الموعد الثاني .. انيري مقام البدر

يا صاحبي ..
ما في الهوى راحه ..
احذر تبيع القلب لجراحه
مسكين من قال الهوى جنه ..
يومين ويغير هواه ظنه ..

ويقول ما في الهوى راحه يا صاحبي ..

بحر العيون خذنا معاه مشوار ..
موجه غدى بينا ..
بحر العيون لا توهق البحار ..
يبعد عن المينا ..

ويا صاحبي ما في الهوى راحه ..

عمر الزمان ما لوع المشتاق ..
والله الزمن مظلوم
كيف الحنان يقسي على العشاق ..
صار الضنى مقسوم ..

ويا صاحبي ما في الهوى راحه


من روائع الشاعر بدر بن عبدالمحسن

احرق مكاتيبي
و انساها يا حبيبي
ماهي حروف و لا ورق
اللي التقى .. و اللي افترق
لو تدري قلبي اللي احترق
ماهي مكاتيبي

على السحاب و على الصحو
كل الحروف اللي انمحو
سهر الليالي كلها
حزن الدموع و ذلها
هذي مكاتيبي

انساني يوم والا سنه
الحب اغلى من عناد
الحب اطول من بعاد
كل المشاعر جمر
صدقني .. و الباقي رماد



من روائع الامير الشاعر بدر بن عبدالمحسن

أشتكيتك للقمر
أشتكيتك للي مع عيني سهر
من يوم مافارقتني ما يوم قلبي اهتني
كيف من بعد هاك الهنا عذبتني

فارقتني وماجاني منك خبر
عودتني تروي ليالينا حنان
تزهر أمانينا أمان
وخليتني اسهر مع القمره وحيد
وعيونك السمره بعيد

واشتاق آه من شوقي لبسمتك
عطشان قلبي لهمستك
كيف من بعد هاك الهنا عذبتني
فارقتني وماجاني منك خبر
واشتكيتك للقمر


للامير الشاعر محمد العبدالله الفيصل

الله يعلم
إني حاولت
أسند على كفي السما
و أناظر الشمس
أشرب عن عيونك ظما
أشرب ظما الشمس
و قلتي عسى جفنك عسى ما يحترق
حاولت ما أغمض عيوني و نفترق
حاولت أنا ما نفترق

أه لو تدرين
لا عوّد العاشق حزين
يمشي على جفن و جبين
لا باس يا القلب الشجاع
ضاع الأمل مالك عذر
من لمسة عيوني الشعاع
زندي انثنى رمحي أنكسر
و قلتي عسى جفنك عساه ما يحترق
حاولت ما أغمض عيوني و نفترق
حاولت أنا ما نفترق

إن لمسني حزنك الطاغي
باغطي وجهي الوجل بيدي
جرحيني... جرحي ثم أبعدي
جرحي الصمت بكلام
أه لو كلمة ملام
و أرجعي تحت الظلام
عودي في سنا القلب اللى توه يحترق
شمسنا غابت حياتي بنفترق
و الله يعلم



للشاعر الامير بدر بن عبدالمحسن

مبروك افتتاح المدونه واسال الله لك التوفيق
وبدايتها قوية ويكفي ان البدر عنوان لها
موفق وربي يسعدك

اقتباس: المشاركة الأصلية كتبت بواسطة النادر    مبروك افتتاح المدونه واسال الله لك التوفيق وبدايتها قوية ويكفي ان البدر عنوان لها موفق وربي يسعدك

الله يبارك فيك و يجزاك خير اخوي النادر .. مع حضورك الفخم لا املك كلمات تغطي احساسي تجاه هذا الحضور الكبير و الدعم السديد .. ربما ان للصمت مع الكبار مثلك اخي النادر حكمه .. فمهما تحدثت ساكون مجرد شخص حاول ان يصنع شيئا امام قوة حضورك

وفقك الله و يسر امرك

احسبني سهران و طلعت الساعه 11 و نصف !!!

صادق محمد العبدالله الفيصل رحمه الله يوم قال .. ابي ليل غير هالليل .. ابي ليل من اول !!!

شكل الامير يقصد بـ ( ليل من اول ) ليل الدراسة !!

مدونه جميله♡


كنت هنا🌹

اقتباس: المشاركة الأصلية كتبت بواسطة سسارونه    مدونه جميله♡ كنت هنا🌹

زيارتك هنا ليست كأي زيارة .. مشرفتنا الكريمة .. حفظك الله دائما و ابدا و حقق لك كل امنياتك و جعل السعادة عنوانا لك

اهنيك على جميل هذي المدونه
التي يكتمل جمالها بجمال البدر
اتمنى لك دوام التوفيق والنجاح
سر على بركة الله

دمت بخير يسرك ويسعدك