وأسعد الله مساءك بكل خير ..
على طاري ابن آدم مشقي عمره ..
هاك السنة رحت أنا وعاملنا المصري نبي نحطب في الدهناء وفي عز قايلة البرد ..

المراد يوم حطبنا وكل شوي نشوف ناس كاشتة وشابة الضو وملتفة على الضو ..

عاد هو ينصحني ويقول وش حادكم على الغثاء والبهذلة .. ماعندكم بيوت وموية حاره ودفايات وعيشة زينة ..
قلت والله إنك صادق ابن آدم يدور الغثاء .. ويالله لك الحمد من زود النعمة الناس تبي تغير الجو ..

المهم يوم وصلنا لنقاء التنهات ويلقى العالم مختبصة ناس تطعس وناس تفحط وحوسة ... قال الحمد لله والله مالقيتوا شغل ...
وكنت وقتها مواعداً ربعً لي وجايبين ذبيحتهم معهم يوم بغينا نكب المرقة من القدر الكبير على الرز .. انجعف علي القدر شوي وموع أصابعي .. وأناظر في العامل .. قلت إيه هذه إن كشت .. وكل شوي حاطن معجون طماط أو رماد أبيها تبرد وعجزت ..
ويوم تغديت جيتك راجع للديرة ويدي مطلعها مع الدريشة وأبيها تبرد .. ومن يوم وصلت رحت على طول للمستشفى ويعطوني إبره وهي اللي تطيحني ويلحقوني بالمغذي .. وهو فازع معي ..
وكل شوي يقول لي .. ما قلت لك إنكم تدورون الغثاء ..!!

اللهم لك الحمد

كل شيء جميل في هذا التقرير
لكن لو ان الله هداك وما حطيت هالصورة في التوقيع
ما هو لو تغيرها يصير احسن

يماااآه توني اعرف ان هذا ميت مانتبهت له والله ودي اعرف وش صار بلغتو عليه

لايكون من الي يضيعون عن اهلهم واهلهم قالبين الدنيا عليهم الله يرحمه ويغفرله

والله رحمته :(

الحمد لله على السلامه
مغامره رائعه وتقرير مميز
كان التقريرمتكامل وشامل
وأن شاء الله تكون التقارير الجايه عن الربيع
واللهم أغثنا واللهم أغثنا واللهم أغثنا
وجزاك الله الف خير